Rumah Gadang Datuk Bisai

Dari Wikipedia baso Minang, ensiklopedia bebas
Jump to navigation Jump to search

Rumah Gadang Datuak Bisai dibuek tahun 1920 dek Datuak Bisai, Urang Godang (Orang Besar) di Rantau Kuantan. Rumah gadang ko talatak di Jl. M. Soham, Dusun Dua, Desa Pulau Aro, Kec. Kuantan Tengah, Kab. Kuantan Singingi, Riau. Layaknyo rumah gadang di Minangkabau, rumah gadang ko tamasuak ka dalam rumah tradisioanal daerah rantau Kuantan.

Fungsi[suntiang | suntiang sumber]

Rumah gadang ko baguno untuak tampek bamusyawarah jo acara adaik bantuak upacara adaik batogak gala, monti, dubalang jo maagiah gala datuak untuak pamacik taraju pucuak pimpinan luhak atau kasatuan desa/ kelurahan. Sasuai namonyo, rumah gadang Datuak Bisai ko pernah digunoan untuak kantua Mudo Bisai sabagai Urang Gadang Limo Koto di Tengah.

Arsitektur[suntiang | suntiang sumber]

Babeda jo ciri khas rumah gadang di Minangkabau, rumah gadang ko babantuak atok tumpang duo tingkek samo model kajang padati[1] tabuek dari seng. Lantai rumahnyo babantuak pangguang jo tangga di pangka (di sabalah timur lauik), salain tu pintu masuak talatak di sabalah timurnyo.

Rumah Gadang ko ado 2 lantai. Tampek untuk bamusyawarah jo acaro adaik lainnyo talatak di lantai patamo. Di lantai ko ado juo tigo kamar, duo kamar talatak di sampiang kiri jo kanan,  kalau kamar yang ditangah baguno untuak malatak an lamari. Di lantai duo rumah gadang ko baguno untuak tampek manyimpan barang palangkok adaik. Bangunan rumah ko badenah persegi panjang ukurannyo 16,40 m x 6,6 m yang ditunjang dek 22 buah tiang kayu. Untuak pagantian udara rumah gadang di kaduo lantainyo ditambah jo jendela. Di lantai pertamo ado 5 jendela, 3 jendela gadang di muko pintu masauk, tapeknyo di sabalah timur, 2 jendela ketek talatak di sabalah barat. Jendela di lantai duo bajumlah 8 buah, masiang-masiang 4 buah talatak di sabalah tenggara jo barat lauik. Ruangan dapua yang ado di sabalah utara, kondisinyo kini alah ancua, hanyo tingga dindiang sabalah utara, saba;ah timur lantainyo ancua juo. Di sabalah barat laut dari rumah gadang ko kiro-kiro 7,8 m tadapek rangkiang (lum-bung padi). Lumbung padi ko ukurannyo 2,5 m x 4,2 m, jo tonggak sabanyak 6  buah. Dek BPCB Sumatera Barat[1], ado ruangan yang rusak jo ancua. Tamuan tu bantuaknyo kayak kondisi lantai patamo sabagaiannyo alah ancua, ruangan dapua yang ado di sabalah utara alah ancua juo samo kondisi rangkiang rusak barek yang sabagian gadang dindiang jo lantainyo alah ancua. Sayangnyo rumah ko kini alah indak ditampek an lai, soalnyo kondisinyo buruak bana jo rusak barek.

Referensi[suntiang | suntiang sumber]

  1. https://kebudayaan.kemdikbud.go.id/bpcbsumbar/rumah-gadang-datuk-bisai/