Saint Vincent jo Grenadines
Saint Vincent jo Grenadines adolah sabuah nagara kapulauan di Karibia timur. Babatehan jo Barbados di barat, Saint Lucia di selatan sarato Grenada di utara di Kepulauan Windward, Antilles Ketek.[1] Pulau utamo Saint Vincent baukuruan panjang 26 km (16 mil), leba 15 km (9,3 mil) jo laweh 344 km2 (133 mil persegi). Dari titiak paliang utara hinggo selatan, kapulauan Grenadine punyo Saint Vincent tabantang sepanjang 60,4 km (37,5 mil), jo laweh kasadoannyo 45 km2 (17 mil persegi).[2] Ibu kotanyo iolah Kingstown.
Nagara ko marupokan nagara demokrasi parlementer jo monarki konstitusional, jo Charles III sabagai rajonyo nan diwakian dek Gubernur Jenderal.[3] Kapalo pamarentahan dipacik dek Pardana Mantari nan manjalankan nagara basamo kabinetnyo. Cabang legislatifnyo barupo Dewan Majelis nan unikameral, baanggota 15 urang Dewan nan dipiliah sarato 6 urang Senator nan ditunjuak dek Gubernur Jenderal, 4 urang ateh saran Pardana Mantari jo 2 urang ateh saran Oposisi.[4]
Panduduak nagara ko bajumlah 110.872 jiwa manuruik pakiroan tahun 2022,[5] maningkek dari hasia sensus tahun 2012 nan bajumlah 109.991.[6] Etnisnyo tadiri dari katurunan Afrika 66%, campuran 19%, India Timur 6%, Eropa utamonyo Portugis 4%, Kalinago 2%, jo lainnyo 3%.[1] Ado pulo katurunan urang Cino nan mulai maningkek.[7]
Rujukan
[suntiang | suntiang sumber]- ↑ a b "CIA World Factbook – St Vincent". Diakses tanggal 7 July 2019.
- ↑ "North America - Grassland, desert, and tundra soils | Britannica". www.britannica.com (dalam bahasa Inggris). Diakses tanggal 2022-06-19.
- ↑ "Saint Vincent and Grenadines". Britannica.
- ↑ "Saint Vincent and the Grenadines - Political and electoral system". United Nations.
- ↑ ""Mid Year Total Population Estimates by Age and Sex, 2018 to 2022"". Statistical Office, Government of Saint Vincent and the Grenadines. Diarsipkan dari versi asli tanggal 22 April 2023.
- ↑ "Saint Vincent and the Grenadines Population and Housing Census Report 2012" (PDF). Statistical Office, Government of Saint Vincent and the Grenadines. 2012. Diarsipkan dari versi asli (PDF) tanggal 22 April 2023.
- ↑ "WHO WE ARE". svg-un.org. Permanent Mission of St Vincent and the Grenadines to the United Nations.