Pangguno:Ardzun/bak kasiak/Rancangan2

Taman Margasatwa jo Budaya Kinantan atau labiah tanamo sabagai Kabun Binatang Bukiktinggi adolah salah satu kabun binatang di Pulau Sumatra, nan talatak di ateh Bukik Cubadak Bungkuak, Bukiktinggi, Sumatera Barat, Indonesia.

Taman Margasatwa jo Budayo Kinantan ko marupokan salah satu kabun binatang paliang tuo di Indonesia dan satu-satunyo di Sumatera Barat, jo koleksi binatang paliang langkok di Sumatera.^[1]

Sijarah[suntiang | suntiang sumber]

Kabun binatang ko dibangun dek pamarintahan Hindia Balando pado taun 1990-an. Pado maso tu masih babantuak parak bungo nan indak ado koleksi binatangnyo dan banamo Strompak (parak bungo). Lokasinyo talatak di Bukik Malambuang. Strom adolah namo dari parancang taman ko, yaitu Storm Gravenande nan sangkek tu manjabaik sabagai Asisten Residen Agam.^[2]^[3]

Pado 3 Juli 1929, Strompark dijadikan kabun binatang jo namo Fort De Kocksche Dieren Park atau Kabun Binatang Bukiktinggi dek Dr. J. Hock.^[4]^[5]

Pado taun 1935, area kabun binatang dibangun rumah gadang nan banamo Rumah Adat Baanjuang. Rumah gadang ko mampunyoi sambilan ruang jo anjuang di sisi suok jo kida.

Kudian, namo kabun binatang ko diganti manjadi Tamn Puti Bungsu. Baru pado 1995 malalui Peraturan Daerah No. 2 Tahun 1995, nama Taman Puti Bungsu diganti manjadi Taman Margasatwa dan Budaya Kinantan.^[5]

Objek wisata[suntiang | suntiang sumber]

Taman Margasatwa jo Budayo Kinantan taubuang jo objek wisata Benteng Fort de Kock malalui Jambatan Limpapeh. Lataknyo nan di tangah kota mambueknyo dapek mudah dikunjuangi palancong nan sadang maraun ka Bukiktinggi.