Rais Yatim

Wikipedia Minangkabau - Lubuak aka tapian ilimu
Infobox orangRais Yatim
Biografi
Lahia15 April 1942 Edit nilai pada Wikidata (82 tahun (id) terjemahkan)
  Presiden Dewan Negara Malaysia (id) Terjemahkan 

2 September 2020 – 15 Juni 2023
  Daftar Menteri Luar Negeri Malaysia (id) Terjemahkan 

19 Maret 2008 – 8 April 2009
  Daftar Menteri Luar Negeri Malaysia (id) Terjemahkan 

11 Agustus 1986 – 7 Mai 1987
  Anggota Dewan Rakyat (id) Terjemahkan 


  Ministry of Communications and Multimedia (en) Terjemahkan 

Edit nilai pada Wikidata
Data pribadi
Kalompok etnisUrang Minangkabau Edit nilai pada Wikidata
AgamoIslam Edit nilai pada Wikidata
AlmamaterUniversitas Nasional Singapura (id) Terjemahkan
King's College London Edit nilai pada Wikidata
Kagiatan
KarajoDiplomat (id) Terjemahkan, advokat, guru jo politikus Edit nilai pada Wikidata
Partai politikUMNO (id) Terjemahkan Edit nilai pada Wikidata
Kaluarga
AnakDanni Rais (en) Terjemahkan Edit nilai pada Wikidata
Facebook: drraisyatim Edit nilai pada Wikidata Twitter: DrRaisYatim Edit nilai pada Wikidata

Tan Sri Dato' Seri Utama Dr. Rais bin Yatim (lahia 16 April 1942) adolah saurang politikus Malaysia nan manjabat sabagai Yang Dipertua Dewan Negara ka-18. Inyo adolah Mantri Kabinet dalam babarapo pamarintah federal Malaysia dari 1974 sampai 2013 dan manjabat pulo sabagai Menteri Besar Negeri Sembilan ka-8 dari 1978 sampai 1982. Inyo adolah Anggota Parlemen (MP) untuak Jelebu dari bulan November 1999 sampai Mei 2013.

Inyo adolah anggota United Malays National Organisation (UMNO) dalam koalisi Barisan Nasional (BN) sabalunnyo, salain dari periode pado taun 1990-an, wakatu inyo manjadi anggota partai oposisi Parti Melayu Semangat 46 (S46). Kini inyo adolah anggota Malaysian United Indigenous Party (BERSATU) bagian dari Partai Perikatan Nasional (PN) nan mamimpin pamarentah sajak inyo maninggakan UMNO pado 4 Juni 2018.[1] Katiko rehat dari politik, inyo manjadi Presiden Universitas Islam Internasional Malaysia (IIUM) dari taun 2013 sampai 2018.[2]

Hiduik jo pandidikan awal[suntiang | suntiang sumber]

Rais lahia dari pasangan Muhammad Yatim bin Tahir (1904-1986) jo bininyo, Siandam (1906-1954). Apaknyo parantauan Minangkabau nan manatap di Negeri Sembilan, sadang bundonyo asli dari Kampung Gagu, Jelebu, Negeri Sembilan, manikah pado taun 1926.[3][4] Rais punyo tigo dunsanak nan labiah tuo dek karano inyo adolah anak nan paliang mudo dari kaluarga ampek anak, iyolah Naam (lahia 1927), Suri (lahia 1932) jo Atan (lahia 1934).

Inyo tamaik dari Language Institute di Kuala Lumpur pado taun 1964. Rais malalui pandidikan awal Standard I jo II di Sekolah Melayu Triang (kini Sekolah Kebangsaan Teriang), kudian pindah ka Sekolah Malay Gagu jo Government English School (GES) Taipei, Kuala Klawang. Samantaro di GES, Rais mangasah kamampuan manulih dengan seni jo bahaso nan indah, ditambah jo minatnyo untuak mambaco mulai manjadi bantuak, nan manjadi identitas untuak gaya panulisan jo kato-katonyo nan kini. Inyo baminek kapado tulisan Shakespeare tarutamo King Henry V, Hamlet, Midsummer Night Dream, Romeo and Juliet jo nan lainnyo.

Sasudah tamek dari Cambridge Senior School Certificate (CSC), Rais bakarajo sabagai guru samantaro di Sekolah Kebangsaan Astana Raja di Rembau. Pado taun 1963, Rais magang salamo 2 taun di Kolegi Pengajaran bahaso (LI). Salain manjadi guru magang, Rais manciptaakan banyak tulisan nan ditabikan dek Utusan Zaman, Dewan Masharakat, Mastika jo Dewan Bahasa. Rais mancatat di Stamford Collage dan kemudiannyo baraja Hukum di Universitas Singapura.

Di Universitas Singapura, inyo baguru ka tokoh-tokoh di antaronyo Ramachandran Naidu (mantan palabah pengadilan di Kuala Lumpur), Sulaiman Abdullah (pengacara nan terkenal) jo Dr. Chandra Muzaffar (mantan Wakil Presiden PKR). Rais sangaik aktif mangikuik kontes debat jo pidato di Universitas Singapura dan acok basamo Chandra dalam debat itu. Inyo mandapek Beasley Shield Award untuak kategori pidato umum, samantaro Chandra manang kategori debat.

