Lompat ke isi

Pertamina Tower

Wikipedia Minangkabau - Lubuak aka tapian ilimu
Pertamina Energy Tower
Informasi umum
StatusTatundo
JinihOffice, observation, energy
LokasiKav. Rasuna Off Park (ROP) Unit XO-02, JL. HR. Rasuna Said -, South Jakarta, Indonesia
Koordinat6°12′56″S 106°49′47″E / 6.2155350°S 106.8296520°E / -6.2155350; 106.8296520Koordinat: 6°12′56″S 106°49′47″E / 6.2155350°S 106.8296520°E / -6.2155350; 106.8296520
Mulai dibangun2014
Salasai2020
Tinggi
Arsitektural530 meters (1,740 ft)
Lantai ateh530 meters (1,740 ft)
Informasi teknis
Jumlah lantai99
Loweh lantai540,000 m2 (5,812,500 sq ft)
Desain jo konstruksi
ArsitekSkidmore, Owings & Merrill LLP (SOM)
Teknisi strukturalSkidmore, Owings & Merrill LLP (SOM)

Pertamina Tower atau Pertamina Energy Tower adolah gedung nan direncanoan mamiliki 99 lantai, jo tinggi 530 meter (1740 ft). Kamukonyo, akan dibangun Jakarta's Rasuna Epicentrum. [1] Bangunan iko manampati area salueh 5,9 hektar jo masuak ka dalam segitiga emas Jakarta, basamo kawasan Sudirman jo Thamrin. [2] Pambangunan gedung ko malibekan Skidmore Owings Merrill (konsultan utamo) jo Turner International (konsultan project management), nan kaduo parusahaan ko terlibat dalam panggarpan proyek fenomenal gedung tatinggi di dunia Burj al Khalifa, Dubai-UEA, sarato Rider Levett Bucknall sabagai konsultan quantity surveyor. Salain kaduo parusahaan itu, proyek pambangunan ko malibekan pulo PT Airmas Asri sabagai konsultan arsitek jo PT Wiratman & Associates sabagai konsultan struktur, KSO PT Pembangunan Perumahan jo PT Hutama Karya sabagai palaksana proyek Central Energy Plant. [3]

Tujuan mambuek gedung[suntiang | suntiang sumber]

Tujuan mambuek Pertamina Tower ko supayo mangubah pemikiran urang karajo untuak karajo sacaro gesit, sahinggo dapek bersaing sacaro efektif jo efisien. Hal ini karano gedung pencakar langik ko dapek manampuang 23 ribu pekerja Pertamina jo saluruh anak perusahaan. Salain itu, diharokan Pertamina Tower manjadi landmark Indonesia nan memanfaatkan energi terbarukan, mode geothermal, aia, matohari, jo gas. Tower tasabuik sakaligus manjadi ikon jo bantuak representatif Pertamina sabagai parusahaan minyak nasional jo visi World Class Energy Company jo Asian Energy Champion pado 2025 mandatang. [1]

Panundaan mambuek gedung[suntiang | suntiang sumber]

Gedung nan dirancang pado tahun 2012 ko, mulai dibangun pado 9 Desember 2013 jo simbolih palatakan batu patamo. Pertamina Tower ko direncanokan akan salasai pado 2020. Namun, di akhir tahun 2014 tajadi panundaan pambangunan. [4] Panundaan ko disampaikan oleh Direktur Utama PT Pertamina (Persero) Dwi Soejipto dek karano biaya investasi nan maha. Mambangun gedung nan mamiliki tinggi 99 lantai ko mambutuhan dana nan gadang bahkan mancapai USD 1,7 miliar. Biaya investasi nan tinggi tasabuik, mako akan mambuek hargo beli atau hargo sewanyo menjadi maha yaitu Rp 70.000.000 per meter per segi. [5]

Salain biaya investasi nan maha, harago minyak mentah dunia pun jatuah sampai 50 persen, sahinggo Pertamina harus mangatur ulang prioritas-prioritas perusahaan. [6] Namun, Direktur Pertamina manyampaian kalau harago minyak alah mambaik, rencano pambangunan Pertamina Tower ko akan dilanjuikan. [3] Pembangunan iko akan dikaji baliak mengenai 99 lantai tasabuik atau jumlah lantai dikurangi untuak manjadikan hargo ekonomih. Salain itu, Pertamina akan mancubo manggandeng investor nan kompeten untuak mambangun gedung tasabuik. [5]

Perusahaan Pertamina juo mamfokuskan target pado produktivitas di hulu jo panambahan kapasitas kilang minyak baru. Sektor hulu manjadi prioritas karano sumbangan sektor hulu masih dalam kategori ketek, hanyo 23 persen.[7] Salain itu, Pertamina sadang dalam program untuak Refinery Development Master Plan nan batugeh untuak maningkekan angka volume minyak. [6]

Pado 2019, lokasi proyek Pertamina Tower ko akan dijadian E-Polis Rasuna. Pembangunan iko dilakukan oleh anak usaha BUMN PT Pertamina, Patra Jasa. Rancanonyo di dalam E-Polis Rasuna tasabuik akan ado hotel bintang ampek jo 250 kamar, apartemen tigo manaro nan masing-masing bajumlah 540 unit, perkantoran sarato fasilitas lainnyo. Pembangunan Pertamina Tower diurungkan karano kondisi bisnis nan alun mamungkinkan sarato indak layak sacaro finansial. Patra Jaya mambuek E-Polis jo asumsi akan labiah prospektif dari sisi bisnis. [2]

Takaik tujuan pambangunan E-Polis, dirancang jo firma arsitektur tanamo nan barasa dari Australia, Woods Bagot. Firma arsitek ko dipakai pulo dalam desain Telkom Landmark Tower di bilangan Gatot Subroto, The Hundred di Mega Kuningan jo Arthaloka Square Tower di Sudirman. Salain firma arsitek tanamo, Patra Jasa juo bakarajo samo jo BUMN nan dapek mambantu mancapai tujuan, PT Wika Realty. [2]

