Rudolf Caracciola
Rudolf Caracciola atau Otto Wilhem Rudolf Caracciola marupoan saurang pambalap oto pasca-era parang dunia patamo nan lahia di Remagen, Jerman, pado tanggal 30 Januari 1901. Baliau pernah manang tigo kali di European Championship taun 1935, 1937 jo 1938 (ajang balap nan sarupo jo Grand Prix Formula One) mamakai oto Mercedes-Benz W25, W125, jo W154. Di European Hillclimb Championship (1930-1932) baliau manang pulo tigo kali mamakai oto Mercedes-Benz SSK jo Alfa Romeo P3 nan mambuek baliau manjadi pambalap asing patamo nan manang di balapan Mille Miglia di Italia. Baliau maningga dek panyakik kanker di umua 58 taun pado tanggal 28 September 1959 di Kassel, Jerman.[1]
Rudolf Caracciola dikana pulo jo julukan The Regenmeister atau (Rainmaster)[2] atau King of the Rain[3], julukan tu bamakna pambalap nan ahli mambaok oto katiko hari sadang hujan. Julukan King of the Rain tu patamo kali didapekan dek baliau katiko manang di Grand Prix Jerman sirkuit Avus nan sirkuitnyo taganang dek aia hujan. Baliau mamacik rekor pambalap nan kecepatannyo 433 kilometer/jam (268.9 mph) pado tanggal 28 Januari 1938 di Frankfurt manuju Darmstad manggunoan oto Mercedes W125 Rekordwagen.[3][2] Kamanangan baliau patamo kali tajadi pado taun 1926 di Grand Prix Jerman di sirkuit Avus (Berlin) nan ditonton dek 230 ribu panonton, baliau mamakai oto Mercedes M128.[2]
Riwayaik iduik
[suntiang | suntiang sumber]Rudolf Caracciola adolah anak kaampek dari Maximilian Caracciola jo Mathilde Caracciola. Baliau mandapek Surek Izin Mengemudi di umua ka 15 taun jo oto patamonyo yaitu Mercedes 16/45. Baliau baminat manjadi pamabalap dek pangalaman patamnonyo mambaok oto Mercedes 16/45 samaso parang dunia patamo.[3] Sasudah parang dunia patamo, baliau bakarajo sabagai panjua oto (salesman), di Pabrik Oto Fafnir (mamproduksi oto antaro taun 1908-1926), di Aachen, pado taun 1919 sarato mlai mambalap untuak mampromosian oto tu jo balap onda NSU. Pado taun 1922, baliau ikuik sato dalam balap oto Avus jo dapek paringkek kaampek sarato manjadi juara balap oto di Opelbah, Russelsheim. Sataun kudian, baliau patamo kali manang di balao oto katiko baumua 22 taun.[4]
Baliau pindah dari Aachen ka Dresden dek manghantam tantara Belgia di klub malam. Pado taun 1923, baliau karajo di Daimler-Benz di Dresden sabagai salesman jo dibuliahan ikuik balapan di akhia pakan jikok jaraknyo indak jauah dari kantua Dresden. Baliau manang di lomba ADAC Berlin (Klub Oto Prinsipal Jerman) nan mambaok oto Ego.[1] Sasudah mayakinan General Manager Daimler untuak maminjaman baliau oto balap di pabriknyo, Rudolf Caracciola ikuik sato di balap oto Grand Prix Jerman ateh namo dirinyo surang pado taun 1926. Wakatu tu baliau mambaok oto Mercedes M72/94 jo manang di balapan tu, baliau dapek hadiah 17.000 DM nan digunoannyo untuak modal manikah jo Charlotte Liesen.[1]
Rudolf Caracciola manikah sabanyak duo kali, nan patamo jo Charlotte Liesen pado taun 1926 (istrinyo maningga taun 1934 dek kecelakaan ski), nan kaduo jo Alice Hoffman-Trobeck pado tanggal 19 Juni 1937. Alice Hoffman-Trobeck adolah jando dari Alfred Hoffman, industriawan Swiss jo pamilik karajaan farmasi Hoffman-LaRoche, nan bacarai dek jo pambalap Louis Chiron.[5]
Rudolf Caracciola manang baliak di balap oto pado taun 1928 (Nürburgring) jo di GP Monaco sataun kudian mambaok oto Mercedes-Benz SSK. Kamenangan Tourist Trophy Irlandia[6] nan didapek baliau di Ulster Ards marupoan kamanangan lua nagari patamo baliau di arena nan basah, baliau dapek mancapai kecepatan 117,2 km/jam.[1] Pado taun 1930 jo 1931, baliau mandapekan juara European Hillclimb Championship untuak kelas oto sport jo balapan Mille Miglia, nan manjadi pambalap asiang patamo nan manang di ajang balap Italia, rekor kecepatan baliau rato-rato 101.1 kilometer/jam. Dek manurunnyo kondisi finansial Rudolf, baliau katiko itu manjadi pakarajo paruah wakatu dek indak mandapek dukungan resmi lai dari pabrik untuak balap oto.[3] Salanjuiknyo baliau mambali oto dari siso tabungannyo inggo manang di Grand Prix Irish pado taun 1930.[1]
