Republik Dominika
Republik Dominika adolah sabuah nagara nan talatak di pulau Hispaniola di kapulauan Antillen Gadang di kawasan Karibia. Nagara ko manempati limo per salapan bagian timur pulau, nan dibagi jo Haiti,[1][2] manjadian Hispaniola salah ciek dari duo pulau nan dibagi duo negara badaulaik, salain Saint Martin. Republik Dominika adolah nagara tagadang kaduo di Antillen badasarkan wilayah (sasudah Kuba) jo laweh 48.671 kilometer persegi (18.792 sq mi), sarato panduduak tagadang katigo, dengan sakitar 10,7 juta urang. Ibu kota jo kota tagadangnyo adolah Santo Domingo.[3][4][5] Bahaso rasminyo adolah bahaso Spanyol.
Sistem pamarentahannyo iolah demokrasi perwakilan atau republik demokratis,[5][6][7] jo tigo cabang kuaso: eksekutif, legislatif, jo yudikatif. Presiden mangapaloi cabang eksekutif jo manjalankan undang-undang nan disahkan kongres, ma angkek kabinet, jo manjadi panglimo tatinggi angkatan basinjato. Legislatif nasional adolah bikameral tadiri dari Senat nan punyo 32 anggota jo Kamar Deputi nan punyo 178 anggota.
Panduduak Republik Dominika adolah 11.117.873 pado tahun 2021.[8][9] Pado tahun 2010, 31,2% panduduaknyo bausia di bawah 15 tahun, jo 6% di ateh 65 tahun.[10] Dipakirokan ado 102,3 laki-laki untuak satiok 100 padusi pado tahun 2020.[5]
Rujukan[suntiang | suntiang sumber]
- ↑ Dardik, Alan, ed (2016). Vascular Surgery: A Global Perspective. Springer. p. 341. ISBN 978-3-319-33745-6. https://books.google.com/books?id=de9NDQAAQBAJ.
- ↑ Josh, Jagran, ed. (2016). "Current Affairs November 2016 eBook". hlm. 93.
- ↑ "Dominican Republic | Data". data.worldbank.org. Diakses tanggal April 28, 2016.
- ↑ "Estimaciones y Proyecciones de la Población Dominicana por Regiones, Provincias, Municipios y Distritos Municipales, 2008". Diarsipkan dari versi asli tanggal May 11, 2011. Diakses tanggal December 25, 2008.
- ↑ a b c Central America :: Dominican Republic
- ↑ U.S. Relations With the Dominican Republic
- ↑ "Embassy of the Dominican Republic, in the United States". Diarsipkan dari versi asli tanggal June 26, 2015. Diakses tanggal February 27, 2009.
- ↑ ""World Population prospects – Population Division"". population.un.org (dalam bahasa Inggris). Departemen Urusan Ekonomi dan Sosial Perserikatan Bangsa-Bangsa, Divisi Kependudukan. 2019. Diakses tanggal 9 November 2019.
- ↑ ""Overall total population" – World Population Prospects: The 2019 Revision" (xslx). population.un.org (Data khusus yang diperoleh melalui situs web) (dalam bahasa Inggris). Departemen Urusan Ekonomi dan Sosial Perserikatan Bangsa-Bangsa, Divisi Kependudukan. 2019. Diakses tanggal 9 November 2019.
- ↑ "World Population Prospects: The 2012 Revision" (PDF). United Nations Department of Economic and Social Affairs. 2013. hlm. 254. Diarsipkan dari versi asli (PDF) tanggal November 5, 2016. Diakses tanggal August 24, 2016.