Sarayo

Wikipedia Minangkabau - Lubuak aka tapian ilimu
Loncat ke navigasi Loncat ke pencarian

Sarayo atau manyarayo (baso Kurinci: serayo atau nyanyo) adolah sistem gotong royong nan dikenal dek masyarakaik Minangkabau jo Kurinci. Serayo atau nyanyo bararti "manyampaikan mukasuik nan ka dikarajoan".

Pado prinsipnyo, sarayo marupokan gotong royong nan mauntuangan individu atau mamanuahi urusan urang nan mamintak bantuan untuak mangarajoan sasuatu. Adopun pamintaan tasabuik dilakukan dek salah sapihak ka kaum kirabaik tadakeknyo, tetangga-tetangga nan tingga di dakek rumahnyo, maupun urang sakampung (kelurahan ataupun dusun). Urang nan dimintak patolongan ka maagiah bantuan sasuai jo pamintaan pihak nan paralu bantuan.

Dalam sistem sarayo, tacaliak adonyo unsua karajo samo dalam mangarajoan sasuatu nan dipimpin dek urang nan maminta patolongan. Urang nan dimintak biasonyo indak manulak jo ado ekspektasi baso urang ka "mambaleh" kabaikan sabalunnyo.

Caliak pulo[suntiang | suntiang sumber]


Daftar pustaka[suntiang | suntiang sumber]

Buku

  • Harsono, Dibyo (1994). Pola Pemukiman Masyarakat Kubu. Tanjungpinang: Balai Kajian Sejarah dan Nilai Tradisional Tanjungpinang. 
  • Marbakri, dkk (1983). Sistem Gotong Royong dalam Masyarakat Pedesaan Daerah Riau. Pekanbaru: Departemen Pendidikan dan Kebudayaan. 
  • Novendra (2010). Sistem Gotong Royong Pada Suku Bangsa Kerinci (Kabupaten Kerinci, Provinsi Jambi). Tanjungpinang: Kementerian Kebudayaan dan Pariwisata Balai Pelestarian Sejarah dan Nilai Tradisional Tanjungpinang. 
  • Rusmali, Marah, dkk (1985). Kamus Minangkabau-Indonesia. Jakarta: Pusat Pembinaan dan Pengembangan Bahasa Departemen Pendidikan dan Kebudayaan. http://repositori.kemdikbud.go.id/2947/1/Kamus%20Minangkabau%20-%20Indonesia%20-%20335h.pdf. 
  • Subiyantoro, dkk (2017). "Sistem Gotong Royong dalam Mengerjakan Sawah Pada Suku Bangsa Kerinci di Provinsi Jambi". Makalah Seminar Nasional Hasil Penelitian BPNB Se-Indonesia.  Yogyakarta: Kementerian Pendidikan dan Kebudayaan Balai Pelestarian Nilai Budaya Yogyakarta.

Jurnal ilmiah

Pautan lua[suntiang | suntiang sumber]