Sakura

Wikipedia Minangkabau - Lubuak aka tapian ilimu
Sakura

Edit nilai pada Wikidata
Data


Media: Sakura
Ubah di Wikidata
Bungo sakura nan tumbuah di Kota Tokyo

Sakura (桜, 櫻?) (桜, 櫻) samo jo bungo seruni, adolah bungo nasional Japang nan kambang wakatu musim semi, iyolah kiro-kiro akhia bulan Maret sampai akhia bulan Juni.

Sakura dapek awak sobok dimapun di Japang, dalam bantuak macam barang, tamasuak kimono, alaik-alaik tulih, jo paralatan dapua. Bagi urang Japang, sakura adolah lambang nan pantiang, nan acok dihubuangkan jo padusi, kahidupan, kamatian, sarato lambang untuak manunjuakan hubuangan sasamo manusia, kabaranian, kesediahan, jo kasanangan. Sakura manjadi contoh untuak kahidupan nan indak abadi.

Pemerian[suntiang | suntiang sumber]

Pohon sakura adolah pohon nan masuak dalam familia Rosaceae, genus Prunus sajinih jo pohon prem, persik, atau aprikot, tapi sakura sacaro umum digolongkan ka dalam subgenus sakura. Kato "sakura" barasal dari kato "saku" (bahasa Jepang untuak "kambang") ditambah akhia nan manjadikannyo bantuak jamak "ra". Dalam bahaso Inggrih, bungo sakura disabuik cherry blossoms.

Warna bungo tagantuang jo spesiesnyo, ado nan bawarna putiah jo saketek warna sirah jambu, kuniang mudo, sirah jambu, hijau mudo atau sirah manyalo.

Bungo iko digolongkan manjadi 3 jinih badasarkan susunan daun mahkota:

  • bungo tunggal jo daun mahkota salapih
  • bungo kamba jo daun mahkota balapih
  • bungo saparoh kamba

Pohon sakura babungo satahun sakali, di pulau Honshu, kuncup bungo sakura jinih someiyoshino mulai nampak di akhia musim dingin jo bungonyo kambang di akhia bulan Maret sampai awal bulan April di wakatu cuaca mulai angek.

Di Japang, kambangnyo sakura jinih someiyoshino dimulai dari Okinawa di bulan Februari, dilanjuikan di pulau Honshu bagian sabalah barat, sampai di Tokyo, Osaka, Kyoto pado sakitar akhia Maret sampai awal April, alah itu pindak saketek-saketek ka utara, dan barakhia di Hokkaido di wakatu liburan Golden Week.

Satiok tahunnyo panonton sakura mambuek peta kambangnyo bungo sakura someiyoshino dari barat ka timur taruih ka utara nan disabuik sakurazensen. Manggunoan peta sakurazensen dapek dikatahui tampek bungo sakura nan sadang kambang pado wakatu tatantu.

Ciri khas[suntiang | suntiang sumber]

Bungo sakura jinih someiyoshino (Prunus × yedoensis Matsum. cv. Yedoensis)
Pohon sakura (jinih someiyoshino), sakitar 2 bulan sasudah bungonyo kambang)

Ciri khas sakura jinih someiyoshino adolah bungonyo nan labiah dulu kambang sebalun daun-daunnyo mulai kalua. Puluahan, ratuuihan, bahkan ribuan batang pohon nan ado di tampek nan samo, bungonyo mulai kambang seaentak jo rontok ciek-ciek di wawakatu nan samo.[1]

Bungo sakura jinih someiyoshino hanyo tahan kurang labiah 7 sampai 10 hari dihituang mulai dari kuncup bungo tabukak sampai bungo mulai rontok. Rontoknyo bungo sakura tagantuang cuaco jo hujan abek sarato angin kancang. Babarapo jinih buruang suko mamakan bagian bungo nan rasonyo manih, sadangkan buruang merpati mamakan kasado bagian bungo.

Kasampatan langka piknik rami-rami di bawah pohon sakura untuak manikmati kambangnyo bungo sakura disabuik hanami (ohanami). Wakatu hanami adolah kutiko sado pohon sakura nan ado di satu tampek bungonyo alah kambang sadonyo.

Di Japang ado standar untuak manyampaikan informasi tingkek kambang bungo sakura, mulai dari tabukankyo kuncup bungo (kaika), kambangnyo 10% dari kuncup bungo nan ado di pohon (ichibuzaki) sampai bungo kambang panuah (mankai). Bungo nan rontok capek digantikan jo keluanyo daun-daun mudo. Pohon sakura nan bungonyo mulai rontok jo mulai tumbuah daun-daun mudo aebanyak 10% disabuik ichibu hazakura. Pohon sakura nan sado bugonyo alah rontok jo hanyo punyo daun-daun mudo disabuik hazakura (sakura daun).

Bungo dari pohon jinih yamazakura kambang labiah lambek daripado jinih someiyoshino jo bungonyo kambang basamo jo kaluanyo daun-daun mudo.

Bungo sakura nan dimakan[suntiang | suntiang sumber]

Daun jo bungo sakura nan alah dirandam di dalam aia garam (shiozuke) dapek untuak jadi bahan makanan dek karano baunyo nan harum. sakura mochi adolah kue mochi nan dibungkuih daun sakura. Ado juo es krim jo kue kariang raso bungo sakura. Teh bungo sakura umumnyo diminum di wakatu khusus sarupo baralek. Rantiang jo kuncup bungo sakura dapek juo sabagai bahan pawarna alami.

