Rumah Sakik Advent Bandar Lampung
 Logo RS Advent Bandar Lampung | |
| Koordinat | 5°23'31.7"S 105°15'43.9"E |
Peta lokasi RS Advent Bandar Lampung | |
| Moto: "Kami Melayani, TUHAN Menyembuhkan." | |
| Yayasan | Yayasan Rumah Sakik Advent Bandar Lampung |
| Ditagakan | 1 Desember 1994 |
| Dasar hukum | |
| Direktur utamo | |
| Status | Swasta |
| Tipe RS | Rumah Sakik "Tipe C" |
| Akreditasi | PARIPURNA SNARS 2018 |
| Kapasitas pasien | 180 tampek tidua |
| Ruang operasi | |
| Pangunjuang | |
| SDM | 555 karyawan |
| UGD/IGD | 24 Jam |
| Alamaik | Jl.Teuku Umar No.48, Kedaton, Bandar Lampung |
| Provinsi | Lampung |
| Nagara | Indonesia |
| Telepon | (0721) 703 459 |
| Faksimili | (0721) 786 349 |
| Affiliasi | Adventist Hospitals & Clinics (organisasi Kesehatan Advent Sedunia) |
|
Web resmi: http://www.rsabl.co.id | |
Rumah Sakik Advent Bandar Lampung (disingkek RSABL) adolah rumah sakik nan ado di Bandar Lampung, propinsi Lampung. Rumah sakik ko balokasi di Jl. Teuku Umar No.48, Kedaton, Bandar Lampung.[1] Rumah sakik ko adolah jinih rumah sakik tipe C nan alah lulus akreditasi tingkek Paripurna dari Komisi Akreditasi Rumah Sakit (KARS).[2] Rumah sakik iko pun bakarajo samo jo Badan Panyalanggaro Jaminan Sosial (BPJS) Kasihatan.[1]
RSABL dibangun pado taun 1965, nan di resmikan pado 26 Desember 1966 jo namo "Balai Pangobatan Advent Tandjung Karang". Kamudian pado 31 Juli 1992, namo rumah sakik ko barubah manjadi Rumah Sakit Advent Bandar Lampung.[3]
Rumah sakik tuli partamo[suntiang | suntiang sumber]
Rumah Sakik Advent Bandar Lampung adolah rumah sakik tuli partamo di Indonesia nan mamakai slogan " Rumah Sakik Ramah Tuli" Partamo di Indonesia. Paresmian rumah sakik ko diadoan di Auditorium Lantai 2 Rumah Sakik Advent, pado ari akaik 7 April tahun 2019. Rumah sakik ko ka maagiah palayanan untuak masarakaik tuli jo baso isaraik Indonesia (Bisindo) jo Sistem Paringatan Dini Bancano (Inklusif).[4] [5]
Paresmian rumah sakik tuli ko dihadiri dek Walikota Bandar Lampung Drs. H. Herman HN, MM, Kapalo BPBD Kota Bandar Lampung mewakili BNPB, Panguruih GERKATIN Provinsi Lampung, pimpinan LSM jo instasi takaik sarato badan panguruih jo direksi RSABL.Katua Yayasan RSABL, Elon Manawan akan pai ka Jenewa, Swiss untuak audiensi di WHO untuak mangabakan kalau Rumah Sakik Advent Bandar Lampung marupoan rumah sakik nan diparuntuakkan urang nan tuli partamo di Indonesia bahkan di Asia Pasifik.[6] [7]
Direktur[suntiang | suntiang sumber]
Ado babarapo urang nan parnah manjadi direktur di Rumah Sakik Advent Bandar Lampung :
Tahun 1994 - 2014: dr. Ronald I Lisal
Tahun 2014 - 2018: dr. Reuben V.T. Supit
Tahun 2018 - ...: dr. Charles Z. South, MARS
Tanago kasihatan[suntiang | suntiang sumber]
- Dotor spesialis: 32 urang
- Dotor gigi: 3 urang
- Dotor umum: 17 urang
- Dotor medical check-up basertifikat: 2 urang
- Staf kasihatan jo panunjang kasihatan: 555 urang
Palayanan[suntiang | suntiang sumber]
Rumah Sakik Advent Bandar Lampung ( disingkek RSABL) ado punyo babarapo palayanan, pamarisoan, sarato poliklinik.[1]
| Palayanan | Pamarisoan | Klinik |
|---|---|---|
| Palayanan Gawat Darurat | Pamarisoan CT-SCAN | Klinik Panyakit Dalam |
| Palayanan Rawat Jalan | Pamarisoan USG | Klinik Panyakit Anak |
| Palayanan Rawat Inap | Pamarisoan Endoskopi | Klinik Kebidanan jo Kandungan |
| Palayanan Hemodialisis | Pamarisoan EKG | Klinik Badah Umum |
| Palayanan Fisioterapi | Pamarisoan Treadmill | Klinik Orthopedik |
| Palayanan Laboratorium | Pamarisoan Audiometri | Klinik Urologi |
| Palayanan Gizi | Pamarisoan Spirometri | Klinik Kulik jo Kalamin |
| Palayanan CSSD | Pamarisoan EEG | Klinik Saraf |
| Palayanan Patologi Anatomi | Pamarisoan Dental | Klinik Jantuang |
| Palayanan Rekam Medis | Pamarisoan Radiologi Konvensional | Klinik Paru-paru |
| Palayanan PKRS | Klinik Rehabilitasi Medik | |
| Palayanan Farmasi | Klinik Badah Saraf | |
| Palayanan Kaparawatan jo Kabidanan | Klinik THT-KL | |
| Palayanan Ambulans dan Mobil Jenazah | Klinik Mato | |
| Klinik Gastro-Entero-Hepatologi | ||
| Klinik Gizi | ||
| Klinik Kasihatan Ibu, Anak jo KB | ||
| Klinik Gigi Umum |
Panghargaan jo Pancapaian[suntiang | suntiang sumber]
Ado babarapo panghargaan jo pancapaian nan di dapek dek Rumah Sakik Advent Bandar Lampung, diantaronyo:[2]
- Taun 2008 madapek rekomendasi dari Dinas Kasihatan kota Bandar Lampung sabagai fasilitas kasihatan madya atau rumah sakik kelas C.
