SMA Negeri 6 Padang

Wikipedia Minangkabau - Lubuak aka tapian ilimu
Loncat ke navigasi Loncat ke pencarian

SMA Negeri 6 Padang marupokan salah satu sikolah manangah ateh negeri nan baalamaik di Jalan Sutan Syahrir Nomor 11, Mato Aie, Padang Selatan, Padang, Sumatra Barat. Samo jo SMA pado umumnyo di Indonesia maso pandidikan sikolah di SMA Negeri 6 Padang ditampuah dalam wakatu tigo tahun palajaran, mulai dari Kelas X sampai Kelas XII.

Sijarah[suntiang | suntiang sumber]

SMA Negeri 6 Padang didirikan pado tanggal 14 Januari 1984. Mulonyo, sikolah iko marupokan kelas jauah dari SMA Negeri 1 Padang.[1] Sabagai layaknyo sikolah filial, tahun palajaran 1983/1984 proses pambalajaran balangsuang jo status manumpang di SD Negeri 35, Jambatan Buai, Mato Aie. Satahun di sinan, pado tahun ajaran 1984/1985 proses pambalajaranpun bapindah ka SD Negeri 38 Seberang Padang Selatan jo status kapalo sikolah, SMAN 6 nan dirangkap langsuang dek kapalo SMAN 1 Padang nan banamao Drs. Rusdi. Namun, palaksanaan tugas operasional sikolah katiko itu disarahkan kapado Drs. Mahmud. AR. Salanjuiknyo, tigo bulan lamanyo pambalajaran siswa SMAN 6 Padang dipindahkan ka SD Koto Kaciak, kini manjadi SD Negeri 22 Padang.

Cikal bakal SMAN 6 Padang marupokan tanah Silih Jariah dari kaum suku satampek. Manuruik Drs. Musyriwandi salaku sumber informasi bahwa tanah nan dimakasuik adolah dulunyo punyo kaum.[1] Tanah kaum iko marupokan aleh hak untuak panguruihan pensertifikatan tanah sikolah. Badasarkan kandak masyarakaik Padang Selatan ikolah s didirikan SMA Negeri 6 Padang. Aspirasi masyarakaik itu, mambantuak tim pambebasan tanah nan dipelopori tokoh masyarakaik, di antaronyo: Tarmizi Hoesen, S.H., Tamran Anwar, S.H., Sutan Soehatsyah, Sutan Munir, Maswir MS, Maswir Poendek, S.H., Wahid Noerdin (Lurah), dan Zainun Panduko, Rusli Boer, Rosna Rusli basamo tokoh masyarakaik lainnyo nan ado di nagari dan di rantau jo Camat Padang Selatan katiko itu, Drs. Ridwan Kasim. Tim dimaksud malakukan pandakaikan kapado masyarakaik, pangusaho nan paduli pandidikan untuak mewujuikkan sikolah iko jo menyiapkan lokasi dan mambebaskannyo dari tanah kaum demi pandidikan anak bangsa.

Prestasi[suntiang | suntiang sumber]

Pado tahun 1996, disapakaikan karajosamo antaro Departemen Pandidikan Nasional dan Kementerian Lingkungan Hidup.[1] Program iko taruih mangalami kamajuan nan ditandoi jo dipabaharuinyo kasapakatan pihak sikolah jo Bapedalda Kota padang samanjak tahun 2005 dan tahun 2006 tantang program Kementerian Lingkungan Hidup tantang “Lingkungan” untuak dikambangkan di SMAN 6 Padang. Program karajosamo itu disempurnakan pado tahun 2010 jo program pandidikan lingkuangan hiduik malalui program Adiwiyata. Program Adiwiyata alah menciptakan warga sikolah nan paduli dan babudayo lingkuangan. Hal iko sairiang jo visi sikolah baakhlak mulia, baprestasi, kompetitif, dan babudayo lingkuangan.

Rujuakan[suntiang | suntiang sumber]