Ria Irawan
Ria Irawan | |
|---|---|
 | |
| Lahia | Chandra Ariati Dewi Irawan 24 Juli 1969 |
| Maningga | 6 Januari 2020 (umua 50) |
| Namo lain | Ria Irawan |
| Karojo | |
| Taun aktif | 1973 - 2020 |
| Pasangan | Yuma Wiranatakusumah
(m. 1997; c. 1999)Mayky Wongkar
(m. 2016; meninggal 2020) |
| Urang tuo | Bambang Irawan (apak) Ade Irawan (mandeh) |
| Dusanak | Dewi Irawan (kakak) |
Chandra Ariati Dewi Irawan (lahia di Jakarta, 24 Juli 1969 – maningga di Jakarta, 6 Januari 2020 pado umua 50 taun) adolah saurang palakon, panyanyi jo sutradara Indonesia.
Kahidupan pribadi
[suntiang | suntiang sumber]Ria lahia jo namo Chandra Ariati Dewi Irawan pado tanggal 24 Juli 1969 di Jakarta, Indonesia. Inyo marupokan anak kaampek dari limo basudaro pasangan pamain film Bambang Irawan jo Ade Irawan.[1]
Ria manikah jo Yuma Wiranatakusumah pado tanggal 5 April 1997, tapi bacarai duo taun kamudian. Satalah 17 tahun manjando, Ria manikah baliak jo Mayky Wongkar, nan marupokan asistennya surang pado tanggal 23 Desember 2016.[2]
Pado taun 2009, Ria didiagnosis mangidap kanker getah bening sahinggo inyo manjalani parawatan medis di Jakarta. Ria juo harus mambotakan abueknyo untuak manjalani kemoterapi.[3] Aktivitasnyo baranti pado taun 2017 sajak dikatahui inyo baliak mangidap kanker getah bening nan sabalunnyo sempat dikontrol, tapi kambuh baliak. Panyakik tu manjala ka diafragmanyo.[4]
Karier
[suntiang | suntiang sumber]Ria mamulai kariernyo sabagai figuran dalam film Sopir Taxi pado taun 1973. Kamudian Ria mandapek peran figuran baliak dalam film Belas Kasih (1973), kali iko disaratoi jo dialog. Sasudah itu, Ria juo bamain dalam film Fajar Menyingsing (1975) basamo Erwin Gutawa, Chicha (1976) basamo Chicha Koeswoyo nan katiko itu sadang tanamo, Siulan Rahasia (1977), Istriku Sayang Istriku Malang (1977), Nakalnya Anak Muda (1980), sampai aktingnyo banyak dipuji dalam film Kembang Kertas (1984). Karano parannyo di film Bila Saatnya Tiba (1985), Ria mandapek nominasi Festival Film Indonesia 1986 sabagai Aktris Pandukuang Terbaik. Ria mamanangan Piala Citra malalui film nan juo dibintangi dek Mathias Muchus jo Meriam Bellina, nan bajudul Selamat tinggal Jeanette (1987) sabagai Pamain Pandukuang Padusi Terbaik di FFI 1988. Di Festival Film Indonesia 2006, inyo dinominasian baliak sabagai Aktris Pandukuang Terbaik malalui film Berbagi Suami (2006).[5]
Ria juo tajun ka dunia tarik suaro. Album partamonyo direkam basamo grup musik banamo Japras, nan antaro lain tadiri dari Ully Artha, Debby Cynthia Dewi, Wieke Widowati, Rini S. Bono, Nurul Arifin, Ita Mustafa, Ani Kusuma, Eva Arnaz, jo Rima Melati. Album ko laku tajua. Ria juo marilis duo album dangdut basamo Rano Karno, yaitu Hiasan Mimpi jo Surga Dunia, sarato album pop Setangkai Anggrek Bulan jo Diantara Hati Ku Hati Mu. Ria juo pernah mambantuak trio basamo Nurul Arifin jo Ita Mustafa. Indak hanyo sabagai panyanyi sajo, Ria juo manjadi produser untuak albumnyo nan bajudul Untuk Kamu, nan bakarajo samo jo Deddy Dhukun. Ria kamudian mambuek album duet jo Melissa, saurang panyanyi Malaysia.[5]
