Pondok Pesantren Dr. M. Natsir

Wikipedia Minangkabau - Lubuak aka tapian ilimu

Pondok Pesantren Dr. M. Natsir adolah pondok santri tampek manuntuik ilemu. Di pondok pesantren iko ado panti asuhannyo, namo pantinyo iyolah Panti Asuhan Nurul Iman, nan manampuang anak-anak yatim, anak-anak piatu, dan anak-anak nan kurang mampu. Pondok pesantren iko lah badiri samajak 1994. Kini ko, jumlah anak panti asuhannyo iyolah 151 urang, 55 urang nan laki-laki jo 96 urang nan padusi.

Jenis kagiatan anak panti asuhan nurul iman ko adolah baraja bahaso Arab, baraja tahfiz, mauruih ladang limau manih, jo mauruih dadak kompos dari cirik jawi.