Rancangan[suntiang | suntiang sumber]

Rancangan gedung 99 lantai iko didesain berkelanjutan, mode mambuek bantuak corong angin pado puncak gedungnyo sabagai panangkap energi. Maikuik kondisi geografis Jakarta, mako gedung ko dibuek malangkuang jo ekstensi fitur brise soleil nan bisa mamastian suhu di dalam gedung supayo nyaman sapanjang tahun. Caro iko juo digunoan untuak mangurangi cahaya buekan nan tantunyo mamakan energi nan gadang. Jalan-jalan sakitar gedung pun ditutuik photovoltaic sabagai panghubung antar gedung sarato malindungi paparan sinar jo sakaligus mambuek ruang publik nan bisa diakses masyarakat.[4]

Bagian manara nan marupoan bagian tatinggi tasabuik tabukak untuak manampekan turbin angin sumbu vertikal. Pado bagian iko, dibantuak corong angin untuak mambuek turbin labiah capek jo energi nan didapekan labiah gadang.[1] Di bagian bawah bangunan tasabuik, dipasang pulo mato panel di atok kawasan pajalan kaki 1.750 meter persegi nan dapek manghasilan listrik dari cahayo mato. [8]

Rancangan gedung ko tetap barusaho untuak manggunoan sumber daya sacaro ancak. SOM mangklaim kalau pambangunan gedung ko akan mangurangi pamakaian aia, maminimalkan emisi karbon dioksida sampai 26% sarato manghasilan 25 % sumber energi terbarukan pado 2020. [4]

Struktur Bangunan[suntiang | suntiang sumber]

Struktur Pertamina Tower tadiri dari tigo struktur. Sistem struktural tadiri dari ulet inti beton nan batulang jo eksterior baja struktural bingkai momen. Pado bingkai, dibuek jo balok baja komposit. Kaduo sistem tasabuik digabungan, lalu satiok 30 lantai bagian tangah struktur lua bagabung jo sabuk baja. Tadapek pulo sistem nan mahubungan ciek sistem ka sistem lainnyo yaitu sistem gravitasi nan tadiri dari lempengan beton nan didukung jo balok baja komposit. Sistem iko ditujukan untuak manyaluran beban ka struktur kolom. Katigo sistem tasabuik manjadi sistem struktural nan tapadu. [9]

Fasilitas[suntiang | suntiang sumber]

Gedung iko diharapkan dapek bafungsi sabagai "kota dalam kota" nan di dalamnyo dapek hidup basamo-samo, karajo, sarato rekreasi. Di dalamnyo tadapek auditorium nan bakapasitas 2.000 kursi, tampek ulahrago nan gadang sarato masajik nan bakapasitas 5.000 urang, energy center. [4] Pertamina Tower ko direncanakan akan manjadi kampus taintegrasi jo konsep dan dukungan teknologi bangunan nan ramah lingkungan. Salain itu, kampus ko akan manjadi salah ciek Green Bulding di Indonesia nan tantunyo mandapek sertifikat green building dari the Green Building Certificate Institute pado level platinum, dilangkokan pulo jo zero water run-off, water recycle, renewable energy showcase, dan tantunyo 55% kawasan ko barupo area tabukak hijau. [3]

Panghargaan[suntiang | suntiang sumber]

Tahun 2014, Pertamina Tower ko mandapekan panghargoan ameh di MIPIM Asia Awards jo kategori Best Futura Mega Proyek. [10]

Rujuakan[suntiang | suntiang sumber]

  1. a b c Pertamina (Persero), P. T. "PT Pertamina (Persero)". www.pertamina.com (dalam bahasa Inggris). Diakses tanggal 2019-12-14. 
  2. a b c Media, Kompas Cyber. "Proyek Jumbo E-Polis Jakarta Dirancang Arsitek Dunia". KOMPAS.com (dalam bahasa Indonesia). Diakses tanggal 2019-12-19. 
  3. a b c Idris, Muhammad. "Tarif Sewa Kemahalan, Pertamina Tower Batal Dibangun 99 Lantai". detikfinance. Diakses tanggal 2019-12-14. 
  4. a b c d Media, Kompas Cyber. "Setinggi 530 Meter, Inilah Tampilan Pertamina Energy Tower..." KOMPAS.com (dalam bahasa Indonesia). Diakses tanggal 2019-12-19. 
  5. a b Okezone (2015-09-01). "Pertamina Tunda Bangun Gedung Tertinggi di Jakarta, Ini Alasannya : Okezone Economy". https://economy.okezone.com/ (dalam bahasa Indonesia). Diakses tanggal 2019-12-17.  Hapus pranala luar di parameter |website= (bantuan)
  6. a b Media, Kompas Cyber. "Pembangunan Pertamina Tower Ditunda". KOMPAS.com (dalam bahasa Indonesia). Diakses tanggal 2019-12-19. 
  7. "Pembangunan Gedung Tertinggi Pertamina Ditunda". SINDOnews.com (dalam bahasa Indonesia). Diakses tanggal 2019-12-19. 
  8. Kibert, Charles J. Kontruksi Berkelanjutan: Green Building Desain dan Pengiriman. ISBN 978-1-119-05517-4. 
  9. Preetam Biswas, Georgi I. Petrov, Matthew Streeter, Austin Devin, Charles Besjak. "Effects of Perimeter to Core Connectivity on Tall Building Behavior". 
  10. "SOM Wins Top MIPIM Asia Awards for 2014". SOM (dalam bahasa Inggris). Diakses tanggal 2019-12-19.