Jinih[suntiang | suntiang sumber]

Bungo sakura Ukon (Prunus lannesiana Wilson cv. Grandiflora)
Kanhizakura (Prunus campanulata Maxim)
Yamazakura

Banyak jinih pohon sakura adolah hasil pasilangan, misalnyo inih someiyoshino nan tasebar di seluruah Japang sajak jaman Meiji adolah hasil pasilangan pohon sakura di zaman Edo akhia. Sakura inih someiyoshino ikolah nan tasebar luweh, sahinggo banyak urang hanyo tahu someiyoshino (nan merupokan salah satu jinih sakura) sabagai sakura.

Jaman dulu sabalun ado inih someiyoshino, urang Japang tahu bungo sakura nan kambang di pagunuangan nan disabuik yamazakura jo yaezaki no sakura sabagai sakura. Di wakatu kambangnyo bungo sakura, ribuan batang pohon Yamazakura nan tumbuah di Pagunuangan Yoshino (Prefektur Nara) manjadikan pemandangan nan rancak warna putiah, hijau mudo, jo sirah jambu.

  • Edohigan
    Edohigan adolah sakura nan kambang di Hari Ekuinoks Musim Semi jo bungonyo paliang panjang umua. Jinih lainnyo nan sarupo jo edohigan adolah ishiwarizakura jo yamadakashinyozakura nan tamasuakk pohon sakura nan dilindungi. Miharutakizakura adolah salah satu jinih edohigan nan rantiangnyo manjuntai-juntai, sadangkan yaebenishidare tanamo jo daun bungonyo nan banyak jo warnanyo nan tarang.
  • Hikanzakura
    Hikanzakura atau kanhizakura adolah sakura nan tasebar mulai dari wilayah Tiongkok bagian selatan sampai ka Pulau Formosa. Kanhizakura banyak disobokan tumbuah lia di Prefektur Okinawa. Bagi urang Okinawa, kato "sakura" bararti hikansakura. Pangumuman kambangnyo bungo sakura di Okinawa biasonyo bararti kambangnyo hikanzakura. Di Okinawa, kuncup bungo hikanzakura mulai tabukak sakitar bulan Januari atau Februari. Di Pulau Honshu, hikanzakura banyak ditanam mulai dari wilayah Kanto sampai ka Kyushu jo biasonyo mulai kambang sakitar bulan Februari atau Maret.
  • Shidarezakura
Bunga sakura jinih shidare (Shidarezakura)
  • Fuyuzakura
    Fuyuzakura (sakura musim dingin) adolah jinih pohon sakura nan bungonyo kambang sakitar bulan November sampai akhia bulan Desember. Onishimachi di Prefektur Gunma adolah tampek mancaliak fuyuzakura nan tanamo.

Sakura jo buah ceri[suntiang | suntiang sumber]

Buah ceri dari pohon sakura nan untuak dinikmati bungonyo

Pohon sakura punyo buah, namonyo buah ceri (bahaso Japang: sakuranbo). Buah ceri nan masih mudo bawarna hijau jo buah nan alah masak bawarna sirah sampai sirah tuo hinggo ungu. Walaupun bantuaknyo sarupo jo buah ceri dalam bantuak kaleng, buah ceri dari pohon sakura ukurannyo keetek-ketek jo rasonyo indak lamak makonyo indak dimakan.

Pohon sakura nan babuah ceri untuak dimakan umumnyo indak untuak dinikmati bungonyo, hanyo ditanam di kabun. Produsen buah ceri nan gadang di Japang barado di Prefektur Yamagata. Buah ceri produk dalam nagari Japang sarupo jinih sato nishiki haragonyo sangaik maha. Di Japang, buah ceri produksi dalam nagari hanyo dibali untuak dihadiahkan wakatu tatantu. Buah ceri nan banyak dimakan masyarakaik di Japang adolah buah ceri nan diimpor dari nagaro bagian Washington jo California di Amerika Serikat.

Tampek-tampek untuak mancaliak bungo Sakura[suntiang | suntiang sumber]

Di taun 1990, Asosiasi Bunga Sakura Japang (Japan Cherry Blossom Association) mangaluakan daftar 100 tampek tapiliah untuak mancaliak rancaknyo bungo Sakura.

Daerah Kanto:

  • Tokyo: Taman Ueno (Taito-ku), Taman Shinjuku-gyoen (Shinjuku-ku), Taman Sumida (Sumida-ku), Taman Koganei (kota Koganei), Taman Inogashira (kota Musashino)

Daerah Tokai:

  • Prefektur Gifu: Taman Usuzumi/Neodani (kota Motosu), Pinggia Sungai Shinsakai (kota Kakamigahara), Kamagatani (kota Ikeda)

Daerah Kansai:

  • Prefektur Osaka: Taman Istana Osaka (Osaka), The Mint Bureau (Osaka), Taman Expo '70 (kota Suita)
  • Prefektur Hyogo: Taman Istana Himeji (kota Himeji), Taman Akashi (Kota Akashi), Taman Shukugawa (Nishinomiya)
  • Prefektur Nara: Taman Nara (kota Nara), Pegunungan Yoshino (kota Yoshino), Taman Kooriyamajoshi (Yamato Kooriyama)

Daftar pustaka[suntiang | suntiang sumber]

  • Bunka shuppan kyoku henshūbu, editor (1975). Sakura taikan. Tokyo: Bunka Shuppan Kyoku. 

Pranala luar[suntiang | suntiang sumber]

  1. hồng treo gió, hồng treo gió 14 April 2023