Salain manyanyi, Ria juo mancubo profesi sabagai fotografer jo sutradara video klip. Ria pernah manggarap video klip Anggun C. Sasmi jo panyanyi lain. Kamampuan fotografi Ria maningkek sasudah diarahan dek fotografer Ken Sanjaya jo Drigo L. Tobing. Ria juo pernah bakarajo samo jo Jay Subyakto nan wakatu itu manjadi kakasihnyo, sarato Rizal Mantovani nan juo sempat manjadi pacarnyo.[6]
Ria babaliak ka layar lebar jo mambintangi film Biola Tak Berdawai. Ateh perannya sabagai Renjani, Ria mandapek gala The Best Actress dalam acara Festival Film Asia Pasifik di Iran pado taun 2003. Pado taun 2005, Ria mambuek eboh karano tatangkok baliak mamakai narkoba. Ria ditangkok basamo pangunjuang diskotik Crown nan dinyatoan positif mamakai narkoba. Sayangnyo aparat polisi indak bisa maadili Ria karano indak cukuik bukti.[7][8]
Kamatian
[suntiang | suntiang sumber]Ria maningga dunia pado pagi hari tanggal 6 Januari 2020 di RSCM akibaik metastasis kanker. Inyo dikatahui alah mangidap kanker kelenjar getah bening di sakitar pinggulnyo sajak 2009; sempat dinyatoan bebas dari panyakik iko pado taun 2014, tapi pado Maret 2019 dikatahui panyakik ko alah manyabar ka sel-sel kanker di dindiang rahimnyo, kapalo, jo paru-paru, sahinggo mamasonyo untuak manjalani pangobatan.[9][10]
Filmografi
[suntiang | suntiang sumber]Rujuakan
[suntiang | suntiang sumber]- ↑ Profil Ria Irawan.
- ↑ "Ria Irawan Menikah dengan Asisten Pribadinya". 23 Desember 2016. Diakses tanggal 21 Januari 2024.
- ↑ "Penyebab Ria Irawan Idap Kanker Getah Bening". 13 November 2014. Diakses tanggal 21 Januari 2024.
- ↑ "Ria Irawan Kembali Drop, Keluarga Minta Doa". Diarsipkan dari versi asli tanggal 2020-09-01. Diakses tanggal 21 Januari 2024.
- 1 2 "6 Film yang Bikin Ria Irawan Sabet 4 Piala Citra dan Penghargaan Lain". idntimes.com. 16 Januari 2020. Diakses tanggal 20 Januari 2024.
- ↑ "Begini Perjalanan Cinta Ria Irawan Hingga Menemukan Cinta Sejati". orami.co.id. 8 Januari 2020. Diakses tanggal 20 Januari 2024.
- ↑ "Sulit Menyeret Ria Irawan ke Pengadilan". 3 Agustus 2005. Diakses tanggal 21 Januari 2024.
- ↑ "Terjaring Operasi Simpatik Narkoba, Ria Irawan Terkena Status Wajib Lapor". 28 Juli 2005. Diakses tanggal 21 Januari 2024.
- ↑ "Ria Irawan meninggal dunia". Kompas Daring (dalam bahasa Indonesia). 2020-01-05. Diakses tanggal 21 Januari 2024.
- ↑ "Aktris Ria Irawan Meninggal Dunia". CNN Indonesia. Diakses tanggal 21 Januari 2024.
Pautan lua
[suntiang | suntiang sumber]- (Indonesia) Profil di KapanLagi.com.
- (Inggirih) Ria Irawan pado Internet Movie Database.
- Pages using infobox person with multiple spouses
- Pages using infobox person with multiple parents
- Pages using infobox person with unknown empty parameters
- Articles with hCards
- Tangga lahia 24 Juli
- Lahia 1969
- Tangga kamatian 6 Januari
- Kamatian 2020
- Tokoh Jawa
- Panyanyi Indonesia
- Tokoh Minangkabau
- Palakon Indonesia
- Maningga karano kanker