Lompat ke isi

Parusahaan rintisan

Wikipedia Minangkabau - Lubuak aka tapian ilimu
Siklus kauangan parusahaan rintisan

Parusahaan rintisan (Inggris: startup company atau start-up company) adolah istilah nan marujuak pado kasado parusahaan nan alum lamo baoperasi. Parusahaan-parusahaan iko sabagian gadang marupoan parusahaan nan baru didirikan dan barado dalam fase pangembangan sarato jo panalitian untuak manamuan pasa nan tapek pado ranah teknologi tantunyo. Parusahaan rintisan tamasuak dalam kategori usaho ketek manangah nan manyangkuik atau barusaho dalam bidang teknologi atau minimalnyo manggunoan teknologi sabagai pandampiang sarato jo Parangkek kareh, parangkek lunak sabagai alaik panunjang usahonyo. Manfaat mandirian parusahaan rintisan adolah untuak mampalueh kapasitas investasi dalam produk baru.[1] Istilah "startup" manjadi populer sacaro internasional pado maso gelembung dot-com. Pado maso itu banyak parusahaan dot-com didirian sacaro basamoan. Startup atau parusahaan rintisan disabuik juo sabagai usaho saurang nan dirancang untuak mambuek produk atau jaso baru di era jaman nan alah maju kiniko.[2]

Caro Karajo[suntiang | suntiang sumber]

Parusahaan rintisan biasonyo dimulai dek saurang pandiri (solo-founder) atau co-founder nan mampunyoi caro untuak mamacahkan suatu masalah. Pandiri parusahaan rintisan akan mamulai validasi pasa dengan caro wawancara masalah, wawancara solusi, jo mambangun minimum viable product (MVP), yaitu prototipe untuak mangambangkan jo mamvalidasi model bisnis mereka. Proses parusahaan rintisan dapek mamakan wakatu lamo (dengan babarapo pakiroan, tigo tahun atau labiah), dan karanonyo diparaluan upayo bakalanjutan. Dalam jangka panjang, upayo mampatahankan parusahaan rintisan sangaik manantang karno tingkek kagagalan nan tinggi jo hasia nan indak pasti[3]. Mampunyoi rencana bisnis dapek manguraikan apo nan harus dilakuan jo bagaimano marancanokan jo mancapai ide tasabuik di maso depan. Biasonyo, rencana iko akan manguraikan 3 hinggo 5 tahun partamo dari strategi bisnis tasabuik[4].

Prinsip Desain[suntiang | suntiang sumber]

Model di baliak startup nan hadir sabagai usaho biasonyo dikaikan jo ilimu desain. Ilmu desain manggunoan prinsip-prinsip desain nan dianggap sabagai saparangkek ide jo proposisi normatif nan koheren untuak marancang jo mambangun tulang inti perusahaan[5]. Misalnyo, salah satu prinsip desain awa adolah "karugian nan tajangkau".

Heuristik jo Bias dalam Parusahaan Rintisan[suntiang | suntiang sumber]

Karsno kurangnyo informasi, katidakpastian nan tinggi, kabutuhan untuak mambuek kaputusan sacaro capek, para pandiri parusahaan rintisan manggunoan banyak heuristik jo manunjuakkan bias dalam tindakan mereka. Bias jo heuristik adolah bagian dari kotak pakakeh kognitif kito dalam proses pangambilan kaputusan. Mereka mambantu kito mamutuihan sacapek mungkin di bawah katidakpastian tatapi takadang bisa pulo salah jo kaliru[6].

Mentoring[suntiang | suntiang sumber]

Banyak pangusaho mancari umpan baliak dari mentor dalam manciptaan parusahaan rintisan mereka. Mentor mambimbiang para pandiri sarato maagia katarampilan kewirausahaan nan dapek maningkekan efikasi diri wirausahawan nan baru lahia[7]. Pandampiangan iko manawarkan arahan untuak pangusaho guno maningkekan pangatahuan mereka tantang bagaimano mampatahankan aset mereka nan bakaitan jo status dan identitas mereka sarato mampakuek katarampilan real-time[8].

Rujuakan[suntiang | suntiang sumber]

  1. "Google Cendekia". scholar.google.com. Diakses tanggal 2021-06-28. 
  2. Ries, Eric (2022). The Lean Startup. Yogyakarta: Bentang Pustaka. pp. 15. ISBN 978-602-291-871-4. 
  3. Uy, Marilyn A.; Foo, Maw-Der; Ilies, Remus (2015-05-01). "Perceived progress variability and entrepreneurial effort intensity: The moderating role of venture goal commitment". Journal of Business Venturing (dalam bahasa Inggris). 30 (3): 375–389. doi:10.1016/j.jbusvent.2014.02.001. ISSN 0883-9026. 
  4. Kronenberger, Craig (2021-02-23). "How the Startup Studio Business Model Is Changing the Startup Economy as We Know It". Startup Studio Insider (dalam bahasa Inggris). Diakses tanggal 2022-08-16. 
  5. Burg, E. van; Gilsing, V. A.; Reymen, I. M. M. J.; Romme, A. G. L. (2008). "Creating university spin-offs: A science-based design perspective". The journal of product innovation management (dalam bahasa English). 25 (2): 114–128. ISSN 0737-6782. 
  6. Zhang, Stephen X (9 November 2015). "The Study of Bias in Entrepreneurship". Entrepreneurship Theory and Practice. 41 (3): 419–454. doi:10.1111%2Fetap.12212 Periksa nilai |doi= (bantuan). 
  7. Ho, Moon-Ho Ringo; Uy, Marilyn A.; Kang, Bianca N. Y.; Chan, Kim-Yin (2018). "Impact of Entrepreneurship Training on Entrepreneurial Efficacy and Alertness among Adolescent Youth". Frontiers in Education. 3. doi:10.3389/feduc.2018.00013. ISSN 2504-284X. 
  8. Jaško, Ondrej; Marinković, Sanja (2016-06-03) (dalam bahaso en). Proceedings of the XV International symposium Symorg 2016: Reshaping the Future Through Sustainable Business Development and Entepreneurship. University of Belgrade, Faculty of Organizational Sciences. ISBN 978-86-7680-326-2. https://books.google.com/books?id=5TkLDgAAQBAJ&q=importance+of+mentoring+for+Start+ups&pg=PA1462.