Saluak laka

Wikipedia Minangkabau - Lubuak aka tapian ilimu

Saluak laka adolah salah satu motif ukiran tradisional Minangkabau nan barupo aleh pariuak nan tabuek dari jalinan lidi enau atau lidi karambia. Jalinan tasabuik bafungsi sabagai aleh atau panahan pariuak supayo indak taguling dan jelaganyo jan sampai takanai benda nan lain.

Motif saluak laka manggambaran kakarabatan sarato parsatuan jo kasatuan dalam hubungan bamasyarakaik. Bantuak saluak laka nan tajalin arek, mambantuak kesatuan nan kuet. Jalinan ko marupuoan simbol pasatuan, kudian mambuek kakarabatan nan kokoh.[1]

Patatah[suntiang | suntiang sumber]

Nan basaluak nan bak laka

nan bakaik nan bak gagang

Supayo tali nak jan putuih

kaik-bakaik nan jan ungkai

Makasuik dari papatah ko manggambaan baa areknyo hubungan sistem kekerabatan nan ado di Minangkabau. Ikatan kekeluargaan nan digambaan dari jalinan rotan atau liki. Jiko rotan alah dijalin manjadi laka, mako kueknyo akan balipat ganda. Bagitu pulo jo kehidupan nan ado di Minangkabau, dimano banyak pengaruh dari lua tibo, karano ikekan adaik nan kuek mako sistem kekerabatan tasabuik indak akan goyah.[1]

Panampatan[suntiang | suntiang sumber]

Saluak laka biasonyo talatak di daun pintu jo daun jendela, seakan-akan manyambuik satiok datangnyo tamu jo salam persaudaraan nan kuek. Bangunan tradisional Minangkabau nan punyo ukiran motif saluak laka adolah rumah gadang Sicamin nan ado di Kabupaten Agam. Lataknyo babedo-bedo, untuak saluak laka I tampeknyo di pereng jo paga bangunan surambi. Saluak laka II tampeknyo di pintu masuak utamo.[2]

Rujuakan[suntiang | suntiang sumber]

  1. a b "Ragam Hias Minangkabau". epnri.indonesiaheritage.org. Diarsipkan dari versi asli tanggal 2020-11-17. Diakses tanggal 2019-10-06. 
  2. Joansa, Yurino (2015). Nama, Penempatan dan Makna Ukiran Tradisional Minangkabau Rumah Gadang Sicamin Kabupaten Agam. Padang: Universitas Negeri Padang.