Rumah adaik Nieh

Wikipedia Minangkabau - Lubuak aka tapian ilimu
Loncat ke navigasi Loncat ke pencarian
Rumah adaik Nieh di Taman Mini Indonesia Indah.

Rumah adaik Nieh (bahaso Nieh: omo hada) adolah bantuak rumah panggung tradisional urang Nieh. Rumah adaik Nieh adolah rumah tampek kadiaman para kapalo nagari (Tuhenori), kapalo desa (Salawa), atau kaum bangsawan.[1]

Rumah panggung ko dibangun di ateh tiang-tiang kayu nibung (Oncosperma tigillarium) nan tinggi dan gadang, nan baaleh rumbio (Metroxylon sagu).[2] Bantuak denahnyo ado nan bulek talua (di Nieh utara, timur, jo baraik), ado pulo nan pasagi panjang (di Nieh tangah jo salatan).[1][2] Bangunan rumah panggung ko indak bapondasi nan tatanam ka tanah, sarato sambuangan antaro karangkonyo indak mamakai paku, inggo mambueknyo tahan goyangan gampo.[3] Ruangan dalam rumah adaik ko tabagi duo, nan bagian muko untuak manarimo tamu manginap, sarato nan bagian balakang untuak kaluargo pamiliak rumah.[1][2][3]

Di alaman muko rumah daulu biasonyo ado taseba patuang batu, tampek duduak batu untuak baralek gadang,[2] sarato di lapangan desa ado batu-batu gadang nan acok dipakai dalam upacaro lompek batu.[1] Kini ko paninggalan batu dari maso Megalitik sarupo tu nan kaadaanyo masih rancak dapek diliek ditamui di desa-desa Bawomataluwo jo Hilisimaetano.[4]

Ado ciek rumah adaik nan daulu dipakai kusuih untuak rumah barhalo-barhalo urang Nieh, nan disabuik Osali.[1] Dek karano kini ko sabagian gadang masarakaik Nieh lah mamaluak agamo Kristen, mangko namo tu dipakai pulo untuak manyabuik gareja.[1]

Galeri[suntiang | suntiang sumber]

Rujuakan[suntiang | suntiang sumber]