Rumah gadang di Nagari Sumpur

Rumah gadang di Nagari Sumpur adolah rumah gadang yang pernah mangalami kabakaran pado tanggal 26 Mei 2013 yang maanguihan 5 dari 68 rumah gadang yang ado di data. Kini rumah gadang ko akan dilakuan pambangunan baliak, dimano pambangunan rumah gadang patamu di Nagari Sumpur ko adolah punyo Etek Nuraini. Sabanta lai Nagari Sumpur ka dinobaikan sabagai kawasan pusako dimano akan ado rumah gadang yang alah baumua saratuih taun. Rumah gadang Nagari Sumpur ko labiah tapeknyo talatak di tapian Danau Singkarak. Sadangkan Nagari Sumpur balokasi di Kacamatan Batipuh Selatan, Kabupaten Tanah Datar.

Siap Kabakaran

Pado Juli 2013, tapeknyo duo bulan sasudah kabakaran rumah gadang di Nagari Sumpur, sabagian pihak duduak basamo dalam tema "Sumpur, Warisan Budayo yang Bapotensi Manjadi Tujuan Wisata Budayo Dunia". Hasil dari patamuan ko nio untuak manyapakaikan pambangunan baliak rumah gadang yang tabaka. Salasai manjalani proses salamo satahun, April 2014 digelar prosesi Batagak Tonggak Tuo rumah gadang. September 2014, dilakuannyo prosesi naiak rumah gadang yang kebetulan dilakuan untuak manaikkan rumah gadang Siti Fatimah.

Proses Pambangunan

Pambangunan baliak rumah gadang ko dimotori dek Pusat Studi Konservasi Arsitektur (PUSAKA) Universitas Bung Hatta yang didukuang dek Tirto Utamo Foundation Badan Pelestarian Pusaka Indonesia (BPPI) Rumah Asuh, Pemprov Sumatera Barat, Pemkab Tanah Datar, Forum Kampuang Minang Nagari Sumpur jo Ikatan Keluarga Sumpur. Salah satu tukang dalam pambangunan rumah gadang di Sumpur mangecekan kalau nyo samo kawannyo indak punyo pangatahuan dalam mambangun rumah gadang, tapi salamoko nyo jo kawan-kawan hanyo malakuan perbaikan se. Alasannyo dek karano pangatahuan tentang prosesi adaik atau arsitektur alah saratuih tahun indak nampak dek indak ado lai pembangunan rumah gadang.

Rumah Gadang Nagari Sumpur sabagai Destinasi Wisata

Kalau bakunjuang ka Nagari Sumpur, kito dapek mancaliak Danau Singkarak dari dakek jo marasoan lamaknyo tingga di rumah gadang. Ado tigo rumah gadang yang dapek disewa di Nagari Sumpur, tiok rumah gadang dapek manampuang sakitar sambilan puluah urang. Rumah gadang tu mampunyoi sambilan ruangan, salain itu adolo dapua tradisional yang masih manggunoan tungku parapian di bagian balakang rumah. Sabalum masuak kito manaikan anak tanggo, di bagian dalam ado tiang baderet dari suok ka kida. Rumah gadang ko babantuak model kapa dek mampunyoi duo anjuangan dimano ado dua biliak yang lantainyo labiah tinggi dari lantai rumah lain. Harago manyewa rumah gadang sakitar 350 sakapalonyo, jo pitih sagitu alah dapek makan jo kegiatan jalan-jalan ka sungai, sawah, jo mancaliak matohari tabik. Salain itu, dapek lo manyaksian atraksi khas Nagari Sumpur mode Silek Aia.