Sakelar

Wikipedia Minangkabau - Lubuak aka tapian ilimu
Sakelar lampu gaya Eropa.

Sakelar adolah sabuah parangkek nan paguno untuak mamutus jaringan listrik, maupun untuak manghubuangkannyo. Jadi saklar pado dasarnyo iyolah alaik panyambuang atau pamutus aliran listrik. Salain untuak jaringan listrik aruih kuek, saklar babantuak ketek dipakai juo untuak alaik komponen elektronika arus lemah.

Tigo macam saklar tokan/tombol masuak-kalua.

Sacaro sadarano, saklar tadiri dari duo bilah logam nan manempel pado suatu rangkaian, dan dapek tahubuang atau tapisah sasuai dangan kaàdaan sambuang (on) atau putuih (off) pado rangkaian tasabuik. Material kontak sambuangan umumnyo dipiliah agar tahan tahadok korosi. Bilo logam nan dipakai tabuek dari bahan oksida biaso, mako saklar akan salalu indak dapek bakarojo. Untuak mangurangi efek korosi iko, paliang idak logam kontaknyo haruih disepuh dangan logam anti korosi dan anti karek. Pado dasarnyo saklar tombol dapek diaplikasikan untuak sensor mekanik, basobok alaik iko dapek dipakai pado mikrokontroller untuak pangaturan rangkaian kontrol nan longkok dangan sistem anti "bouncing".[1]

Sakelar dibuek dalam banyak jinih dan ukuran. Sakelar biasonyo punyo babarapo set kontak nan dikandalikan dek kenop atau aktuator nan samo, kontak dapek baroperasi sacaro basamoan, baruruiktan, atau bagantian. Sakelar dapek dioperasikan sacaro manual, misalnyo, sakelar lampu atau tombol papan katiak. Saklar dapek baguno sabagai elemen panginderaan untuak mandeteksi posisi bagian masin, katinggian caiaran, tokanan, atau suhu, ajak termostat. Ado babagai bantuak khusus sakelar, ajak sakelar langsir (toggle switch), sakelar putegh, sakelar merkuri, sakelar tombol tokan, sakelar pambaliak, relai, dan pamutuih sirkuit. Sakelar paliang banyak dipakai untuak mangontrol pancahayoan, babarapo sakelar dapek dihubuangkan ka satu sirkuit untuak mamungkinkan kontrol nan mudah dari parlangkapan lampu. Sakelar di sirkuit badayo tenggi haruih punyo konstruksi khusus untuak mancagah busur api nan marusak katiko sakelar dibuko.

Rujuakan[suntiang | suntiang sumber]

  1. Manoj Shenoy: Switch Debouncing, electroSome, 1 January 2018, diakses: 8 Oktober 2020

Pautan lua[suntiang | suntiang sumber]

  • Media tantang sakelar di Wikimedia Commons