Inyo manamekkan kuliah di Universitas Singapura bagala Bachelor of Laws LL.B (Hons.) pado taun 1973 dan mandapek nilai A untuak artikel "Hukum Komparatif" mambuek parbandingan Adat Perpatih jo Hukum Umum.

Awal karir[suntiang | suntiang sumber]

Sabagai lulusan hukum, inyo mamulai karir sabagai pangacaro pado taun 1973 di Mahkamah Tinggi Kuala Lumpur dan salapeh pado taun 1998 di Singapura. Pado taun nan samo, Rais mambangun firma hukum Ram Rais & Yap.

Dari taun 1965 hinggo 1968, inyo mangaja Bahasa Malaysia untuak American Peace Corps di Amerika Serikat. Sasudahnyo pulang dari AS, Rais maaja pulo bahaso Inggirih, Sejarah, Ilmu jo Gambar di Undang Luak Jelebu Secondary School. Salapeh pado taun 1967, inyo ditugaskan ka Bandar Tinggi Secondary School.

Sambia manjadi dosen di Institut Teknologi Mara (kini UiTM) Rais bakarajo juo sabagai panarjamah di Dewan Bahasa dan Pustaka (DBP) pado taun 1971.

Inyo malanjuikan kuliah doktoral (Ph.D) hukum di Universitas King's College London pado taun 1994, dengan tesisnyo Rule Of Law and Supremacy Executive in Malaysia. Disertasinyo ditabikan pado taun 1995 bajudua Freedom Under Executive Power in Malaysia: A Study of Executive Supremacy.[5]

Karir politik[suntiang | suntiang sumber]

Rais manjabaik di babarapo jabatan di Kabinet nasional jo jabatan pamarintahan nagara bagian lainnyo. Inyo alah ditunjuk sabagai Mantri di Departemen Perdana Menteri, Menteri Besar Negeri Sembilan (1978-1982), Mantri Tanah jo Pembangunan Daerah (1982-1984), Menteri Informasi (1984-1986) jo Mantri Luar Negeri (1986-1987).

Samanjak indak diminati sabagai patinggi UMNO pado bulan April 1987, inyo manjadi wakil kapalo Parti Melayu Semangat 46 (S46 atau Semangat 46) bikinan Tengku Razaleigh Hamzah jo anggota UMNO nan indak basuko hati jo pamimpin Mahathir Mohamad.[6] Firma hukum Ram, Rais & Partner masih inyo jalani dari 1987 sampai 1999. Sarupo jo kabanyakan pamimpin Semangat 46, sasudah partai dibubarkan pado taun 1996, rujuak baliak ka UMNO pado akhir dekade tu dan duduak dalam kamantarian Mahathir.[7] Inyo manjabat sampai pado pamilihan umum taun 2004, sasudah itu Abdullah Badawi nan mangganti Mahathir, manunjuknyo sabagai Menteri Kebudayaan, Seni dan Warisan.[8]

Pado bulan Juni 2007, Rais dicalonkan untuak jabatan Sekretaris Jenderal Commonwealth sausai masa jabatan Don McKinnon berakhir pado Maret 2008. Namun, inyo mundur pado 26 Juli, manyabuik kalambat kampanyinyo, jo tugas jo komitmennyo sabagai Panitia Utamo dari perayaan Merdeka ka-50, nan mambatehan inyo dari tugas lua nagari.[9]

Samaso Perdana Menteri Najib Razak mamarentah, Rais manjabat sabagai Mantri Luar Negeri dari 18 Maret 2008 sampai 9 April 2009, sasudah itu inyo ditunjuak sabagai Menteri Informasi, Komunikasi dan Budaya. Inyo duduak di menteri itu sampai pamilihan umum 2013 lalu maju sabagai calon legislatif.[10] Rais manarimo kaputusan nan dibuek UMNO itu tu jo mamintak anggota lain untuak manjaga kasatiaan kapado partai.[11] Dalam babarapo bulan inyo ditunjuk sabagai Presiden Universitas Islam Internasional Malaysia.[12]

Pado 16 Juni 2020, Rais ditunjuak sabagai senator Dewan Negara oleh Yang di-Pertuan Agong sasudah bagabuang ka dalam partai BERSATU bulan Juni 2018 aktif baliak dalam perpolitikan.[13]

Kehidupan pribadi[suntiang | suntiang sumber]

Pado 14 Juni 1975 inyo manikah jo Masnah.[14] Dari Masnah inyo baranak ampek: Malini Rais, Dino Rais, Danni Rais jo Ronni Rais. Masa ketek jo akil balig, Rais banyak basobok jo komunitas Cino lokal sahinggo inyo fasih mangecek bahaso Canton, nan umum digunoan urang Cino Negeri Sembilan, salain dari bahaso ibunyo Nogori, Melayu Baku jo Bahaso Inggirih. Hobinya adolah fotografi jo pajalanan jo seni-budayo. Salain minek tinggi dalam fotografi, Rais juo punyo bakat dalam menggambar. Inyo mandapek nilai A dalam ujian Sertifikat Sekolah Tinggi (HSC). Rais bahkan mambuek lukisan dinding gadang untuak Dunearn Road Hostel di Universitas Singapura dan lukisannyo itu masih basobok di Shears Hall Great Hall di Kent Ridge.

