Pangkalan Jambi, Bukit Batu, Bengkalis
| Pangkalan Jambi | |
|---|---|
| Nagara |  Indonesia |
| Provinsi | Riau |
| Kabupaten | Bengkalis |
| Kecamatan | Bukit Batu |
| Laweh | - km² |
| Panduduak | - jiwa |
| Kapadatan | - jiwa/km² |
Pangkalan Jambi adolah namo salah satu desa nan talatak di Kecamatan Bukit Batu, Kabupaten Bengkalis, Provinsi Riau, Indonesia. Desa nan mampunyoi 3 dusun iko, marupoan desa nan babateh langsuang jo desa dari Kabupaten Siak iyolah Lebuk Mudo di daerah Kuala, desa iko marupoan desa paliang ujuang nan tadapek di Bukit Batu.[1]
Pendidikan[suntiang | suntiang sumber]
Pandidikan Masyarakaik Pangkalan Jambi marupoan masyarakaik nan manjunjuang tinggi nilai edukasi. Di Pangkalan Jambi tadapek TK, SD no 12 pangkalan Jambi jo SMKN 1 Bukit Batu nan punyo jurusan Nautika, SMK iko juo marupoan satu satunyo SMK di bidang nautika di provinsi Riau, salain jurusan nan bahubuangan jo pakapalan tadapek juo jurusan teknik komputer jaringan, guno manunjang kamajuan teknologi.
Ekonomi[suntiang | suntiang sumber]
Panunjang ekonomi masyarakaik Pangkalan Jambi barasa dari mato pancaharian masyarakaiknyo, sabagian masyarakaik Pangkalan Jambi baadok di bidang patanian karet jo sawit, babarapo persennyo lai marupoan wirausaha, PNS, jo nalayan
Sijarah[suntiang | suntiang sumber]
Dari babarapo rujuakan nan di dapek, asa-usua namo Pangkalan Jambi tasabuik tu alum dapek di pastian, akan tatapi basumber dari "folklor" rakyaik Pangkalan Jambi jo carito satampek namo Pangkalan Jambi barasa dari sub kato Jambi nan mangarah kapdo suatu daerah atau provinsi yaitunyo Jambi, dan perspektif Pangkalan mengarah ka daerah partahanan parang, dari asa sub duo kato tasabuik dapek diambiak kasimpulan bahwasanyo dahulu pado zaman paparangan taadapek urang-urang Jambi nan datang ka daerah tasebuik mambuek pangkalan kamudian bamukim sahinggo dinamoan Pangkalan Jambi.
Wisata[suntiang | suntiang sumber]
Di Pangkalan Jambi tadapek sabuah pantai nan cukuik rancak, dan di patangahan 2018 Pangkalan Jambi mandapekan dukuangan dari Pertamina guno mambangun sumber daya pariwisatanyo jo caro mamparancak tampek wisata di Pangkalan Jambi
Budaya[suntiang | suntiang sumber]
Pangkalan Jambi mampunyoi budayo masyarakaik nan masih kental jo adaik istiadaik sarato jo gotong royong. Budaya nan paliang manonjol di Pangkalan Jambi biasonyo dapek diiek katiko hari hari gadang baiak nasional maupun agama, Pangkalan Jambi juo turuik sarato dalam festival lampu colok dan acok mamanangkan juara 1, dari hal iko dapek di liek bahwa segi kreatifitas masyarakaiknyo sangek laweh.
Rujuakan[suntiang | suntiang sumber]
- ↑ "Pangkalan Jambi". Kecamatan Bukit Batu Kabupaten Bengkalis. Diarsipkan dari versi asli tanggal 2019-04-29.