Pangguno:Onyaso/Tiga
Sate lokan
[suntiang | suntiang sumber]
Gulai sukun adolah hidangan tradisional babahan lokan nan dikenal di masyarakaik Minangkabau, khususnyo nan tinggal di kawasan pasisia. Lokan marujuak ka karang, utamonyo jinih karang hijau atau dalam bahaso Latin banamo Perna viridis L. Sabalun diolah, daging lokan iko punyo rono kuning pucek. Namun, katiko dimasak atau diangekan, rono dagiang akan berubah manjadi oranye kamerahan.[1]
Takah sate pado umumnyo di Minangkabau, caro mambuek sate iko dimulai dari maabuih dagiang (dalam hal iko lokan) lalu diagiah bumbu. Bumbunyo barupo lado merah, bawang putih, bawang merah, ketumbar, merica, jintan, jahe, kunyik, sereh, jo langkuek nan alah ditumbuak haluih. Sasudah masak, daging lokan ditusuak jo bambu dan dibakar hinggo rononyo manjadi kacokelatan.
Sate nan alah masak disajian dalam piriang baaleh daun pisang jo siraman kuah. Kuahnyo dibuek dari bumbu bekas maabuih lokan nan dicampua jo tapuang bareh sekaligus bumbu jo rempah lainnyo nan alah dilaruikan. S
Rujuakan
[suntiang | suntiang sumber]Sup dagiang
[suntiang | suntiang sumber]Sup dagiang adolah hidangan tradisional dalam bantuak sup nan dikenal di masyarakaik Minangkabau. Sasuai jo namonyo, bahan utamo sup iko adolah dagiang, tarutamo dagiang sapi. Kuah sup tabuek dari kaldu nan dibuek jo caro manjariangan dagiang, lalu diagiah bumbu jo bahan lainnyo untuak manambah cita raso. Bahan lainnyo dapek barupo sayua, kantang, jo kacang-kacangan nan diabuaih sampai mambantuak sari.[1]
Caro mambuek sup dagiang dimulai dari maabuah dagiang nan alah dibarasiahan jo aia. Buang busanyo supayo kuahnyo barasiah. Bumbu-bumbu sup ditumih jo daun salam, daun jeruk, jahe, langkueh sampai harum. Sudah itu, masuakan tumisan bumbu haluih ka dalam rebusan dagiang basamo jo kayu manih, kapulaga, bungo lawang, cengkeh, jo bahan tambahan. Aduak rato hingga mandidiah. Salanjuiknyo, masukana daun bawang, seledri, merica, garam, jo panyedap sacukuiknyo.
Sasudah sadonyo matang, agiah bawang goreang.
Rujuakan
[suntiang | suntiang sumber]Randang maco
[suntiang | suntiang sumber]Randang maco adolah hidangan tradisional babahan maco nan dibuek jo caro marandang. Sasuai namonyo, bahan utamo nan digunoan adolah maco, sajinih ikan asin. Randang iko punyo raso gurih. Randang maco dikenal di masyarakaik Kabupaten Limo Puluah Kota.[1]
Bahan maco digunoan untuak randang dek alasan ekonomis. Bagi masyarakaik manangah ka bawah, randang jo bahan dagiang marupoan hidangan nan maha. Untuak dapek manikmati masakan rendang tapi jo harago nan tajangkau, mako digunoanlah maco sabagai pangganti dagiang.
Dalam marandang maco, maco baru dimasuakan sasudah bumbu rendang kental jo pakek. Kok maco dimasuakan basamo jo bumbu-bumbu randang pado awal proses masak, maco akan caia. Kok lah caia, bantuak maco akan sulik dibedoan jo langkueh atau cengkeh.[2]