Samaun Bakri
| Biografi | |
|---|---|
| Lahia | 28 April 1908  Kurai Taji |
| Kamatian | 10 Oktober 1948 (40 tahun (id)  ) |
| Kalompok etnis | Urang Minangkabau |
| Kagiatan | |
| Karajo | Wartawan |
Samaun Bakri tanamo subagai wartawan jo pajuang kamardekaan asa Minangkabau. Inyo lahia di Kurai Taji, Pariaman Sumatera Barat, tangga 28 April 1908. Samaun Bakri marupoan anak dari pasangan Abu Bakar jo Siti Syarifah. Inyo panah dapek pandidikan di Vervolgschool (Sakolah Rakyaik) kok kini disabuik Sumatera Thawalib Padang Panjang. Inyo panah manjadi anggota Partai Nasional Indonesia, Partai Sarikek Islam Indonesia (PSSI), dan Persatuan Muslim Indonesia (PERMI) nan bapusat di Padang Panjang. Pado Taun 1929, Inyo manjadi wartawan pado surek kaba “Persamaan”. Samaso hiduiknyo, Samaun panah manjadi wakil majelis pemuda Muhammadiyah di daerah Bengkulu. Inyo panah juo jadi kurirnyo Bung Karno jo manjadi urang kapicayoannyo presiden. Salain itu, inyo panah manjadi pembantu KH. Mas Mansyur katiko zaman paparangan jo Japang dalam marabuik kamardekaan Indonesia. Sasudah mardeka, Samaun bakri juo panah manjadi saksi parumusan naskah proklamasi kamardekaan nan bakarajo manjadi anggota dan Badan Pekerja (BP) Komite Nasional Indonesia Pusek (KNIP) mawakili Jawa Barat. Inyo Juo panah manjadi pambantu Wali Kota Jakarta Soewirjo.
Samaun panah pulo manjadi Sekretaris Gubernur Jawa Barat Mr. Datuak Djamin. Salain itu, Inyo panah Pulo manjadi anggota Majelis Persatuan Perjuangan Priangan (MP3). Salah satu tulisannyo nan tanamo adolah “Setahoen Peristiwa Bandung” nan ditulih untuak mangana paristiwa Bandung Lautan Api.[1]
Pandidikan
[suntiang | suntiang sumber]Samaun Bakri panah baraja di Vervolgschool atau disabuik pulo Sakolah Rakyaik, nan kini tanamo jo Sumatera Thawalib Padang Panjang. Baliau panah pulo ikuik kursus politik jo bahaso asiang.
Karier
[suntiang | suntiang sumber]Awal taun 1926, Samaun Bakri bakarajo di Kantua Residen Padang. Samaun panah pulo manjadi anggota Partai Nasional Indonesia (PNI), Partai Sarikat Islam Indonesia (PSII), dan Persatuan Muslim Indonesia (PERMI) nan bapusek di Padang Panjang. Pado taun 1929, Samaun Bakri manjadi wartawan surek kaba "Persamaan" nan tabik di Padang. Salain itu, inyo panah pulo manjadi wakil majelis pemuda Muhamadiyah daerah Bengkulu. Samaun Bakri panah pulo manjadi pambantu KH. Mas Mansyur nan manjadi anggota Jawa Hokokai.
Kaluarga
[suntiang | suntiang sumber]Istri Samaun nan katigo banamo Siti Maryam, sadangkan anaknyo banamo Abdul Muis (nan didapek dari isteri patamo).
Rujuakan
[suntiang | suntiang sumber]- ↑ Chaniago, Hasril (2018). 121 Wartawan Hebat dari Ranah Minang. Padang: Biro Humas Setda Sumatera Barat. pp. 372-375. ISBN 978-602-51382-0-1.