Rubela

Wikipedia Minangkabau - Lubuak aka tapian ilimu
Rubella
Namo lainCampak Jerman, campak tigo ari
Mamerah di pungguang anak akibaik Rubella
Spesialisasipanyakik manular
Komplikasiorkitis (pambangkakan testis), neuritis (radang saraf), kaguguran
Awitan2 pakan sasudah takanai
Durasi3 ari
Panyababvirus Rubella
Diagnosismanamukan virus dalam darah, karongkongan, kajamban, tes antibodi
Panagahanvaksin Rubella
Parawatanparawatan suportif
Frekuensiumum di banyak daerah

Rubela (namo lain : campak Jerman atau campak tigo ari)[1] adolah panyakik nan disababkan dek virus rubela.[2] Panyakik ko acok ringan, tapi banyak urang nan indak sadar kalau alah tainfeksi.[3]

Tando-tando[suntiang | suntiang sumber]

Anak laki-laki nan manunjukkan kuliknyo kamerahan dek rubella[4]

Rubella ko tando-tandonyo mirip lo jo flu, tapi tando-tando utamonyo kalau kanai rubella ko muncuanyo kemerah-merahan di muko atau di kulik nan lain dan biasonyo hilang kalau alah tigo ari, itulah mangkonyo kalau panyakik rubella ko dinamokan pulo campak tigo ari. Kamerah-merahan ko biasonyo hilang katiko manyeba ka tubuah nan lain. Tando-tando nan lain tamasuak ka damam nan ringan, pambangkakan kalenjer, nyeri sendi, sakik kapalo jo konjungtivitis.[5]

Kalenjar atau kalenjar gatah baniang dapek batahan sampai sapakan jo damam jarang naiak di ateh 38 ° C (100,4 ° F). Kamerahan dek rubella biasonyo bawarna sirah agak mudo nan manyababkan gata-gata sarato acok balangsuan salamo tigo ari. Kamerahan tu hilang sasudah babarapo ari , kamudian indak maninggakan noda atau pangalupasan pado kulik. Katiko kamerah-merahan itu hilang, kulik mungkin takalupeh manjadi sapihan nan sangek ketek. Bintiak Forchheimer tarjadi pado 20% kasus jo ditandoi jo papula ketek bawarna sirah di area langik-langik lunak.[6]

Rubella ko bisa manyarang siapo sajo, anak-anak atau urang nan alah gadang. Urang gadang sangaik rantan kapado panyakik artritis jo ngilu sandi tulang.[7]

Pado anak-anak, rubella biasonyo manyababkan tando-tando nan balangsuang salamo duo ari. Tando-tandonyo diantaronyo adolah:[8]

  • Kamerah-merahan di muko kamudian manyeba ka saluruah tubuah.
  • Damam randah kurang dari 38,3° C (101 ° F).
  • Limfadenopati servikal posterior.[9]

Pado urang nan alah gadang, tandonyo adolah:[8]

  • Kalenjar bangkak
  • Coryza (gajalanyo mirip salemo)
  • Nyari sandi tulang (tarutamo padusi nan masiah mudo)

Komplikasi rubella maliputi:

  • Paradangan utak[7]
  • Jumlah trombosit randah[7]
  • Inpeksi talingo.[10]

Coryza di rubella dapek barubah manjadi pneumonia, bisa jadi pneumonia virus langsuang atau pneumonia bakteri sekunder, jo bronkitis (brokitis virus atau bronkitis bakteri sekunder).[11]

Rubella bisa manyababkan sindrom rubella kongenital pado bayi nan baru lahia, iko manjadi gajalo sisa rubella nan paliang parah. Sindroma (CRS) mangikuti inpeksi intrauterine dek virus rubella jo tadiri dari kalainan jantuang, serebral, oftalmikus jo pandangaran.[12] Iko bisa juo manyababkan prematuritas, barek badan lahia randah, jo trombositopenia neonatal, kakurangan darah merah (anemia), jo hepatitis. Rasiko cacat utamo pado organogenesis paliang tinggi untuak inpeksi di tigo bulan partamo. CRS adolah alasan partamo dikambangkannyo vaksin rubella.[13]

Panyabab[suntiang | suntiang sumber]

Transmission electron micrograph of rubella viruses

Panyakik ko disababkan dek virus rubella, pado genus Rubivirus dari famili Matonaviridae[14] nan tabungkuik jo mampunyoi genom RNA untai tungga.[15]

Virus ko ditularkan lewat jalua panapasan jo bareplikasi di nasofaring jo kalanjar gatah baniang. Virusnyo basobok di dalam darah 5 ari sampai 7 ari sasudah inpeksi manyeba ka saluruah badan. Virus ko mampunyoi sipat teratogenik jo bisa malintasi plasenta jo mainpeksi janin dimano inyo mahantian sel untuak bakambang jo mahancuakannyo. Salamo maso inkubasi, urang nan sakik biasonyo tatula salamo sapakan sabalum ado kamerahmerahan sakitar sapakan sasudahnyo.

Paningkatan karantanan ka infeksi mungkin diturunkan dek ado babarapo indikasi bahaso HLA-A1 atau faktor-faktor di sekitar A1 pado haplotipe dipapanjang talibat dalam infeksi virus atau non-resolusi panyakik.[16][17]

Sindrom Rubella Kongenital[suntiang | suntiang sumber]

Child with cataracts in both eyes due to congenital rubella syndrome.

