Puncak gugak sarai
Puncak Happy Guguak Sarai[suntiang | suntiang sumber]
Puncak guguak sarai adolah puncak yang talatak di sabalah puncak gogoan Koto Laweh, untuak mandapekan foto di puncak guguak sarai ko sangek manantang. Karano pemandangan sangek rancak mandapekan hasil foto yang rancak pulo. Kamudian tingginyo dari Puncak ko labiah kurangnyo 800meter dari ateh pamukaan luik. Dari ateh puncak ko kito dapek mamandang sawah, rumah panduduak, hijaunyo kabun bukik yang bajajar tasusun sangaik rancak untuak kito caliak.
Kamudian di ateh Puncak Happy ko ado batu gadang yang dapek kito gunoan untuk bafoto jo pamandangan yang rancak untuak latar balakang foto kito,di siko banyak urang yang mangabadikan fotonyo, kito harus bahati-hati karano di bawah bukik ado jurang yang sangaik dalam. Puncak ko sangaik cocok untuak urang yang sanang bafoto-foto. Tapi Puncak Happy ko cocok juo untuak kito yang sanang manjalajahi kaindahan alam yang masih tajago kelestarianyo. Udaro nyo yang sajuak mamanjokan kito dari kasibuak an kito sahari-hari. Manjadikan katanangan bagi kito yang sanang suasano yang manyatu jo alam.
Sejarah[suntiang | suntiang sumber]
Dahulunyo namo Puncak ko indaklah Puncak Happy, dahulunyo namonyo adolah Puncak Mob, ado juo yang manyabuiknyo Puncak Laweh. Namo Puncak Happy ko di agiah karano musyawarah panduduak satampek. Dan alah di sapakati namonyo manjadi Puncak Happy.
Lokasi[suntiang | suntiang sumber]
Lokasi puncak ko barado di Nagari Koto Laweh, Kecamatan IX Koto Sungai Lasih, Kabupaten Solok. Jalan di dakek lokasi Puncak Happy agak sampik, jadi untuak wisatawan yang pai bakunjuang ka Puncak Happy di arok an bahati-hati. Jikok kito barado di Kota Solok mako kito akan manampuah jalan 15minik sajo kito akan sampai di Nagari Guguak Sarai. Dan kito langsuang manuju SDN 05 Guguak Sarai. Sabalum SDN 05 ko kito akan batamu jo pasimpangan dan kito langsuang belok kida. Sasudah itu kito akan malewaik an kabun kelapa sawit dan ndak lamo siap itu kito akan manamui tampek parkir kandaraan. Siap itu kito akan mambayia parkir Rp 5.000 sajo untuak 1 honda. Dan kito akan bajalan mandaki manuju Puncak salamo 15menit dan kito alah dapek marasoan rancak pamandangan di ateh Puncak Happy.
Rujuak[1][suntiang | suntiang sumber]
- ↑ "Puncak Guguak Sarai, Cara Terbaik Nikmati Kota Solok". pesona indonesia (dalam bahasa Indonesia). Diarsipkan dari versi asli tanggal 2019-12-13. Diakses tanggal 2019-12-13.