- Taun 2010 mandapek Sertifikat Akreditasi Rumah Sakik jo status akreditasi "Penuh Tingkat Dasar" dari Kamantrian Kasihatan Indonesia.
- Taun 2017 lulus akreditasi tingkek Paripurna dari Komisi Akreditasi Rumah Sakik (KARS) versi taun 2012.
- Taun 2019 lulus akreditasi tingkek Paripurna dari Komisi Akreditasi Rumah Sakik (KARS) versi taun 2018.
Afiliasi[suntiang | suntiang sumber]
Rumah Sakik Advent Bandar Lampung ko marupoan lambaga punyo Yayasan Rumah Sakit Advent Bandar Lampung nan marupoan institusi kasihatan dari Gareja Masehi Advent hari Ketujuh.[1]
Sijarah[suntiang | suntiang sumber]
Rumah Sakik Advent Bandar Lampung marupoan bagian dari jaringan palayanan kasihatan Adventist Health System Asia (AHS/A) nan maurus lambago kasihatan Advent di kawasan Asia Pasifik Selatan, nan punyo kantua pusat di Cavite, Filipina. Di saluruah dunia, AHS malayani ado 68 nagara jo 65.000 karyawan nan tabagi ka 165 rumah sakik jo 345 klinik kasihatan.[1]
Di bawah pangurusan Yayasan Rumah Sakit Advent Bandar Lampung, sajak taun 1966 rumah sakik jko mulai bajalan sabagai Balai Pangubatan. Balai Pangubatan tu banamo "Balai Pengobatan Advent Tanjung Karang (BPATK)" nan dikapaloi dek saurang parawat nan banamo F. J. Wuysang, sarato diawasi dek dr. Ong Tjin Tek jo bandahara M. Sitompul. Kamudian taun 1994, balai pangobatan ko barubah namo manjadi Rumah Sakit Advent Bandar Lampung (RSABL) nan diresmikan dek Katua GMAHK Uni Indonesia Bagian Barat, Pdt. Alex Hendriks.[1]
Rumah Sakik Rujuakan Covid-19[suntiang | suntiang sumber]
Rumah Sakik Advent Bandar Lampung marupoan ciek dari babarapo rumah sakik rujuakan untuk pananganan koronavirus 2019 di Lampung. Rumah sakik lainnyo adolah Rumah Sakik Urip Sumoharjo, Rumah Sakik Bhayangkara,jo Rumah Sakik Graha Husada.[8]
Rujuakan[suntiang | suntiang sumber]
Daptar Pustaka[suntiang | suntiang sumber]
- "Rumah Sakit Advent Bandar Lampung". RSABL (dalam bahasa Inggris). Diakses tanggal 2020-12-08.
- "KARS – Komisi Akreditasi Rumah Sakit" (dalam bahasa Inggris). Diakses tanggal 2020-12-09.
- developer, lampost co (2019-04-07). "Advent Rumah Sakit Ramah Tuli Pertama di Indonesia". lampost.co (dalam bahasa Indonesia). Diakses tanggal 2020-12-08.
- "RS Advent Luncurkan Layanan Ramah Tuli". Radarlampung.co.id (dalam bahasa Indonesia). 2019-04-07. Diarsipkan dari versi asli tanggal 2019-04-08. Diakses tanggal 2020-12-08.
- "RS Advent Ramah Tuli Pertama". https://lampungpost.id/ (dalam bahasa Indonesia). 2019-04-07. Diakses tanggal 2020-12-09. Hapus pranala luar di parameter
|website=(bantuan)[pranala nonaktif permanen]
- "Jadwal Praktik Dokter Rumah Sakit Advent Bandar Lampung, Catat Waktunya". Tribun Lampung (dalam bahasa Indonesia). Diakses tanggal 2020-12-09.
- "PORTAL Berita Resmi Pemerintahan Kota Bandar Lampung". bandarlampungkota.go.id. 2019-04-07. Diakses tanggal 2020-12-18.
- developer, lampost co (2020-10-02). "Tiga RS Rujukan Covid-19 di Bandar Lampung Penuh". lampost.co (dalam bahasa Indonesia). Diakses tanggal 2020-12-18.[pranala nonaktif permanen]