Pilakuik

Pilakuik adolah alaik tradisional nan tadapek di nagari Jorong Matua Katik, Nagari Matua Hilia, Kabupaten Agam, Sumatera Barat dibuek untuak karajo baladang. Pilakuik dibuek jo mampagunoan alaik-alaik cando kayu atau buluah, tali nilon jo rantiang kayu atau rantiang buluah. Makasuik pambuean pilakuik adolah untuak manakuik-nakuik an manci jo kandiak nan acok marusak tanaman warga cando padi dan tanaman lain di ladang paladang. Proses pambuekan jo panggunoan pilakuik sederhana bana. Pertamo, buluh nan alah dibarasian dibalah duo, Balahan buluah salanjuiknyo ditopang jo kayu ketek nan kuek sakitar 15 Cm. Ciek meter dai buluah balah tasabuik dilatakan umpan di ateh rantiang-rantiang nan dikabek jadi ciek sarato dihubungkan jo tali ka buluah balah tasabuik.

Proses karajonyo adolah pabilo rantiang-rantiang diinjak manci, baruak atau kandiak, mako tali nan tahubung ka balahan buluh akan managang. Akibatnyo ciek balahan akan tapalantiang ka ateh, mangaluaan suaro gaduah, sahinggo manci, baruak atau kandiak akan lari. Sacaro sosial, proses karajo pilakuik jo nilai strategis nan tacimpan di dalamnyo diinternalisasi dalam usaho manyadarkan warga nan enggan terlibat dalam karajo sosial.

Teknologi tradisional iko merepresentasikan sistem pengetahuan tradisional warga nan sabagian basa adolah paladang. Pemanfaatan alaik iko juo mangajaan paladang caro manyasuaian diri jo alam. Di samping itu, teknologi modern di jorong iko baru dikana urang matua katik kiro-kiro taun 1970-an, itu juo tabateh.

Panggunoan alaik iko walau tabateh, masih tatok dilanjuikkan. Selain karano haragonyo murah, alaiknyo juo sederhana dan mudah digunoan.