Rubella bisa manyababkan sindrom rubella kongenital pado bayi nan baru lahia, iko manjadi gajalo siso rubella nan paliang parah. Sindroma (CRS) maikuti inpeksi intrauterin dek virus rubella jo tadiri dari kalainan jantuang, serebral, oftalmikus jo pandangaran.[12] Iko juo manyababkan prematuritas, barek badan lahia randah, jo trombositopedia neonatal, anemia (kakuranga darah) jo hepatitis. Rasiko cacat utamo pago organogenesis paliang tinggi untuak infeksi pado tigo bulan partamo. CRS adolah alasan utamo dikambangkan vaksin rubella.[13]

Banyak padusi nan tatular rubella nan sadang manganduang nan hamil pado tigo bulan partamo nan mangalami kaguguran atau bayi nan lahia mati. Jikok janin nan salamaik dari inpeksi, inyo bisa lahia jo kalainan jantuang nan parah (paten ductus arteriosus adolah nan paliang banyak), buto, pakak, atau gangguan mangancam jiwa lainnyo. Manifestasi kulik ko disabuik jo "lesi muffin blueberry".[13] Karano alasan iko, rubella tamasuak ka dalam kompleks TORCH infeksi perinatal.

Kiro-kiro ado 100,000 kasus kondisi nan tajadi tiok taun.

Rujuakan[suntiang | suntiang sumber]

  1. ↑ Neighbors, M; Tannehill-Jones, R (2010). "Childhood diseases and disorders". Human diseases (edisi ke-3rd). Clifton Park, New York: Delmar, Cengage Learning. pp. 457–79. ISBN 978-1-4354-2751-8. 
  2. ↑ "Rubella". Alodokter. 2015-01-12. Diakses tanggal 2020-12-21. 
  3. ↑ "Rubella vaccines: WHO position paper" (PDF). Wkly Epidemiol Rec. 86 (29): 301–16. 15 July 2011. PMID 21766537. Diarsipkan dari versi asli (PDF) tanggal 5 June 2015. 
  4. ↑ "Public Health Image Library (PHIL)". Center for Disease Control and Prevention. 1966. Diarsipkan dari versi asli tanggal 15 March 2015. Diakses tanggal 24 May 2015. 
  5. ↑ Edlich RF, Winters KL, Long WB, Gubler KD (2005). "Rubella and congenital rubella (German measles)". J Long Term Eff Med Implants. 15 (3): 319–28. doi:10.1615/JLongTermEffMedImplants.v15.i3.80. PMID 16022642. 
  6. ↑ Robert Kliegman, Waldo E. Nelson, Hal B. Jenson, Karen J. Marcdante, M.D., Richard E. Behrman. Nelson Essentials of Pediatrics, page 467. Elsevier Health Sciences, 2006. ISBN 978-1-4160-0159-1.
  7. ↑ a b c Jameson, J. Larry; Kasper, Dennis L.; Longo, Dan L.; Fauci, Anthony S.; Hauser, Stephen L.; Loscalzo, Joseph (2018). Harrison's principles of internal medicine (edisi ke-20th edition). New York. ISBN 978-1-259-64403-0. OCLC 1029074059. https://www.worldcat.org/oclc/1029074059. 
  8. ↑ a b Marissa Selner; Winnie Yu (July 25, 2012). "German Measles (Rubella)". Healthline. 
  9. ↑ "Rubella (German Measles)". Diarsipkan dari versi asli tanggal 2013-10-06. 
  10. ↑ "Rubella: Complications". Diseases and Conditions. Mayo Foundation for Medical Education and Research. 13 May 2015. Diarsipkan dari versi asli tanggal 18 May 2015. 
  11. ↑ Michael, M. (1908). "Rubella: Report of Epidemic of Eighty Cases". di dalam Treat, E.B.. Archives of Pediatrics. p. 604. https://books.google.com/books?id=1uFFAAAAYAAJ&pg=PA604. 
  12. ↑ a b Atreya CD, Mohan KV, Kulkarni S (2004). "Rubella virus and birth defects: molecular insights into the viral teratogenesis at the cellular level". Birth Defects Res. Part a Clin. Mol. Teratol. 70 (7): 431–7. doi:10.1002/bdra.20045. PMID 15259032. 
  13. ↑ a b c De Santis M, Cavaliere AF, Straface G, Caruso A (2006). "Rubella infection in pregnancy". Reprod. Toxicol. 21 (4): 390–8. doi:10.1016/j.reprotox.2005.01.014. PMID 16580940. 
  14. ↑ Walker PJ, Siddell SG, Lefkowitz EJ, Mushegian AR, Dempsey DM, Dutilh BE, et al. (September 2019). "Changes to virus taxonomy and the International Code of Virus Classification and Nomenclature ratified by the International Committee on Taxonomy of Viruses (2019)". Arch. Virol. 164 (9): 2417–2429. doi:10.1007/s00705-019-04306-w alt=Dapat diakses gratis. PMID 31187277. 
  15. ↑ Frey TK (1994). "Molecular biology of rubella virus". Advances in Virus Research Volume 44. Advances in Virus Research. 44. 69–160. doi:10.1016/S0065-3527(08)60328-0. ISBN 9780120398447. 
  16. ↑ Forrest JM, Turnbull FM, Sholler GF, et al. (2002). "Gregg's congenital rubella patients 60 years later". Med. J. Aust. 177 (11–12): 664–7. doi:10.5694/j.1326-5377.2002.tb05003.x. PMID 12463994. Diarsipkan dari versi asli tanggal 2008-08-30. 
  17. ↑ Honeyman MC, Dorman DC, Menser MA, Forrest JM, Guinan JJ, Clark P (February 1975). "HL-A antigens in congenital rubella and the role of antigens 1 and 8 in the epidemiology of natural rubella". Tissue Antigens. 5 (1): 12–8. doi:10.1111/j.1399-0039.1975.tb00520.x. PMID 1138435. 
Diambiak dari "https://min.wikipedia.org/w/index.php?title=Rubela&oldid=2051835"