Sampayang

Wikipedia Minangkabau - Lubuak aka tapian ilimu

Sampayang adolah salah satu minuman herbal yang ado di Minangkabau. Sampayang iko biasonyo tabuek dari incek sampayang, incek selasih, kayu manih, batu menthol, jo gulo batu. Incek sampayang nan warnanyo coklat tuo sagadang incek buah salak, nyatonyo ubek herbal nan banyak manfaatnyo. Incek sampayang atau namo ilmiahnyo firmiana affinis biasonyo tumbuah di hutan tropis. Indak hanyo ubek batuak, incek sampayang bisa maubekan paneh dalam, sariawan, radang tenggorokan, bisa pulo untuak ubek sakik ambeyen. [1]

Sampayang sampai kini masih murah dicari di Pasar Raya Padang atau di kadai-kadai masih banyak nan manjua sampayang. Harago sabungkuih sampayang saribu rupiah. Sampayang walaupun punyo harago yang murah tapi sangaik banyak khasiatnyo.

Sampayang biasonyo dibuek katiko alah ka diminum karano caro pambuatannyo indak payah. Caro mambuek aia sampayang, sabungkuih sampayang dilatakan didalam galeh sudah itu masuakan aia abuih kadalamnyo, beko aianyo barubah jadi warna merah. Warna merah itu kalua dek ado buah sampayang jo kayu manih. Tunggu abuihan aia tadi sampai dingin baru bisa langsuang diminum. Raso dari aia tasabuik amba meskipun dalam bungkusannyo ado gulo batu tapi indak maagiah raso manih. Untuak ubek batuak biasonyo diminum duo kali sahari, kalau diminum sacaro rutin biasonyo batuak akan sacapeknyo cegak.

Rujukan[suntiang | suntiang sumber]

  1. "Air Sempayang Racikan Bu Abdullah". Terkini! (dalam bahasa Indonesia). 2012-02-08. Diarsipkan dari versi asli tanggal 2019-12-09. Diakses tanggal 2019-12-09.