Sastra lisan Minangkabau

Pertunjukan indang

Sastra lisan Minangkabau adolah salah satu bantuak kabudayaan Minangakabau nan diwariskan dari muluik ka muluik. Di Minangkabau, satiok daerahnyo mampunyoi sastra lisan nan babeda-beda. Sastra lisan Minangkabau mampunyoi samacam arogansi nagari, aratinyo, suatu genre nan ado di daerah indak dapek dikambangkan didaerah lain, tapi lain itu dapek mengapresiasi genre itu jo baik, bahkan mengundangnyo untuak dipartunjukan didaerahnyo (nan bukan daerah asalnyo). Contoh Dendang Pauah. Genre iko hanyo dikambangkan di Padang, khususnyo daerah Pauah.Sacaro umum, dalam Sastra Minangkabau dikenal kaba. Sabagai Sastra Lisan, nan bararti bakumpulnyo pendendang jo khalayaknya, kaba pun disuguhkan jo sarana lisan. Pelisanan itu dilakukan jo duo caro, iyolah jo caro mandendangkan dan jo caro mendramakan.

Dari segi tema,sastra lisan Minangkabau ado nan bertema islam dan nan bertema bukan islam. Sastra lisan nan bertema Islam, misalnyo Salawat Dulang, Baikayaik, dan Badikia, sadangkan sastra lisan nan bertema bukan Islam, misalnyo kaba-kaba nan didendangkan ataupun disampaikan dalam Randai dan Bagurau (semacam berdendang berbalas pantun diiringi jo tiupan alat musik saluang).

Randai adolah drama tradisional Minangkabau untuak manyampaian kaba. Anggota ciek grup randai bakisar antaro 15 sampai 30 urang. Sabagai teater, randai marupokan patunjukan sastra lisan nan kompleks : campuan dari babagai seni, sarupo seni musik,seni tari, seni suaro, dan seni drama, teksnyo dihafalkan dek para anak randai nan tarlibat. Teks itu didapekkan anak randai dalam bantuk tertulis. Teks randai tadiri dari prosa liris dan pantun. Salain randai, juo tadapek Sijobang nan marupoan suatu sastra lisan nan manyampaikan "Kaba Anggun Nan Tungga Magek Jabang". "Jabang" dalam dialek Payakumbuh dibaco manjadi "jobang". Oleh dek itu, sastra lisan iko disabuik Sijobang. Sastra lisan iko marupokan sabuah pancaritoan nan didendangkan diiringi jo ketukan kotak korek api ka lantai. Salain diiringi dek ketukan kotak korek api, Sijobang juo didendangkan jo iringan kecapi. Teks Sijobang babantuk prosa liris, tapi di bagian-bagian tertentu digunoan juo bantuak pantun.

Dalam sastra lisan tadapek indang. Indang adolah kesenian nan barasa dari Minangkabau, khususnyo daerah Pariaman. Dalam pasambahan tadapek, shalawat, sambutan, jawek pantun atau babaleh pantun, dan minta maaf. Alat kesenian nan digunoan dalam indang disabuik jo Rapai, bantuknyo samo jo rabana. Sabuah pertunjukan indang tadiri dari tigo kalompok indang, nan masiang-masiang daerahnyo babeda. Indang biasanyo ditampilkan dalam acara, alek nagari, baralek, maangkek penghulu, dan perayaan 17 Agustus. Padendang dalam indang dibagi manjadi duo, iyolah padendang lua nan disabuik sabagai tukang dikia dan padendang dalam disabuik sabagai tukang karang. Pamain indang hanyo untuak laki-laki. Satiap kalompok indang mamiliki susunan pamain, iyolah barisan anak indang nan barado pado tikar panjang tadiri ateh tukang aliah diapit dek tukang pangga. Kiri dan kanan lua disabuik tukang kalang. Antaro tukang kalang dan tukang pangga adolah pemain indang biaso. Tukang dikia duduak  pado tikar nan lain dibalakang tukang aliah. Tukang dikia manyanyian pantun-pantun nan kamudian dinyanyian dek anak indang.