Sataun kudian, Rudolf Caracciola pindah ka tim Alfa Romeo jo manjadi pamanang di Europen Hillclimb Championship baliak, nan katiko itu baliau mancat otonyo manjadi rono putiah. Di taun nan samo, baliau muncua sabagai juara untuak katigo kalinyo di Grand Prix Jerman. Pado taun 1933, baliau basamo Luis Chiron mambuek Team CC nan manggunoan oto Alfas 8C. Namun kecelakaan di Monaco mambuek kaki kanan baliau labiah pendek 5 sentimeter dari kaki kidanyo, sahinggo baliau indak dapek malanjuikan siso musim balapnyo.[3]
Pado taun 1934, Rudolf Caracciola mambalap baliak mambaok oto Mercedes. Namun, pado bulan Februari, istrinyo maningga dek longsoran salju di Arosa. Dek kamatian istrinyo, baliau depresi. Sahabatnyo Alice "Baby" Hoffmann manolong baliau untuak bangkik inggo dapek manjuarai balap baliak di Grand Prix Italia.[1] Pado taun 1935, baliau manang di European Championship untuak patamo kalinyo mambaok oto Mercedes Benz W25B jo mancetak rekor 311,985 kilometer/jam. Gala kaduonyo didapek katiko balap di Grand Prix Jerman pado taun 1937.[3]
Pado tanggal 28 Januari 1938, baiau mancetak rekor kecepatan barunyo yaitu 432,7 km/jam jo oto Mercedes W125 sarato manang di European Championship untuak katigo kalinyo. Pado taun 1939, baliau pindah samo istrinyo ka Castagnola, di tapi Danau Lugano, Swiss. Pado taun 1946, baliau diundang ka Indianapolis 500 Miles, namun kecelakaan katiko mambaok Thorpe Special mambuek baliau koma. Salanjuiknyo pado taun 1952, baliau manarimo hadiah dari tim Monte Carlo Rally. Pado taun 1959, baliau maningga dunia dek kecelakaan di Bern katiko mambaok oto 300SL nan mambuek baliau baranti manjadi pambalap oto.[3]
Pancapaian
[suntiang | suntiang sumber]Pado taun 1998, Rudolf Caracciola tapiliah masuak dalam daftar International Motorsports Hall of Fame, sabuah apresiasi untuak pambalap nan alah pensiun minimal limo taun nan ditetapan dek voting 150 anggota panel dari media balap otomotif Amerika. International Motorsports Hall of Fame labiah banyak diisi dek pambalap nan barasa dari Amerika Serikat, walaupun ado pulo pambalap asiang takah Ayrton Senna.[4]
Prestasi
[suntiang | suntiang sumber]Salamo 30 taun mambalap, Rudolf Caracciola manang labiah dari 225 kali balapan jo tigo kali juara European Driving Championship. Baliau manyumbang anam dari sambilan kamanangan Mercedes (total 14 seri Grand Prix) pado taun 1935.[6] Pado musim balap taun 1937, baliau manang ampek dari limo sesi balap jo mambaok Mercedex Benz W125, tigo kali posisi poles, tigo kali juara I, ampek kali masuk podium, jo duo kali mancetak wakatu paliang capek.[2]
Rekor
[suntiang | suntiang sumber]Rudolf Caraccola adolah pambalap nan paliang banyak mamacik rekor kamanangan di balapan khusus sirkuit Grand Prix Jerman. Baliau manang anam kali di Grand Prix Jerman, masiag-masiang pado taun 1926, 1928, 1931, 1932, 1937, dan 1937. Pado era Grand Prix Formula One, duo pambalap, yaitu Michael Schumacher (dari Jerman) jo Lewis Hamilton (dari Inggris) mamanangan ampekmkali balapan di Grand Prix Jerman.[7]
| No | Kompetisi Balap Oto | Taun | Sirkuit | Podium | Tim | Oto | Keterangan |
|---|---|---|---|---|---|---|---|
| 1 | European Hillclimbing Champion | 1930 (sport cars)
1931 (sport cars) 1932 (racing cars) |
Mercedes Benz
Mercedes Benz Alfa Romeo |
Kompetisi balap ko masih balangsuang inggo kini.
