Pangguno:Liaovita

Dari Wikipedia baso Minang, ensiklopedia bebas
Loncat ke navigasi Loncat ke pencarian

Ayam Kurma

Sumatera Barat takenal bana jo aneka makanannyo nan banyak disukoi oleh para pacinto kuliner di saluruah Indonesia bahkan sampai ka panjuru dunia. Makanan khas dari Sumatera Barat cukuik baragam, mulai dari randang, dendeng balado, dan masih banyak yang lain. Makanan khas dari Sumatera Barat salalu sajo manjadi favorit para panikmat kuliner. Bumbu jo rempah-rempah yang digunoan dalam masakan khas ranah Minang sabana baragam.

Salain randang jo dedeng balado masih banyak lai makanan Sumatera Barat nan lamak dan banyak disukoi. Salah satunyo adolah gulaiayam kurma. Walau indak sapopuler randang jo dendeng gulai ayam kurma tetap sajo mampunyoi kaistimewaan dan cukuik banyak pulo disukoi dek para pacinto kuliner. Gulai ayam kurma marupokan papaduan antaro cito raso Jazirah Arab atau India jo Minang. Gulai ayam kurma babedo jo masakan khas Minang pado umumnyo, nan mambedakannyo adolah pado masakan Minang lainnyo biasonyo mampunyoi cito raso nan padeh, sadangkan pado gulai ayam kurma rempah jo bumbu nan digunokan mambarikan sensasi raso nan babeda.[1]

Gulai ayam kurma acok pulo disantap pado bulan puaso, hal itu dikaranokan papaduan antaro raso gulai nan lamak jo makanan nan manih sarupo kurma manjadi daya tarik surang bagi masakan iko. Masakan iko manyajikan papaduan gulai jo kurma nan mamiliki raso manih sahingga katiko mamakannyo akan marasokan sansasi yang babeda, yaitu labiah kayo akan cita raso. Masakan iko cocok pulo untuak para pacinto kuliner nan indak talampau sumo padeh.

Caro mamasak ayam kurma cukuik mudah, indak mamaralukan waktu nan lamo sarupo mamasak randang. Kurang labiah waktu sa jam alah cukuik untuak mamasak ayam kurma. Bahan-bahannan digunoan untuak mamasak gulai ayam kurma indak talampau payah dicari. Bahan-bahan nan digunoan untuak mambuek ayam kurma diantaronyo adolah, sa ikua ayam, 800 ml santan, 1 lembar daun kunyik, 1 batang sarai (memarkan), 2 lembar daun salam, 5 lembar daun limau, 2 kapiang asam kandih. Bumbu halui nan digunoan adolah 8 siung bawang merah, 5 siung bawang putih, 1 rueh jari jahe, 1 rueh jari langkueh, 1 sdt katumba, 1 sdt marica putiah, ½ sdt jintan, garam sacukuiknyo, 5 butia kapulaga, 4 butir cengkeh, 3 cm kayu manih. Itulah bahan-bahan mulai dari bumbu sarato rempah-rempah nan digunoan untuak mambuek gulai ayam kurma.

Supayo para pacinto kuliner tarutamo nan ingin mancubo mambuek masakan ayam gulai kurma labiah paham manganoi caro pambuekan gulai ayam kurma iko, langsuang sajo simak caro-caro mamasak ayam kurma barikuik ko:

Partamo nan harus dilakuan adolah mancuci ayam sampai barasiah, sisiahkan,salanjuiknyo angekan minyak goring. Tumis bumbu haluih daun-daun jo rempah-rempah sampai harum. Kamudian masuak an ayam, kacau sampai ayam babalur jo bumbu. Tutuik sabanta sampai ayam barubah warna. Sasudah itu tuang santan, aduak-aduak sampai mandidiah supayo santan indak pacah. Masak sampai ayam lunak, santan manyusuik jo mangental. Masuakan asam kandih. Kamudian matian kompor dan gulai ayam kurma siap dihidangan.

Rujuakan[suntiang | suntiang sumber]

Wikimedia-logo-id.svgPangguno iko adolah paserta Wiki Masuk Kampus  di Universitas Andalas Padang kelas Filologi A.
  1. Purwanto, Endy. "Ayam Kurma, Sajian Kuliner Padang Saat Ramadhan". cookpad.com. http://ayooberita.com. Diakses pado 11 September 2018.