Planet lua surya

Tambah pautan
Wikipedia Minangkabau - Lubuak aka tapian ilimu
Planet Fomalhaut b (mamasuakan Fomalhaut awan dobu antarplanet) foto diambiak dari koronagraf Hubble Space Telescope (NASA foto).
Media: Planet lua surya
Ampek exoplanet mangorbit balawanan arah jarum jam jo bintang induaknyo (iyolah HR 8799). Pahatian dek iko bukan video pangamatan wakatu nyato, tetapi dibuek manggunoan 7-10 gamba diam salamo ciek dekade, dan manggunoan komputer untuak manginterpolasi garakan..

Planet lua surya, atau eksoplanet, adolah planet di lua Tata Surya. Hinggo 1 September 2021, tadapek 4.834 planet tarkonfirmasi pado 3.572 sistem kaplanetan, 795 di antaronyo punyo labiah dari ciek planet.[1] Sabagian gadang alah tadeteksi malalui metode pangamatan langsuang kacapatan radial (radial velocity) dan metode-metode lainnyo salain panginderaan. Kabanyakan dari planet nan alah didapek tasabuik iyolah planet raksasa gadang ajak Jupiter, bukan planet ketek nan padek basobok tabateh pado teknologi deteksi. Badasarkan proyeksi pandeteksian tarkini, planet-planet nan jauah labiah ketek, ringan, dan babatu akhianyo akan malabiahi jumlah planet gas raksasa lua surya.[2]

Planet-planet lua surya manjadi subjek panalitian ilmiah di partangahan abaik ka-19. Banyak astronom mandugo dek planet-planet tasabuik ado, tapi inyo indak obe sabarapo banyak planet-planet tasabuik, atau sarupo apo jo planet-planet di Tata Surya. Deteksi partamo nan dikonfirmasi iyolah malalui metode kacapatan radial dilakuan pado taun 1995, nan manyatoan dek tadapek planet gas raksasa di sakitar bintang 51 Pegasi nan tamasuak ka dalam bintang Kelas G. Frekuensi deteksi jo metode tasabuik candaruang maningkek sojak tu.[3] Diparkiroan sadikiknyo 10% dari bintang ajak matoari tadapek planet-planet, dan jumlah nan sabananyo mungkin labiah banyak.[4] Panamuan planet-planet ekstrasurya mampartegas partanyoan bilo tadapek kahidupan pado babarapo planet ekstrasurya tasabuik.[5]

Kini Gliese 581 d, planet katigo dari bintang katai sirah Gliese 581 (sakitar 20 taun cahayo dari Bumi), tampaknyo marupoan contoh tabaiak dari kamungkinan wilayah eksoplanet nan mangorbit dakek jo zona sakitar bintang atau matoarinyo. Dek tu Gliese 581 d tampaknyo barado di lua apo nan disabuik "zona layak huni", parhituangan salanjuiknyo baliak managaskan posisinyo.[6]


Media tantang Planet lua surya di Wikimedia Commons

  Artikel batopik astronomi dan lua angkasa ko baru babantuak rancangan. Sanak dapek mambantu Wikipedia mangambangannyo.
  1. ↑ Schneider, J. "Interactive Extra-solar Planets Catalog". The Extrasolar Planets Encyclopedia. Diakses tanggal 1 September 2021. 
  2. ↑ "Rock planets outnumber gas giants". msn. 2008-05-28. Diarsipkan dari versi asli tanggal 2008-12-19. Diakses tanggal 2008-05-28. 
  3. ↑ Schneider, Jean (2007-04-25). "Interactive Extra-solar Planets Catalog". The Extrasolar Planets Encyclopedia. Diakses tanggal 2008-05-31. 
  4. ↑ Marcy, G.; Butler, R.; Fischer, D.; et al. (2005). "Observed Properties of Exoplanets: Masses, Orbits and Metallicities". Progress of Theoretical Physics Supplement. 158: 24 – 42. doi:10.1143/PTPS.158.24. Diarsipkan dari versi asli tanggal 2008-10-02. Diakses tanggal 2009-08-16. 
  5. ↑ "Terrestrial Planet Finder science goals: Detecting signs of life". JPL Terrestrial Planet Finder website. Diarsipkan dari versi asli tanggal 2011-11-17. Diakses tanggal 2006-07-21. 
  6. ↑ Mayor; et al. (2009). "The HARPS search for southern extra-solar planets,XVIII. An Earth-mass planet in the GJ 581 planetary system" (PDF). Astronomy and Astrophysics. Diarsipkan dari versi asli (PDF) tanggal 2009-05-21. Diakses tanggal 2009-08-16. 
Diambiak dari "https://min.wikipedia.org/w/index.php?title=Planet_lua_surya&oldid=2505649"