Pemberontakan Silungkang
Pemberontakan Silungkang atau Pemberontakan Malam Tahun Baru dimulai pado malam 31 Desember 1926 dek para pemberontak Partai Komunis Indonesia (PKI) kapado pamarintahan Hindia Belanda di Minangkabau.[1] Pado mulonyo, rencana pemberontakan tasabuik marupokan hasil parundiangan dalam Konferensi Prambanan nan diadokan dek PKI pado 25 Desember 1925. Namun, rancana tasabuik ditunda dek adonyo gampo bumi pado 28 Juni 1926 nan tajadi di Padang Panjang nan direncanyo dijadikan pusek parlawanan. Rancana pemberontakan tasabuik dirundiangkan baliak di Silungkang pado 20 Desember 1926 dek sakitar 30 anggota PKI.
Tapi, Tan Malaka indak setuju jo rancana tu. Tan Malaka ma anggap rencana pemberontakan masih mentah dan PKI alun siap untuak mambarontak. Kok dipaso, itu manimbuakan bahayo bagi gerakan di kampuangnyo. Pamarintahan balando samakin mampaketat ruang gerak dunia gerakan. Tan Malaka mamintak kaputusan itu dirundiangkan baliak. Tan mangirim dokumen untuak Alimin nan manunjuakan alasan untuak manulak rencana pemberontakan. Alimin juo barangkek ka Singapura untuak manegosiasikan baliak rencana Prambanan jo tokoh PKI sarupo Musso, Boedisoetjitro, Sugono, Subak, Sanusi jo Winata. Alimin mayakinkan Tan Malaka, baso inyo mampu mangumpuakan tokoh PKI lainnyo untuak manegosiasikan baliak rancana tu. Jikok alah siap, Alimin janji ka manyampaikan kabar kapado Tan Malaka.[2]
Tapi, salamo sabulan, indak ado lai kabar dari Alimin ka Tan Malaka. Sasudah ditinjau, Alimin indak pernah manyarahkan dokumen tu kapado tokoh PKI di Singapura. Alimin malah payi ka Moskow jo Musso untuak mamintak barakaik untuak malakuikannyo. Walaupun Moskow indak marestui, pemberontakan PKI pado 1926-1927 tatap dilakuan.[2]
Salain itu, sampai akhir 1926, pemberontak di Minangkabau alah mangumpua minimal saribu pucuk senjata untuak amunisi malalui Mr. Van Eck, direktur firma Boon di Medan. Malalui jalur nan kalam, senjata juo dibeli dari direktur toko senjata Bouman nan surang urang Belanda malalui lobi-lobi Mangkudun Sati. Salain itu, Bouman ditahan anam bulan untuak manjual senjata ilegal. Uang untuak manukar senjata, di antaro lain disumbang dek Hasan Bandaro, padagang kayo di Kota Padang. Salain manukar, awak juo mangumpua senjata jo mambuek granat tangan di Sungai Puar, di bawah parentah Haji Idris jo Sutan Maradjo.
Pado 1 Januari 1927, rombongan patamo nan dipimpin dek Abdul Muluk Nasution pindah dari Silungkang ka Sawahlunto. Namun, inyo langsung ditangkok dek para tentara Belanda di Muara Kalaban dan dibawa ka panjaraoSawahlunto. Panjaro Sawahlunto nan direncanakan untuak diambiak alih gagal, dek ternyata Sarjan Pontoh, Sarjan Rumuat jo dua puluah koleganyo alah ditangkok Balando duo hari sabalun Hari H.
Parang masih tajadi. Urang-urang jo buruh tambang batubaro di Sawahlunto sadang bajalan. Konvoi bantuan pasukan Balando dari Bukittinggi ka Sawahlunto mandapek kejutan dari pasukan "Jenderal" Abdul Munap katiko malinteh di Payakumbuh. Manuruik telegram dari rumah Pak Arends pado tanggal 3 Januari 1927, Lt. Lt. W.F.H.L. Simons, komandan Balanda nan sadang di ateh oto mati dek sabuah paluru nan manembus hatinyo.
Kelompok pemuda dari nagari-nagari sakitar Silungkang nan mangambangkan bendera merah terlibat dalam baku tembak jo pasukan Belanda. Tanggal 3 Januari, pasukan Belanda mundur diri dari Silungkang. Sasuai pakiroan, pambarontakan manjadi malueh. Sarupo jo Silungkang dan sakitarnyo, di Padang, Pariaman, Agam pemberontak juo mambunuah para pejabat Belanda. Di mano-mano ado baku tembak. Korban baguguran dari kaduo pihak.[3]
Pemberontakan tu berhasil dipadamkan pado Maret 1927, sasudah pamarentah balando mangirim 12 kompi tentara dari Jawa di bawah pimpinan Mayor Rhenrev. Ampek pimpinan PKI Minang, iyolah Manggulung (PKI), M. Jusuf, Sampono Kajo (Syarikat Islam), jo Badarudin gelar Said (ulama), dihukum gantung pado bulan Maret 1927 di panjaro Sawahlunto. Sisonyo dibuang ka Digul.[4][5]
Sasudah pemberontakan tu, dunia gerakan di Banten makin sulik. balando makin ketat mamantau warga jo aktivitas sosial jo politik. Walaupun dikhianati, Tan Malaka masih manyayangi Alimin. Namun, sasudah kajadian tu Tan Malaka hanyo manganggap Alimin sabagai kawan untuak bagadang ati jo basamo-samo.[2]
Rujuakan[suntiang | suntiang sumber]
- ↑ Pemberontakan Malam Tahun Baru (1) - JPNN
- ↑ a b c "Kisah Tan Malaka dikhianati Alimin soal pemberontakan PKI 1926". Merdeka.com.
- ↑ Pemberontakan Malam Tahun Baru (2) - JPNN
- ↑ Pemberontakan Malam Tahun Baru (3/habis)
- ↑ http://lib.ui.ac.id/file?file=digital/20160754-RB04S389p-Perjuangan%20kaum.pdf