Pius Lustrilanang

Wikipedia Minangkabau - Lubuak aka tapian ilimu
Loncat ke navigasi Loncat ke pencarian
Pius Lustrilanang
Lahia

10 Nopember 1968 (umua 51

)
Bendera Indonesia Palembang, Sumatera Selatan
Kabangsaan Bendera Indonesia Indonesia
Karajo Panggiat, politisi

Pius Lustrilanang (lahia di Palembang, Sumatera Selatan, 10 November 1968; umua 51 taun) adolah surang panggiat sarato politisi Indonesia. Namo Pius sempat populer pado akhia taun 90an, katiko Pius malapor ka Komnas HAM tantang panculikan sarato panyakapan nan dialaminyo salamo 2 bulan, nan dilakuan dek urang-urang indak dikenal. Maso tu adolah sasaat sabalun kajatuahan Presiden Soeharto, nan diwarnai jo kagaduahan politik sarato kaamanan. Banyak tajadi paristiwa panculikan jo kasus urang ilang. Sabagai surang panggiat, Pius giat sabagai Sekretaris Jenderal Solidaritas Indonesia untuak Amien jo Mega (SIAGA). Baitu karehnya takanan nan dialaminyo, sahinggo Pius pai ka Balando untuak mahindari taulangnyo kajadian buruak manimponyo baliak.[1]

Kaluarga jo pandidikan[suntiang | suntiang sumber]

Pius Lustrilanang barasa dari kaluarga intelektual nan bukan panggiat. Ayahnyo nan badarah Minangkabau, Djamilus Zainuddin, adolah surang Profesor nan jadi Guru Basa di Fakultas Teknik Kimia, Universitas Sriwijaya Palembang, sadangkan ibunyo, Fransiska Sri Haryatni adolah surang padusi badarah Jawa.

Pius pernah manampuah pandidikan di Kolese de Britto, Universitas Katolik Parahyangan jo Universitas Indonesia.

Karier[suntiang | suntiang sumber]

Pandidikan nan Pius jalani pado jurusan Fisipol Universitas Katolik Parahyangan baperan pulo dalam mandorongnyo bakarier di dunia politik. Dari surang panggiat, Pius akhianyo tajun ka politik lalu masuak ka partai Gerindra. Pado pemilu taun 2009 Pius bahasil mandapek-an suaro nan cukuik untuak maantaannyo duduak di kurisi DPR RI sabagai wakil rakyaik nan lah mamiliahnyo untuak pariode taun 2009-2014. Jabatan lain nan dipaciknyo adolah CEO dari PT Brigass Trilanang Security.

Rujuak-an[suntiang | suntiang sumber]

  1. Ia Memilih Bicara, Walau Harus Mati TEMPO Interaktif, 2 Mei 1998. Diakses 6 Mei 2013.

Pautan lua[suntiang | suntiang sumber]