Pangguno:Bundoku

Padang. - Tim panilai sakolah sehaik kota Padang hari ko ka tibo mengunjungi sakolah-sakolah nan alah manang di lomba sakolah sehaik tingkek kacamatan, Senin (7/10).

"SMP 20 alah manang lomba sakolah sehaik di tingkek kacamatan, dari anam sakolah nan adoh di kacamatan Padang Selatan ko, kini manjadi utusan untuak tingkek kota Padang. Hari ko ka dinilai jo tim panilai dari kota Padang", kato ibuk Nitsyam Geni, kapalo sakolah.

Coitu pulo bapak Razali, pangawas sarato pambina sakolah dari Dinas Pendidikan mangatokan, "Persiapan alah dikarajokan samanjak lamo, untuak paningkatan dari taun ka taun. Ambo selaku pengawas jo pambina disiko, menindaklanjutkan dalam rangko paningkatan sakolah ko".

"Dalam sekolah sehaik ko nan tarutamo yaitu sakolah nan barasiah, indak ado rokok ataupun asok rokok di sakolah. Anti rokok ko sangat utamo juo, sarato indak adoh taganang aie dihalaman sakolah jo dalam lingkungan sakolah, sahinggo siswa-siswa bisa maraso nyaman baraja", kato ibu kapalo sakolah manambahkan keterangannyo.

Panilaian nan hari ko karano hasil panilaian dari tingkek kacamatan sabalunnyo. Kapalo sakolah SMP negri 20 Padang sarato warga sakolah sangat baharok supayo sakolah ko manjadi wakil hinggo ka tingkek provinsi isuak, si taun kini.

Dalam rancangan kapalo sakolah jo pengawas sarato alumni, ka diagiah pulo tampek untuak ruangan kerja atau posko alumni nan ka dilatakkan di dalam halaman sakolah. Sahinggo rancana-rancana karajo atau kagiatan sakolah nan dibantu dek alumni, bisa capek ditangani oleh alumni (Ikatan Keluarga Besar Alumni/IKBA SMPN 20 Padang), karano adonyo posko alumni di sakolah.

Samantaro, dari urang nan ditunjuak IKBA untuak mawakili tadi, koordinator humas, mangatokan, "alumni siap mandukuang satiok kagiatan nan adoh, satiok siswa nan tamat dari sakolah di siko, langsuang pulo bagabuang jo keluarga alumni nan alah adoh iko". Kato Bp Suhendra tageh.