Perawang, Tualang, Siak
| Perawang | |
|---|---|
| Nagara |  Indonesia |
| Provinsi | Riau |
| Kabupaten | Siak |
| Kecamatan | Tualang |
| Kodepos | 28772 |
| Jumlah RT | 91 |
| Jumlah RW | 8 |
| Laweh | 20 km² |
| Panduduak | 44.153 jiwa |
| Kapadatan | ... jiwa/km² |
Perawang adolah ibu kota Kecamatan Tualang, Kabupaten Siak, Riau, Indonesia. Sabuah kota ketek banamo Tualang Perawang atau labiah dikenal jo "Perawang" dengan jumlah panduduak 44.153 jiwa marupoan kota industri di tapian Sungai Siak. Rato-rato panduduaknyo bakarajo sabagai buruah.
Geografis Kalurahan Perawang
[suntiang | suntiang sumber]Kota Perawang talatak antaro 0°32'-0°51' Lintang Utara dan 101°28'-101°52' Bujur Timur di tapian Sungai Siak, katinggian 0,5 – 5 dpl dengan suhu udaro barkisa 22 °C sampai 33 °C.
Wilayah Perawang ko samo pado umumnyo wilayah Kabupaten Siak lainnyo terdiri dari dataran randah dengan struktur tanah pado umumnyo tadiri dari tanah podsolik sirah kuniang dari batuan dan aluvial sarato tanah organosol dan gley humus dalam bantuak tanah rao-rao atau tanah lambok. Bantuak wilayahnyo 75 % data sampai bagalombang dan 25 % bagalombang sampai babukik.
Lataknyo labiah kurang 1 jam manuju ibu kota provinsi (Pakanbaru) dengan jarak 65 km dan 1,5 jam manuju ibu kota kabupaten (Siak Sri Indrapura) dengan jarak 70 km. Wilayah lainnyo nan babatehan sabagai barikuik ko:
| Utara | Kecamatan Mandau, Minas |
| Selatan | Kecamatan Kerinci Kanan, Pekanbaru |
| Barat | Kecamatan Minas |
| Timur | Kecamatan Sei Mandau, Kecamatan Koto Gasib |
Barikuik bateh-bateh desa di Kalurahan Perawang, Perawang secaro umum berado pado daerah dataran nan tadapek sektor industri pangolahan nan manjadi panggarak perekonomian utamo, indak hanyo bagi Perawang tapi juo manjadi sektor utamo Kabupaten Siak.
Sajarah
[suntiang | suntiang sumber]Sajarah Perawang bakaitan arek dengan Kampuang Tualang, dan Sungai Siak sabagai pusek kagiatan masyarakaik pado maso lampau. Wilayah Perawang pado awalnyo berado di sakita Pasar Minggu Lamo dan di sabarangnyo marupoan Kampuang Tualang. Sungai Siak manjadi bateh kaduo kampuang tasabuik sarato manjadi pusek kagiatan ekonomi masyarakaik seperti manangkok lauak jo jalua transportasi. Wilayah Tualang dan Perawang sajak maso lalu telah manjadi bagian dari Kasultanan Siak Sri Indrapura (1723-1945).[1]
Kaadaan mulai barubah satalah masuaknyo beberapo parusahaan gadang nan mambangun jalan akses dan barbagai bangunan untuak kagiatan industri. Parusahaan nan patamo kali masuak adolah Caltex (Kini Chevron) nan mambangun jalan dari Simpang Minas hinggo palabuhan di tapian Sungai Siak (dakek Pasa Minggu Baru di balakang MTS Al-Wathaniyah). Caltex juo mambangun babarapo camp untuak pekerjanyo disakita Pasa Km.4 dan SDN 001 Tualang. Satalah itu, masuak beberapo parusahaan lain saparati STC, Surya Dumai, Perawang Lumber Industri (PLI), dan Indah Kiat Pulp & Paper yang mambangun pabrik di wilayah Perawang. Banyaknyo pabrik manyababkan tajadi paningkatan drastis jumlah panduduak Perawang dikaranokan oleh kadatangan para pakarajo dari berbagai daerah.
Pandirian banyak pabrik dan kadatangan para pakarajo mambuaek Perawang labiah ramai dari pado Tualang nan barado di sabarangnyo. Iko manyababkan tajadi migrasi panduduak dari Tualang ka Perawang. Ketiko tajadi parubahan administrasi pamarintahan dari Kampuang manjadi Desa, para tokoh masyarakaik sapakek manggabuangkan namo Tualang Perawang manjadi sabuah Desa nan barinduak ka Kacamatan Siak.[2] Meningkeknyo status Kacamatan Siak manjadi Kabupaten Siak mambuek status Desa Tualang Perawang naiak manjadi Kacamatan. Ateh musyawarah mufakek tokoh masyarakaik, mako diputuihkan namonyo manjadi Kecamatan Tualang nan baribukota di Perawang. Wilayah Desa dipacah manjadi 3, yaitu: Desa Tualang, Kelurahan Perawang, dan Kelurahan Perawang Barat.
