Sahar BS

Dari Wikipedia baso Minang, ensiklopedia bebas
Loncat ke navigasi Loncat ke pencarian

Sahar BS atau Sahar Bagindo Sutan adolah wartawan nan cukup sukses di Indonesia. Baliau banyak mandapeka panghargaan salamo kariernyo di dunia wartawan.

Inyo lahia di Sicincin, Kabupaten Padang Pariaman, 2 Februari 1939. Sahar panah kuliah di Universitas Andalas. Tapi inyo baranti kuliah karano kaadaan ekonomi kaluarganyo, dan mandaulukan pandidikan adiak-adiaknyo.

Inyo sabagai wartawan Antara Sumatera Barat, dan bagabuang di sinan muloi tahun 1973 dan tarakhia manjadi kapalo biro LKBN salamo 12 tahun sampai inyo pansiun. Inyo aktif lo di kapangurusan PWI Sumatera barat sampai nyo manjadi katua di sinan. Nyo tanamo sabagai sosok nan sederhana. Manjago kredibilitas, komitmen, dan etika kawartawanan. Inyo suko mambagi pangalamannyo jo wartawan-wartawan mudo.

Inyo selalu mangamukokan akurasi dalam mambuek barito dan indak suko batele-tele. Inyo mangecekan wartawan itu musti capek jo tangkeh dalam manulih barito. Dan inyo maajak juo karyawannyo mambaco surek-surek kaba satiok pagi.

Sahabih inyo pansiun, inyo ndak banyak bana aktif karajo. Inyo banyak maabiahan wakatu di rumah. Pado akhirnyo inyo maningga pado 23 Mei 2006 karano sakik.[1]

Pendidikan[suntiang | suntiang sumber]

Sahar BS panah kuliah di Universitas Andalas.

Karier[suntiang | suntiang sumber]

Inyo mangawali karir sabagai wartawan Antara di Sumatera Barat dan tarakhia inyo bakarajo disinan sampai manjadi kapalo biro LKBN Antara Padang.

Rujuakan[suntiang | suntiang sumber]

  1. Chaniago, Hasril (2018). 121 Wartawan Hebat dari Ranah Minang. Padang: Biro Humas Setda Sumatera Barat. pp. 422. ISBN 978-602-51382-0-1.