Radang

Radang atau inflamasi adolah respon jaringan tubuah ateh stimulus nan marusak, sarupo patogen, karusakan jaringan, atau bahkan kaduonyo, nan tadiri ateh sarangkaian reaksi pado jaringan tasabuik. Fungsi utamo dari paradangan adolah untuak manyingkiakan panyabab karusakan sel atau jaringan, mambarasiahan sel mati jo jaringan nan rusak, sarato mampelokinyo. Panyabab karusakannyo bisa dari trauma mekanis, bahan kimia, bahkan invasi asiang sarupo bakteri, virus, jo cindawan. Talapeh dari apo pun panyabab karusakannyo, respon paradangan sacaro umum samo.

Radang marupokan ciek dari respon utamo sistem kakebalan pado infeksi jo iritasi. Radang dipicu dek faktor kimia (histamin, bradikinin, serotonin, leukotrien, dan prostaglandin) nan dilapeh dek sel nan baparan sabagai mediator radang di dalam sistem kakebalan untuak malinduangi jaringan sakitar dari panyebaran infeksi.