Rocky Gerung
| Rocky Gerung | |
|---|---|
 | |
| Lahia | 20 Januari 1959 Manado, Sulawesi Utara, Indonesia |
| Bidang | |
| Institusi | Universitas Indonesia Setara Institute Perhimpunan Pendidikan Demokrasi |
| Alma mater | Universitas Indonesia |
Rocky Gerung (lahia di Manado, Sulawesi Utara, 20 Januari 1959; umua 65 taun) adolah saurang filsuf, akademisi, dan intelektual publik Indonesia. Inyo parnah maaja di Universitas Indonesia dan marupoan salah saurang pandiri Institut Setara.
Kehidupan dan karier[suntiang | suntiang sumber]
Rocky mulai bakuliah di Universitas Indonesia pado tahun 1979. Inyo patamo kali masuak ka jurusan ilmu politik, nan katiko tu tagabuang dalam Fakultas Ilmu-ilmu Sosial, sabalun mamutuihan pindah ka jurusan ilmu filsafat dan luluih pado tahun 1986. Salamo bakuliah, Rocky dakek jo para aktivis bahaluan sosialis saparti Marsillam Simanjuntak, Hariman Siregar, dan lain-lain.
Satalah luluih, Rocky baliak ka UI dan maaja di departemen ilmu filsafat, nan kini tagabuang di dalam Fakultas Ilmu Pengetahuan Budaya, sabagai dosen indak tetap hinggo mulo tahun 2015. Inyo baranti maaja disababkan kaluanyo UU No. 14 tahun 2005 nan maisyaratkan saurang dosen harus minimal bagala magister; sadangkan Rocky hanya manyandang gala sarjana. Inyo tacatat mengampu mata-mata kuliah saparti Seminar Teori Keadilan, Filsafat Politik, dan Metode Panalitian Filsafat; inyo juo parnah maaja pada program pascasarjana. Salah satu mahasiswa nan dibimbiangnyo adolah aktris Dian Sastrowardoyo.
Basamo tokoh-tokoh saparti Abdurrahman Wahid dan Azyumardi Azra, Rocky ikuik mandirian Institut Setara, sabuah wadah pamikia di bidang demokrasi dan hak asasi manusia, pado tahun 2005.
Pamikiran[suntiang | suntiang sumber]
Sabagai saurang ilmuwan filsafat, salah satu bidang kajian Rocky adolah filsafat feminisme. Inyo banyak manulih di Jurnal Perempuan, sabuah terbitan ilmiah nan dikalola dek Yayasan Jurnal Perempuan dan didirian dek Gadis Arivia, koleganyo di Universitas Indonesia.
Karya[suntiang | suntiang sumber]
Buku:
- Fay, Brian; Rocky Gerung; dan Budi Murdono (1991). "Teori Sosial dan Praktik Politik". Jakarta: Penerbit Grafiti.
- Saraswati, L. G.; dan Rocky Gerung (2006). "Hak Asasi Manusia: Teori, Hukum, Kasus". Depok: Filsafat UI Press.
Jurnal:
- Gerung, R. (2007). "Pluralisme dan Konsekwensinya: Catatan Kaki untuk Filsafat Politik’ Nurcholish Madjid”." Paper PSIK Universitas Paramadina.
- Gerung, R. (2008). "Feminisme versus Kearifan Lokal." Jurnal Perempuan 57.
- Gerung, R. (2010). "Representasi, Kedaulatan, dan Etika Publik." Jentera Jurnal Hukum 20 (5).
- Gerung, R. (2014). "Feminist Ethics against Stigma of Theocracy-Patriarchy: a Reflection of 2014 Presidential Election." Jurnal Perempuan 19 (3): 175-182.
- Gerung, R. (2016). "Feminist Pedagogy: A Political Position." Jurnal Perempuan 21 (3): 265-271.