Pedoman Isteri

Ribuan kaum isteri yang telah bersekolah, akan tetapi majalah untuknya masih kurang sekali.

No. 1, Januari 1932

Pedoman Isteri adolah majalah padusi Hindia-Balando babahaso Melayu nan tabik di Batavia dan bakantua pusek di Eijkmanpark. Edisi patamonyo tabik pado Januari 1932. Majalah iko ditagakan dek Rangkajo Chailan Sjamsoe Datoek Toemenggoeng, padusi nan managakan Persatoean Isteri Pegawai Bestuur (PIPB), yakni asosiasi istri para pagawai negeri Hindia-Balando.

Pedoman Isteri banyak maangkek barito sakaitan jo PIPB, meskipun pado panarbitan patamo redaksi manyabuik bahaso majalahnyo indak tarikek pado ciek parkumpulan. Dominannyo barito tarkait PIPB mambuek redaksi Pandji Poestaka sempat manyangko Pedoman Isteri sabagai majalah bagi kaum istri saprofesi, yakni istri pagawai negeri.

Isi

Pedoman Isteri mambahas parsoalan padusi sacaro umum. Pandiri majalah iko, Chailan Sjamsoe aktif manulih dan di antaro isu nan inyo acok angkek adolah manganai hak pilih padusi. Khailan adolah salah saurang dari saketek padusi Hindia-Balando nan tarlibat aktif dalam Vereeniging voor Vrouwenkiesrecht (Asosiasi untuak Hak Pilih Padusi).

Walaupun manyatoan diri sabagai majalah nan indak tarikek pado ciek parkumpulan, pambaritoan sakaitan jo PIPB dominan maisi rubrik majalah Pedoman Isteri.

Panarimoan

Pedoman Isteri identik sabagai majalah padusi tarpelajar. Namun, redaksi Pandji Poestaka dalam ulasan untuak manyambuik edisi patamo majalah iko, mangkritik gambaran padusi mambaka kumayan nan dimuek di halaman sampul majalah. Manuruik Pandji Poestaka, kumayan identik jo parilaku irasionil nan dianggap indak pantas dilakukan dek padusi tarpelajar. Redaksi Pedoman Isteri mambuek klarifikasi tarkait hal nan tun dengan manyatoan kumayan itu mangandung arati yakin jo picayo.

Caliak pulo

• Soenting Melajoe