Lompat ke isi

Saham

Wikipedia Minangkabau - Lubuak aka tapian ilimu

Saham adolah sabuah bukti kapamilikan nilai sabuah parusahaan. Kato saham diambiak dari bahaso Arab. Dalam literatur fikih, saham diambiak dari istilah musahamah nan barasa dari kato sahm (bahaso Arab: سهم) bantuak jamaknyo ashum atau suhmah nan artinyo bagian, bagian kapamilikan.[1] Artinyo pamilik saham adolah pamilik parusahaan. Samakin gadang saham nan dimiliki, mako samakin gadang kakuasaannyo di parusahaan tasabuik.[2][3] Dengan manabik'an saham, mamungkinan parusahaan-parusahaan nan butuah pandanaan jangka panjang untuak 'manjua' kapantiangan bisnis -saham (efek ekuitas)- dengan imbalan pitih tunai.[4] Iko adolah metode utamo untuak maningkekan modal bisnis salain manabik'an obligasi.[4] Saham dijua malalui pasa primer atau pasa sekunder.[5] Saham marupokan salah ciek instrumen pasa kauangan nan paliang populer. Manabik'an saham marupokan salah ciek pilihan parusahaan katiko mamutuihan untuak pandanaan parusahaan. Pado sisi lain, saham marupokan instrumen investasi nan banyak dipiliah dek investor karano saham mampu maagiah tingkek kauntuangan nan manih.

Saham dapek didefinisian sabagai tando panyaratoan modal sasaurang atau pihak (badan usaha) dalam suatu parusahaan atau paseroan tabateh. Dengan manyaratoan modal tasabuik, mako pihak tasabuik mamiliki klaim ka pandapatan parusahaan, klaim ateh aset parusahaan, jo berhak hadir katiko Rapek Umum Pamacik Saham (RUPS).[6]

Riwayat saham

[suntiang | suntiang sumber]

Jenis

[suntiang | suntiang sumber]

Ado babarapo tipe saham, yaitunyo saham biaso jo saham preferen.[7] Saham preferen biasonyo disabuik sabagai saham campuran karano mampunyoi ciri-ciri hampia samo jo saham biaso.[8] Pado umumnyo, saham biaso hanyo mampunyoi ciek jenis, tapi dalam babarapo kasus tadapek labiah dari ciek, tagantuang dari kabutuhan parusahaan.[7] Saham biaso mampunyoi babarapo macam, sarupo kelas A, kelas B, kelas C dan lainnyo.[7] Masiang-masiang kelas jo kauntuangan jo karugiannyo surang-surang jo simbol huruf indak mampunyoi arti apo-apo.[7]

Ciri-ciri

[suntiang | suntiang sumber]

1. Saham Preferen

[suntiang | suntiang sumber]

Saham preferen mampunyoi ciri-ciri sabagai barikuik:[8][9]

  • Mampunyoi babarapo tingkek, dapek ditabikan jo ciri-ciri nan babeda
  • Tagihannyo ka aktiva jo pandapatan, mampunyoi prioritas labiah tinggi dari saham biaso dalam hal pambagian dividen
  • Dividen kumulatif, bilo alum dibayia dari pariode sabalumnyo mako dapek dibayia pado periode bajalan jo labiah dulu dari saham biaso
  • Konvertibilitas, dapek dituka manjadi saham biaso, bilo kasapakaikan antaro pamacik saham jo organisasi panabik tabantuak

2. Saham biaso

[suntiang | suntiang sumber]

Mampunyoi ciri-ciri sabagai barikuik:[8]

  • Hak suaro pamacik saham, dapek mamiliah dewan komisaris
  • Hak didahuluan, bilo organisasi panabik manabikan saham baru
  • Tangguang jawek tabateh, pado jumlah nan diagiah sajo

Kategori

[suntiang | suntiang sumber]

Jikok diliek dari kinerja padagangan, saham dapek dikalompokan manjadi:[3]

  1. Blue chip stocks, yaitunyo saham biaso nan mampunyoi reputasi tinggi bana, sabagai pamimpin dalam industrinyo, mampunyoi pandapekan nan stabil jo konsisten dalam mambayia dividen. Biasonyo masuak dalam indeks saham LQ45 jo IDX30.
  2. Income Stocks, saham suatu imiten dengan kemampuan mambayia'an dividen labiah tenggi dari rato-rato dividen nan dibayia'an pado taun sabalumnyo.
  3. Growth stocks, tadiri dari well-known jo lesser-known
  4. Speculative stocks, saham sacaro konsisten mandapek panghasilan dari taun ka taun, mampunyoi kamungkinan panghasilan nan tinggi pado maso nan mandatang, namun alum pasti lai.
  5. Cyclical stocks, saham nan indak tapangaruah dek kondisi ekonomi makro atau situasi bisnis sacaro umum.
  6. Emerging Growts Stocks, saham nan dikalua'an dek emiten nan relatif ketek jo stabil biapun dalam kondisi ekonomi nan kurang mandukuang
  7. Defensive stocks, saham nan tetap stabil dari suatu periode atau kondisi nan indak manantu jo resesi.

