Panguek

Wikipedia Minangkabau - Lubuak aka tapian ilimu
Loncat ke navigasi Loncat ke pencarian

Panguek (bahaso Inggrih: Amplifier) adolah rangkaian komponen elektronika nan dipakai untuak manguekkan dayo (atau tanago sacaro umum). Dalam bidang audio, amplifier akan manguekkan signal suaro babantuak analog dari asa suaro iyolah mampakuek signal/gain aruih (I) jo tagangan (V) listrik babantuak sinyal AC dari inpuiknyo manjadi aruih listrik AC jo tagangan nan labiah gadang, juo dayonyo akan manjadi labiah gadang di bagian outputnyo. Gadangnyo panguekan iko acok dikana jo istilah gain. Nilai dari gain nan dinyatokan sabagai fungsi panguek frekuensi audio, gain power amplifier antaro 20 kali sampai 100 kali dari signal input.

Jadi gain marupokan hasil bagi dari dayo di bagian output (Pout) jo dayo di bagian inputnyo (Pin) dalam bantuak bantuak frekuensi listrik AC. Ukuran dari gain (G) iko satuannyo adolah decibel (dB). Dalam bantuak rumuih dinyatokan sabagai barikuik:

G(dB)=10log(Pout/Pin)).

Pout adolah Power atau dayo pado bagian output, dan Pin adolah dayo pado bagian inputnyo.

Sabalum dayonya dikuekkan pado Power Amplifier ado bagian pangatua suaro atau disabuik tone kontrol iyolah biasonyo tadiri dari Volume, Bass, Trible, balance, loudness. Dalam bagian rangkaian Power Amplifier pado proses panguaikan audio iko tabagi manjadi duo kalompok bagian pantiang yoitu bagian panguek signal tagangan (V) disabuik driver kabanyakan manggunokan susunan transistor darlington, dan bagian panguek aruih atau panguek dayo susunannyo transistor paralel, masiang-masiang transisistor badayo gadang jo manggunokan sirip pandingin untuak mambuang paneh ka udaro, kini ko banyak nan manggunokan transistor simetris komplementer.