Sadu-sadu

Wikipedia Minangkabau - Lubuak aka tapian ilimu
Singultus, synchronous diaphragmatic flutter (SDF)
Mekanisme kasadaan
Spesialisasiotolaringologi

Sadu-sadu adolah kontraksi tibo-tibo nan indak disangajo pado diafragma, dan umumnyo tajadi baulang-ulang satiok miniknyo. Udaro nan tibo-tibo lewat ka dalam paru-paru manyababkan glottis (ruang antaro pita suaro) manutuik, sarato manyababkan tajadinyo suaro hik. Sadu-sadu umumnyo beko baranti surang, walaupun ado babarapo pangobatan rumah tanggo (home remedy) untuak mampacapek cegaknyo sadu-sadu, jo ado babarapo pangobatan nan dibutuahkan. Istilah medis untuak sadu-sadu ko adolah singultus

Panyabab[suntiang | suntiang sumber]

  1. Makan jo minum talampau capek.
  2. Makan jo minum banyak.
  3. Sangaik emosional.
  4. Langsuang minum aia dingin siap makan makanan nan angek atau padeh.
  5. Galak talampau kareh.
  6. Batuak talampau kareh.
  7. Takanan Saraf Frenik dek struktur anatomi nan lain.
  8. Panyakik ginjal.
  9. Parilaku indak elok.
  10. Kasaimbangan elektrolit indak cukuik.
  11. Adonyo bando asiang di talingo.
  12. Iritasi di saraf fregus jo frenikus.
  13. Akibaik udaro dingin di sakita badan awak, bisa disababkan karano AC (air conditioner) atau kipeh.

Pangobatan[suntiang | suntiang sumber]

Untuak manghantikan sadu-sadu bisa dikarajoan tindakan barikuik:

  1. Manahan angok, karano jo manahan angok mako kadar karbondioksida di dalam darah maningkek, sahinggo kasadaan baranti.
  2. Barangok di dalam kantong karateh.
  3. Minum sagaleh aia dingin lambek-lambek, saketek saketek.
  4. Mangunyah roti kariang atau es batu yang diparuik.
  5. Manjujuik lidah jo tangan.
  6. Mambaliak posisi badan jo caro malatakkan kapalo di bawah kaki di ateh.
  7. Lalok maunjua jo kaduo lutuik ditakuak ka arah paruik.
  8. Malulua gulo pasia kariang sabanyak satu sendok teh.
  9. Barangok tanang-tanang
  10. Takajuik, bisa mambuek kasadaan hilang. Dek karano itu, cubo buek diri awak takajuik misalnyo dikajuiki urang, atau nonton pilem horor/ bermain gim horor. Kalau kalian punyo kawan nan kasadaan, cubolah untuak mangajuikkannyo.

Kok sadu-sadu indak juo hilang walau alah mangarajoan praktek di ateh, capek baok ka dokter tadakek jo tapicayo.

Rekor dunia[suntiang | suntiang sumber]

  • The Guinness World Records mancataik rekor sadu-sadu talamo (1922-1990) dipacik dek Charles Osborne (1894-1991) dari Anthon, Iowa (Amerika Serikat). Sadu-sadu tasabuik dimulai tahun 1922 jo frekuensi 40 kali per minik, malambek manjadi 20 kali, dan akhirnya berhenti pada bulan Februari 1990, dengan total waktu selama 68 tahun.[1]
  • Danielle Kirkland, wanita asal London nan tasadu-sadu selama 8 tahun.[2]

Bacoan labiah lanjuik[suntiang | suntiang sumber]

  • Provine, Robert R. Curious Behavior: Yawning, Laughing, Hiccupping, and Beyond (Harvard University Press; 2012) 246 pages; examines the evolutionary context for humans
  • Shubin, Neil (2008). "Fish Out of Water". Natural History: 26–31.  – hiccup related to reflex in fish and amphibians.

Rujuakan[suntiang | suntiang sumber]

Pautan lua[suntiang | suntiang sumber]