Safiah Wainsaf

Dari Wikipedia baso Minang, ensiklopedia bebas
Jump to navigation Jump to search

Safiah Wainsaf adolah surang parawat puskesmas lahia pado tanggal 23 September 1985 di Kota Sorong, Papua Barat. Latar balakang Pandidikannyo di Akademi Parawat, baliau mangabdian dirinyo salamo sapuluah tahun untuak 4000 warga di Distrik Misool Selatan, Kabupaten Raja Ampat, Papua Barat. Pangabdian baliau kapado warga padalaman tu dimulai katiko baliau partamo kali batugas pado tahun 2008. Indak mudah bagi baliau untuak manarimo tugas ko. Tugas nan kabanyakan ditulak dek urang nan mamiliki profesi nan samo jo beliau. Iko dikaranoan latak daerah Misool nan jauah dari kota. Untuak bakomunikasi, Safiah manggunoan waruang telekomunikasi nan biaya nyo indak mudah tajangkau. Untuak  , sadoalah sarana dari Misool Selatan ka Sorong alah dicubo baliau, misalnyo baliau pakai kapa lauak punyo parusahaan, kapa parintih nan lamo pajalanannyo 8 jam, sampai kapa capek nan wakatu tampuahnyo 4 jam. Walaupun batugas di tampek nan tasuruak, jo tingkek maha nyo nan tinggi jo akses nan minim, Safiah indak mandapek tunjangan khusus doh. Gaji nyo sabulan hanyo cukuik untuak paralu kaluargo sajo. Safiah punyo duo urang anak banamo Farah Tasya S Wainsaf jo Wahyu Widodo Wainsaf. Lakii baliau banamo Andi Setyawan. Dek warga alah picayo ka kinerja safiyah, itu mambuek baliau indak sampai hati maninggan warga padalaman tu doh.  Baliau batekad untuak mangabdian dirinyo manjadi surang parawat nan siap sadio dalam manangani masalah kasihatan warga Misool Selatan.[1]

Referensi[suntiang | suntiang sumber]

  1. Herin, Frans Pati (08 Agustus 2018). "Kesetiaan Seorang Perawat Warga Pedalaman Papua". http://drive.google.com/drive/u/0/mobile/folders/1WoIuQgXhPxAkrTIYY5E0Szsb67ly4b9y?usp=sharing. Diakses pado 16 September 2018.