Buku[suntiang | suntiang sumber]

Rais rajin mangarang tulisan jo alah manulih sacaro jauah tantang subjek hukum, politik jo masyarakaik, sajumlah 19 buku nan alah dibuek dek baliau sahinggo kini.

  • Pola-Pola Antropologi, Dewan Bahasa Pustaka, Kuala Lumpur, 1973 (Tajamahan).
  • The Hierarchy of Adat Perpatih in Negeri Sembilan (1974).
  • Faces in the Corridors of Power – A Pictorial Depiction of Malaysians in Position of Power Pelanduk Publications, Lumpur (1987)
  • Freedom Under Executive Power in Malaysia, Endowment Publications, Kuala Lumpur (1995)
  • Zaman Beredar Pusaka Bergilir (2000).
  • Jelebak-Jelebu : Corat-Coret Anak Kampung, Dawama Kuala Lumpur 2004.
  • Cabinet Governing in Malaysia, (2006), Dawama, Kuala Lumpur
  • Perjuangan Pri-Bumi (2009).
  • Perjuangan Asas Bangsa (2009).
  • Kabinet 1Malaysia: Mengimbas Kembali Tadbir Urus Kabinet (2011).
  • 1Malaysia Cabinet: Reflecting on Cabinet Governing (2011).
  • King Ghaz: A Man of His Time (Ed.) 2011.
  • Tunku: Still the Greatest Malaysian (Ed.) 2012.
  • Pantun & Bahasa Indah: Jendela Budaya Melayu (2013).
  • Meniti Badai Perjuangan (2013).
  • Adat: The Legacy of Minangkabau (2015).
  • Antara Cakap dan Fikir (2019).
  • Peribahasa Melayu-Cina (2020).
  • Budi Asas Tamadun (2021).

Referensi[suntiang | suntiang sumber]

  1. ↑ "Rais Yatim joins Pribumi". The Star. 4 June 2018. Diakses tanggal 17 Desember 2023. 
  2. ↑ https://uiii.ac.id/boa/profile/dato-m-rais-yatim, diakses 23 Desember 2023
  3. ↑ Dr. H. Saifullah SA., MA. (28 January 2009). "Datuk Seri Utama Rais Yatim: Orang Minangkabau yang "Dihibahkan" ke Malaysia". Pusat Kajian Budaya Islam (PKBI) (dalam bahasa Melayu). Fakultas Ilmu Budaya-ADAB: Iain Iman Bonjol Padang. Diakses tanggal 17 Desember 2023. 
  4. ↑ Menbudpar Indonesia-Malaysia Bertemu, Antara News.com, diakses 17 Desember 2023
  5. ↑ Yatim, Rais (1995). Freedom Under Executive Power in Malaysia: A Study of Executive Supremacy, p. xii. Endowment Publications. ISBN 983-99984-0-4.
  6. ↑ "The Indie Story: 'PARTI MELAYU SEMANGAT 46' (Penghormatan buat UMNO LAMA)" (dalam bahasa Melayu). The Indie Story. 1 May 2008. Diakses tanggal 17 Desember 2023. 
  7. ↑ "Rais says goodbye with 40-page booklet". Bernama. 20 October 2013. Diakses tanggal 17 Desember 2023. 
  8. ↑ "Tan Sri Dato' Seri Utama Dr. Rais Yatim". International Islamic University of Malaysia Holdings. Diakses tanggal 17 Desember 2023. 
  9. ↑ "Rais Withdraws From Commonwealth Sec-Gen Race (mirrored)". Bernama/Diplomacy Monitor. 28 July 2007. Diarsipkan dari versi asli tanggal 27 September 2007. Diakses tanggal 17 Desember 2023. 
  10. ↑ "21 new faces in Negri Sembilan, Rais Yatim dropped". Bernama. Diarsipkan dari versi asli tanggal 2014-10-21. Diakses tanggal 17 Desember 2023. 
  11. ↑ "Rais: Dropped candidates should respect decision". Bernama. 22 April 2013. Diakses tanggal 17 Desember 2023. 
  12. ↑ "Rais new IIUM president". Bernama. 4 July 2013. Diakses tanggal 17 Desember 2023. 
  13. ↑ Minderjeet Kaur (4 June 2018). "Umno veteran Rais Yatim joins PPBM". Free Malaysia Today. Diakses tanggal 17 Desember 2023. 
  14. ↑ "Buletin Kraf: Datin Seri Masnah Rais Versatilekan Kraf Tempatan" (dalam bahasa Melayu). Bahagian Komunikasi Korporat Kraftangan Malaysia. 27 September 2011. Diakses tanggal 17 Desember 2023. 
Diambiak dari "https://min.wikipedia.org/w/index.php?title=Rais_Yatim&oldid=3150343"