Arena balapnyo adolah jalan umum nan ditutuik. Kategorinyo duo era 1930-an: oto balap jo oto sport | |||
| 2 | European Champion | 1935 | Grand Prix Monaco | Mangalami karusakan valve | |||
| Grand Prix Perancis | Juara I | Daimler -Benz AG | Mercedes Benz W25B | ||||
| Grand Prix Belgia | Juara I | Daimler -Benz AG | Mercedes-Benz W25B | ||||
| Grand Prix Jerman | Juara III | Daimler -Benz AG | Mercedes-Benz W25B | ||||
| Grand Prix Swiss | Juara I | Daimler -Benz AG | Mercedes-Benz W25B | Manjadi pancetak wakatu paliang capek (waktu 2:44.4) | |||
| Grand Prix Italia | Masalah transmisi | ||||||
| Grand Prix Spanyol | Juara I | Daimler -Benz AG | Mercedes-Benz W25B | ||||
| 1937 | Grand Prix Belgia | Indak ikuik sato | |||||
| Grand Prix Jerman | Juara I | Daimler -Benz AG | Mercedes-Benz W125 | ||||
| Grand Prix Monaco | Juara II | Daimler -Benz AG | Mercedes-Benz W125 | Manjadi pancetak wakatu paliang capek (1:46.5) | |||
| Grand Prix Swiss | Juara I | Daimler -Benz AG | Mercedes-Benz W125 | ||||
| Grand Prix Italia | Juara I | Daimler -Benz AG | Mercedes-Benz W125 | Manjadi pancetak wakatu paliang capek (3:11) | |||
| 1938 | Grand Prix Perancis | Juara II | Daimler -Benz AG | Mercedes-Benz W154 | |||
| Grand Prix Jerman | Juara II | Daimler -Benz AG | Mercedes-Benz W154 | ||||
| Grand Prix Swiss | Juara I | Daimler -Benz AG | Mercedes-Benz W154 | ||||
| Grand Prix Italia | Juara III | Daimler -Benz AG | Mercedes-Benz W154 | ||||
| 3 | Irish Grand Prix | 1930 | Mercedes SSK | ||||
| 4 | AVUSrennen | 1931 | |||||
| 5 | Coppa Acerbo | 1938 | Mercedes-Benz W154 | Juara XIV Coppa Acerbo | |||
| 6 | Coppa Ciano | 1937 | Mercedes-Benz W125 | XI Coppa Ciano (Gran Premio d'Italia) | |||
| 7 | Grand Prix Belgia | 1935 | |||||
| 8 | Grand Prix Czechoslovakian | 1937 | Masaryk Circuit | Mercedes-Benz W125 | Non-championship | ||
| 9 | Eifelrennen | 1927 | Mobil Sport | ||||
| 1931 | Grand Prix | ||||||
| 1932 | Grand Prix | ||||||
| 1935 | Grand Prix | ||||||
| 10 | Grand Prix Perancis | 1935 | |||||
| 11 | Grand Prix Jerman | 1926 | AVUS Berlin | ||||
| 1928 | Nürburgring Gesamtstrecke | ||||||
| 1931, 1932, 1937, 1939 | Nürburgring Nordschleife | ||||||
| 12 | Grand Prix Italia | 1934, 1937 | Monza & Liverno | ||||
| 13 | Grand Prix Lemberg | 1932 | |||||
| 14 | Mille Miglia | 1931 | Mercedes-Benz SSKL | ||||
| 15 | Grand Prix Monaco | 1936 | |||||
| 16 | Grand Prix Spanyol | 1935 | |||||
| 17 | Grand Prix Swiss | 1935, 1937, 1938 | |||||
| 18 | Grand Prix Tripoli | 1935 | |||||
| Musim | Namo lomba | Start | Poles | Podium | Juara | Posisi | Poin |
|---|---|---|---|---|---|---|---|
| 1939 | European Championship
Daimler-Benz |
4 | 0 | 2 | 1 | 0 | |
| 1938 | European Championship
Daimler-Benz |
4 | 0 | 4 | 1 | 1 | 0 |
| 1937 | European Championship
Daimler-Benz |
4 | 3 | 4 | 3 | 1 | 0 |
| 1937 | AAA National Championship
Daimler-Benz |
1 | 1 | 0 | 0 | 0 | |
| 1936 | European Championship
Daimler-Benz |
3 | 1 | 1 | 1 | 0 | |
| 1935 | European Championship
Daimler-Benz |
5 | 1 | 4 | 3 | 1 | 0 |
Rujuakan
[suntiang | suntiang sumber]- ↑ a b c d e f g "Rudolf Caracciola | Motor Sport Magazine Database". Motor Sport Magazine (dalam bahasa Inggris). 2017-06-12. Diakses tanggal 2020-12-01.
- ↑ a b c d e Fame, Formula One Hall of. "The Bleacher Report Grand Prix Hall of Fame: Rudolf Caracciola by Billy Sexton". Bleacher Report (dalam bahasa Inggris). Diakses tanggal 2020-12-01.
- ↑ a b c d e f g Comunicazione, Paolo Spalluto. "rudolfcaracciola.org". rudolfcaracciola.org (dalam bahasa Inggris). Diakses tanggal 2020-12-01.
- ↑ a b "Rudolf Caracciola - Biography". www.grandprixhistory.org. Diakses tanggal 2020-12-01.
- ↑ "The People". Grand Prix History. Diakses tanggal 5 Januari 2020.
- ↑ a b "Biography: Rudolf Caracciola (1901 - 1959)". marsMediaSite (dalam bahasa Inggris). Diakses tanggal 2020-12-03.
- ↑ INDOSPORT.com (2019-07-26). "5 Fakta Jelang GP Jerman 2019, Balapan 'Berdarah' dan Rumah Mercede". INDOSPORT.com (dalam bahasa Inggris). Diakses tanggal 2020-12-03.