Saham repo

[suntiang | suntiang sumber]

Saham repo adolah saham nan dijadian jaminan pihak pamiliak saham kapado pihak pambari pinjaman untuak mandapekan dana pinjaman jo pajanjian akan malakuan pambalian baliak saham pado harago jo wakatu nan alah disapakaikan. Dana nan didapekan dek pihak pamiliak saham biasonyo hanyo 50% dari harago saham saat saham tuh repo kapado pihak kaduo.[10] Saham repo mampunyoi kamungkinan babahayo karano gagal bayia sarupo nan tajadi ka saham PT Trade Maritime Tbk (TRAM) katiko taun 2014 nan lalu.[11]

Aplikasi

[suntiang | suntiang sumber]

Masyarakaik dapek mambali saham biaso di bursa efek malalui broker. Di Indonesia, pambalian saham harus dilakuan diateh kalipekan 100 lembar atau disabuik juo 1 lot.[12] Saham pacahan (indak bulek 100 lembar) bisa juo dipajuabalian sacaro over the counter.[12] Salah ciek tujuan masyarakaik untuak mambali saham adolah untuak mandapekan kauntuangan malalui caro;[3] partamo maningkekan nilai kapital nan kaduo mandapekan dividen. Panawaran saham parusahaan kapado masyarakaik partamo kali sabalum listing di bursa dinamoan Initial Public Offering (IPO), sadangkan jikok alah tadaftar (listing) jo parusahaan ingin manambah saham nan baredar dengan maagiah hak talabiah dahulu kapado (HMETD) atau dikenal juo jo sabuikan Right issue.

Babarapo parusahaan di Indonesia malakuan dual listing saham di Bursa Efek Jakarta jo New York Stock Exchange. Saham nan dipajuabalian di NYSE tasabuik biaso dikenal jo American Depositary Receipt (ADR). Harago saham bisa naiak ataupun turun, sairiang jo situasi jo kondisi nan ado. Sarupo krisis moneter pado tanggal 15 September 1998, Indeks Harago Saham Gabuangan (IHSG) juo marupokan barometer saham di Indonesia tapuruak hinggo mancapai nilai 292,12 poin.[13] Pado bulan September lalu, IHSG mancapai nilai tarandah yaitu 254 poin.[13] Hal iko manyababkan saham-saham di dalam nagari manjadi under value.[13] Dalam periode 2002-2007, nilai IHSG alah puliah bahkan alah babarapo kali mamacahan rekor. Contohnyo pado taun 2006 jo taun 2007 IHSG mamposisian dirinyo sabagai salah ciek indeks nan mampunyoi kinerja samparono di dunia (paringkek 2 sasudah Cino, mandapekan level 2.745,826 poin).[14] Pado tanggal 11 Desember 2007, IHSG mandapekan paningkekan rato-rato taunan sagadang 42,18% sabagai pangarikan indeks tatinggi dibandiangan jo paningkekan indeks di Asia.[14]

Mekanisme padagangan saham di Indonesia

[suntiang | suntiang sumber]

Langka partamo nan paralu dilakuan iolah investor harus manjadi nasabah pado parusahaan efek dahulu.[15] Dalam hal iko dikenal dengan istilah parusahaan sekuritas, yakni parusahaan nan manjadi parantaro atau broker antaro investor jo Bursa Efek Indonesia (BEI) dalam malakuan transaksi jual bali saham.

Saat iko, per tanggal 31 Maret 2018, ado 108 parusahaan sekuritas nan alah tadaftar sabagai anggota bursa di BEI maupun di Otoritas Jasa Kauangan (OJK). Dan satiok investor berhak mamiliah parusahaan sekuritas mano sajo nan manjadi partnernyo dalam bainvestasi di pasa saham.

Dan adopun mangenai janihnyo, di pasa saham dikenal duo istilah, yaitunyo; partamo parusahaan sekuritas 'plat merah atau BUMN' nan kaduo parusahaan sekuritas swasta. Khusus untuak janih nan partamo adolah namo lain dari parusahaan sekuritas nan dikalola dek parusahaan pamarintah atau BUMN. Sadangkan nan kaduo adolah nan didiri'an jo dikalola dek parusahaan nan dilua dari usaho pamarentah.

