Pitih logam

Pitih logam Rupiah pacahan 100, 200, 500 dan 1000 hinggo taun 2023.

Uang logam atau kadang disabuik koin (dari bahaso Inggirih: coin) adolah logam nan paguno untuak alaik transaksi ekonomi dan biasonyo ditabikan dek pamarentah. Biasonyo pitih logam babantuak bulek, tapi indak salalu co iko. Bahan pitih logam biasonyo tabuek dari timbago, nikel, aluminium, ameh, perak atau bahan logam lainnyo. Sabuah pitih logam biasonyo punyo duo sisi: sisi nan manampilkan nilai pitih nan bawakili jo sisi sabaliaknyo nan biasonyo babantuak gamba. Pitih logam dari nagara-nagara karajaan biasonyo tacaliak gamba kapalo nagaranyo, dan pado sisi lainnyo dicantuman nilai nominalnyo.