Pantai Jati
Pantai Jati marupoan tampek wisata bahari nan talatak di Dusun Jati, Desa Tuapejat, Sipora Utaro, Kapulauan Mentawai.[1] Pantai nan bajarak 700 meter dari dermaga Tuapejat ko diapik dek sajumlah pulau di mukonyo, yaitu Pulau Awera, Pulau Simakakang jo Pulau Siburu (Pulau Panjang). Pantai Jati punyo kakayaan bawah lauik nan bisa dicaliak jo olahraga snorkeling atau diving.[2][3]
Pariwisata
[suntiang | suntiang sumber]Surfing
[suntiang | suntiang sumber]Pantai Jati punyo spot untuak kagiatan surfing, tapi spot ko indak satiok wakatu bisa digunoan dek pasalancar. Spot surfing ko baru ado katiko aia pasang jo manjalang bulan purnama. Kategori spot surfing ko untuak pasalancar pamulo dek karano ombaknyo nan ketek, ombak gadang hanyo ado di wakatau tatantu.[4]
Snorkling & Diving
[suntiang | suntiang sumber]Tampek panyelaman nan ado di pantai ko talatak di tigo titiak nan bakatogori pamulo jo tingkek lanjuik. Tingkek pamulo barado di kadalaman 3 sampai 10 meter. Kondisi parairan harus tanang jo dasa parairan landai sarato bakasiak. Untuak duo titiak panyalaman kategori lanjuik, tadapek panorama bawah lauik jo tarumbu karang sarato jinih ikan dan baragam.[4][5]
Taman Kima
[suntiang | suntiang sumber]Taman kima marupoan kawasan di sakitar pantai Jati nan ditetapan sabagai kawasan palinduangan biota kima (Tridacna, Sp). Jinih kima nan ado di taman ko mulai dari kima nan ketek, sampai jinih kima nan gadang. Taman nan luehnyo 1 ha ko dikalola dek UPT Kementrian Kelautan dan Perikanan RI (BPSPL). Pado kadalman 10 sampai 15 meter, tadapek kumpulan tarumbu karang nan bajinih tarumbu karang kipeh (gorgonian). [4]
Panginapan
[suntiang | suntiang sumber]Di sakitar pantai tadapek panginapan jo kafe nan dapek digunoan dek wisatawan nan bakunjuang. Panginapan nan ado yaitu AG’GAU Surfcamp, Wisma bintang, Wisma ANR Cotek Rahmad, Panginapan Jelita jo sajumlah panginapan jo kafe nan masih dalam proses pambangunan.[4]
Caliak pulo
[suntiang | suntiang sumber]Rujukan
[suntiang | suntiang sumber]- Daftar Pustaka
- Suparno (2017). "Potensi Wisata Bahari Pantai Jati Desa Tuapejat Kabupaten Kepulauan Mentawai". Universitas Bung Hatta.[pranala nonaktif permanen]
- "Senja Pantai Jati Tuapejat, Mentawai". Padang Ekspress. 2018. Diarsipkan dari versi asli tanggal 2020-01-01. Diakses tanggal 1 Januari 2020.
- Ayu (2019). "Yuk Intip Eksotisnya Pesona Pulau Mentawai". Direktorat Jenderal Kekayaan Negara. Diakses tanggal 1 Januari 2020.
- Primadoni (2018). "Pantai Jati, Tempat Relaksasi di Tuapejat". Covesia. Diarsipkan dari versi asli tanggal 2020-01-01. Diakses tanggal 1 Januari 2020.
- Kusumayanti (2018). "Menikmati Indahnya Pantai-pantai di Mentawai". Detik Travel. Diakses tanggal 1 Januari 2020.