Umumnyo, investor mambukak rekening jo mambayia deposit sajumlah Rp 25 juta. samantaro nan lain mawajibpan sagadang Rp 15 juta jo sataruihnyo.[15] Jumlah nan disetoran bavariasi.[15] Pado dasanyo, bateh minimal atau jumlah nominal mambali saham indak ado tatapi di Bursa Efek Indonesia pambalian minimal 100 lembar atau (satu) lot, misalnyo harago saham parusahaan XYZ sanilai Rp 100,00 jo Rp 10.000,00 (100 lembar dikali Rp 100,00).[15] Transaksi panjualan atau pambalian dapek dilakuan pado hari bursa.[15]

Tampek padagangan

[suntiang | suntiang sumber]

Tampek lain untuak mambali saham salain IDX/Indonesia Stock Exchange (Indonesia), yaitu Nasdaq/Nasdaq Stock Market (Amerika Serikat), NYSE/New York Stock Exchange (New York), SEAQ/ Stock Exchange Automated Quotations (London), Euronext (merger pasa saham antaro nagari Paris, Amsterdam, jo Brussels), TSE/ Tokyo Stock Exchange (Tokyo), SGX/ Singapore Exchange (Singapura) jo tampek padagangan lainnyo (tadapek kurang labiah 69 tampek padagangan bursa saham di saluruah dunia.[16][17]

Jua kosong

[suntiang | suntiang sumber]

Biasonyo, hal partamo nan dilakuan dek investor adolah mambali saham jo kamudian manjuanyo.[18] Dengan jua kosong (short selling), nan tajadi adolah kabalikannyo.[18] Partamo, saham dijua kamudian dibali baliak.[18] Caro iko mamungkinan investor mandapekan kauntuangan dari panurunan harago saham.[18] Dilakuan jo caro, investor maminjam suatu saham dari broker dan manjuanyo.[18] Salanjuiknyo, short seller harus mambali saham nan samo untuak manggantian saham nan alah dipinjaman.[] Kagiatan ko disabuik mangganti posisi kosong.[18] Katiko mambali saham, kito akan manggunoan parantaro parusahaan sekuritas atau broker saham nan mawajibpan biaya untuak satiok juabali.

liek j

[suntiang | suntiang sumber]
  • Pamagang saham
  • Bursa saham
  • pasa saham
  • Intraday


Rujuakan

[suntiang | suntiang sumber]
  1. ↑ Abdul Azis Dahlan (et al), Ensiklopedia Hukum Islam, cetakan pertama,  (Jakarta, PT. Ichtiar Baru Van Hoeve,1996) hal.1244
  2. ↑ Citra Puspa Permata, Muhammad Abdul Ghoni (2009). "Peranan Pasar Modal Dalam Perekonomian Negara Indonesia". Jurnal AkunStie. 5 (2): 56–58.
  3. ↑ a b c Darmadji, Tjiptono; Hendy, M, Fakhruddin. Pasar Modal di Indonesia. 2001. Indonesia. Salemba Empat. hal 8.
  4. ↑ a b Dalton, M John. How The Stock Market Works. 3rd edition. 2001. United States of America. NYIF. Hal 1.
  5. ↑ Brealey, A Richard; Stewart, C Myers; dan Alan, J Marcus. Fundamentals of Corporate Finance. 5th ed. 2007. McGraw-Hill. Hal 144.
  6. ↑ "Salinan arsip". Diarsipkan dari versi asli tanggal 2020-05-12. Diakses tanggal 2020-05-16.
  7. ↑ a b c d Eugene, F Brigham; Louis, C Gapenski. Intermediate Financial Management. 5th ed. 1996. United States of America. Dryden Press. hal 483
  8. ↑ a b c Keown, J Arthur; et all. Financial Management. 10th edition. 2005. United States of America. Pearson Internation Education. hal 256-267
  9. ↑ Eugene, F Brigham; Louis, C Gapenski. Intermediate Financial Management. 5th ed. 1996. United States of America. Dryden Press. hal 495-496.
  10. ↑ "Pengertian, Tujuan dan Kenyataan tentang Saham Repo - Semua yang kita Tahu". Archived 2023-03-23 di Wayback Machine. Diakses tanggal 2021-08-29.
  11. ↑ Mediatama, Grahanusa (2014-09-03). "Suspensi saham TRAM seret sejumlah sekuritas". kontan.co.id. Diakses tanggal 2021-08-29.
  12. ↑ a b Situs IDX Diarsipkan 2008-04-16 di Archive.is.diakses pada tangal 22 Mei 2010
  13. ↑ a b c Situs Seasite: Reformasi Krisis Ekonomi. Archived 2010-05-28 di Wayback Machine. diakses pada tanggal 23 Mei 2010
  14. ↑ a b Situs Analis: Analisis Apa Itu Pengertian Saham dan Jenisnya serta IHSG. Archived 2023-03-27 di Wayback Machine. diakses pada tanggal 31 Maret 2018
  15. ↑ a b c d e Situs IDX: Mekanisme Perdagangan Diarsipkan 2010-05-23 di Wayback Machine..diakses pada tanggal 28 Mei 2010
  16. ↑ Bodies Zvi. Alex Kane.and Alan J. Marcus.Investments.7th ed.2008.Singapore: McGraw Hill.hal 74-76
  17. ↑ Situs Dmoz: Stocks and Bonds Exchanges Diarsipkan 2010-04-03 di Wayback Machine..diakses pada tanggal 28 Mei 2010
  18. ↑ a b c d e f Bodies, Zvi; Alex, Kane; Alan, J Marcus. Investments. 7th ed. 2008. Singapore. McGraw Hill. hal 84
Diambiak dari "https://min.wikipedia.org/w/index.php?title=Saham&oldid=3158299"