Samba buruak
 Samba buruak | |
| Asa | |
|---|---|
| Namo lain | Samba campua-campua |
| Nagara | Indonesia |
| Daerah | Sumatera Barat |
| Detail | |
| Jinih idangan | Utamo |
| Panyajian | Angek atau suhu ruangan |
| Bahan utamo | Patai, taruang, ikan teri, lado |
Samba buruak marupoan jinih masakan nan tadiri dari campuran panganan lain sarupo taruang, patai, jo ikan tri. Jinih samba ko barasa dari Sumatera Barat. Salain bahan-bahan tadi, ado pulo nan manambahan tempe jo tahu ka dalam samba buruak ko. Dinamoan samba buruak karano mancaliak bantuaknyo nan bacampua-campua jo indak baraturan. Ado pulo nan manamoan samba buruak ko samba campua-campua dek manyampuan jo bahan-bahan lain. Samba buruak-buruak banyak dijua di kadai nasi atau rumah makan nan manyadioan masakan rumahan.[1][2]
Caro mambuek
[suntiang | suntiang sumber]Bahan-bahan untuak mambuek samba buruak tadiri dari patai, taruang, ikan tri, lado merah, bawang merah, bawang putiah, tomat, gulo, jo garam. Mulonyo goreng patai, taruang, jo ikan teri. Giliang lado, bawang merah, bawang putiah, jo tomat, agiah pulo garam jo gulo. Tumih bumbu nan alah digiliang tadi, masuakan patai, taruang jo ikan teri nan alah digoreng sabalunnyo. Aduak sampai marato.[1][2]
Rujuakan
[suntiang | suntiang sumber]- ↑ a b "samba buruak buruak » Budaya Indonesia". budaya-indonesia.org. Diakses tanggal 2021-06-14.
- ↑ a b "Menyantap yang Buruak-Buruak". Republika Online. 2016-05-29. Diakses tanggal 2021-06-15.