ASA USUL NAMO PERAWANG
Ada duo versi tentang asa-usul namo Perawang. Pertamo, berasal dari kata “Awang” dalam Bahasa Melayu masyarakaik satampek nan bararti “Rawa”. Sajak dahulu wilayah Km 1 sampai dengan Km 3 berupo rawa beraia nan dalam Bahasa Melayu satampek disabuik “Tanah Awang” nan dalam percakapan sahari-hari manjadi “Peghawang”, nan diubah ka Bahaso Indonesia Resmi manjadi “Perawang”. Kaduo, pado maso dahulu ado urang dukun dari Suku Sakai yang tingga di tapi Anak Sungai Siak (kini masuak wilayah Lumber, Tualang). Masyarakaik manyabuik dukun ko sabagai “Pawang” dan anak sungai tampek tingga dukun tarsabuik sabagai “Sungai Perawang”. Istilah ko kamudian diubah ka dalam Bahaso Indonesia Resmi menjadi “Perawang” dan “Sungai Perawang”.
Ekonomi dan Masyarakaik
[suntiang | suntiang sumber]Di kota ko tadapek pabrik karateh PT Indah Kiat nan marupakan anak parusahaan Sinar Mas Group. PT Indah Kiat marupoan pabrik karateh dan bubur karateh utamo di Indonesia. Pabrik ko telah mamberian manfaaik ekonomi untuak masyarakaik Perawang dan sakitarnyo, baiak langsuang maupun tidak langsuang. Namun, ado juo nan barprofesi sabagai nelayan, karano latak desa Perawang nan dakek dengan sungai
Satalah masuak parusahaan gadang saperti Caltex, IKPP sangaik mambantu partumbuhan makro desa Perawang. Hinggo saaik ko partumbuhan Perawang dapek dikatoan bakambang dengan elok ditandoi dengan banyaknyo pambangunan nan samakin marato.
Masyaraik Perawang sabagian gadang adolah pandatang dari barbagai macam suku dan agamo
Pandidikan
[suntiang | suntiang sumber]Sumber Dayo Manusio nan bakualitas tantu sajo marupakan hasil dari proses balaja mangaja nan salamo ko dilakukan di Kalurahan Perawang Kecamatan Tualang. Sumber Daya Manusia nan berkualitas dapek dicarminkan dari jumlah sarano dan prasarano pandidikan nan dimiliki oleh Kalurahan Perawang, baik pado tingkek pandidikan desa, pandidikan manangah, dan pandidikan tinggi.
Kalurahan Perawang, seiriang dengan partumbuhan panduduaknyo, juo tumbuah manjadi pusek pandidikan bagi kawasan sakitarnyo. Berikuik daftar sakolah nan tadapek di Kalurahan Perawang:
Tingkek Perguruan Tinggi
[suntiang | suntiang sumber]- Universitas Muhammadiyah Riau (Kampus III)
Tingkek SMA-Sederajat
[suntiang | suntiang sumber]- SMK YPPI
Tingkek SMP-Sederajat
[suntiang | suntiang sumber]- SMP Negeri 3,
- MTs Al-Wathaniyah,
- SMP Plus Muhammadiyah,
- SMP YPPI
Tingkek SD/MI:
Di Kelurahan Perawang terdapat 3 SD Negeri, 7 SD Swasta.
Sumber : Korwil Pendidikan Kecamatan Tualang Tahun 2018
Kasehatan
[suntiang | suntiang sumber]Darajek kesehatan suatu masyarakaik indak lapeh dari parhatian pamerintah tarutamo manganai fasilitas kasehatan nan disadiokan, terjaminnyo kasehatan masyarakaik indak hanyo diparoleh dari fasilitas nan ado, tetapi juo tanago kasehatan nan tarsadio dan mancukupi kabutuhan. Dengan damikian paningkean darajek kasehatan masyarakaik dapek dipanuhi.
Adopun sarana kasehatan nan ado di Kalurahan Perawang antaro lain :
- Puskesmas = 1 unit
- Posyandu = 18 unit
- Posbindu = 1 unit
Berikuik Namo-Namo Posyandu nan berado di Kalurahan Perawang :
- Posyandu Mutiara (RW 06)
- Posyandu Kecubung Putih (RW 05)
- Posyandu 66 (RW 06)
- Posyandu Mekar Indah (RW 05)
- Posyandu Delima (RW 01)
- Posyandu Indah Kasih (RW 06)
- Posyandu Khairunnisa (RW 03)
- Posyandu Melati Indah (RW 05)
- Posyandu Mawar Laut (RW 02)
- Posyandu Khairul Umi (RW 03)
- Posyandu Tunas Baru (RW 02)
- Posyandu Tunas Mandiri (RW 05)
- Posyandu Selaras (RW 02)
- Posyandu Anyelir (RW 06)
- Posyandu Air Mata Dewa (RW 06)
- Posyandu Bumil Sayang Ibu (RW 03)
- Posyandu Bumil Sayang Ibu 1 (RW 01)
- Posyandu Lansia (RW 05)
Referensi
[suntiang | suntiang sumber]- ↑ Media, Kompas Cyber (2021-06-18). "Kerajaan Siak: Silsilah Raja, Puncak Kejayaan, dan Peninggalan Halaman all". KOMPAS.com (dalam bahasa Indonesia). Diakses tanggal 2022-06-30.
- ↑ "Sejarah". Website Resmi Pemerintah Kab. Siak (dalam bahasa Inggris). 2015-06-05. Diarsipkan dari versi asli tanggal 2022-07-01. Diakses tanggal 2022-06-30.