Panorama Kayu kolek

Panorama Kayu Kolek marupokan kawasan wisata nan talatak di selatan Kabupaten Limo Puluah Kota, tapeknyo di jorong Sikabu-kabu, Tanjuang Haro Padang Panjang. Panoramako didirian dek Pamarintah Nagari nan pengelolaannyo diagiahkan kapado Pamudo satampek Nagari Sikabu-kabu. Untuak biaya masuak Pangunjuang cukuik mambayia saikhlasnyo. Panoramako kiro-kiro bajarak 12 KM dari pusek kota Payokumbuah, nan tapek barado di Kaki Gunuang Sago yang alah bisa ditampuah jo kendaraan roda duo ataupun roda ampek. Akses jalan Kabupaten alah sudah baaspal hotmix samo beton sampai ka puncak. Jiko pangunjuang barasal dari Padang, taruih se manuju Padang Panjang, kamudian Bukik Tinggi. Dari Bukik Tinggi luruih se sampai Payokumbuah. Dari pusek kota Payokumbuah belok kanan tu luruih se ka arah Halaban.Beko sarobok jo pertigoan gapura SMA 2 Payokumbuah ,belok kanan, tu luruih se mananjak kurang lbiah 7 KM perjalanan. Sabalum 1 KM dari puncak, pangungjuang dimanjoan dek rancaknyo sawah nan bajanjang jo hamparan bukik ketek. Bunyi gamariciak sawah mangalir dari arah sawah mambuek perjalanan samakin manyanangkan. Tulisan Panorama Kayu Kolek Baukuran gadang langsuang manyambuik kedatangan pangunjuang di puncak. Tulisan ko manjadi Salah satu Tampek nan paliang penting nan dijadian pangunjuang untuak bapoto. Disiko pangunjuang bisa mancaliak babagai rancaknyo pamandangan yang tapampang di Payokumbuah. Untuak palapeh panek jo paruik lapa, tantunyo disiko ado pulo aneka ragam kuliner nan salah satunyo Itiak lado ijau nan tantunyo lamak bana. Salain itu ado juo nan manjua bakso bakar, nasi goreng atapun makanan nan lainnyo. Harago pun mulai dari Rp.10.000. Tampek wisata nan ciek ko memang manjadi alternative menarik untuak barakhia pakan. Manjauah dari sagalo hiruak pikuak kota untuak manikmati rancaknyo alam yang alah disadioan dek nan Maha Kuaso.

"Destinasi Wisata Panorama Kayu Kolek". Diarsipkan dari versi asli tanggal 2019-12-09.