Pamrogram

Pamrogram atau disabuik juo ahli panataolahan adolah profesi nan manulih program parangkek lunak manggunoan bahaso pamrograman seperti Perl, C++, C#, JavaScript, Python, VB, Visual Basic .NET, PHP, dan lain-lain. Bidang karajo pamrogram nan biaso dibutuahkan iyolah pangambang parangkek lunak dan pangambang web.

Bahaso pamrograman

Komputer iyolah masin nan dapek malaksanakan saperangkek parintah dasar (instruction set). Komputer hanyo dapek diagiah parintah nan tadiri dari parintah-parintah dasar tasabuik. Parintah-parintah nan labiah rumik (misalnyo maurutkan suatu daftar sasuai abjad) haruih ditarjamahkan manjadi sarangkaian parintah-parintah dasar nan dapek dimangaroti dek komputer (parintah-parintah nan tamasuak dalam instruction set komputer tasabuik) nan pado akhianyo dapek manyalasaikan tugas nan diinginkan, dek tu ado nann dijalankan jo babarapo operasi dasar, bukan ciek operasi rumit.

Bahaso pamrograman iyolah bahaso nan dapek ditarjomahkan manjadi kumpulan parintah-parintah dasar tasabuik. Panarjomahan dilakuan dek program komputer nan disabuik kompilator (compiler). Satiok bahaso pamrograman punyo kompilatornyo surang tamasuak bahaso masin. Contohnyo, kompilator C++ indak akan mangaroti program nan ditulih jo bahaso Java. Sintaks dari bahaso pamrograman labiah mudah dipahami dek manusia daripado sintaks parintah dasar. Dek tu tontu sajo komputer hanyo dapek malaksanakan parintah dasar itu. Mako di siko poran pantiang kompilator sabagai parantaro antaro bahaso pamrograman jo parintah dasar.

Kagiatan mambuek program komputer jo manggunoan bahaso pamrograman disabuik pamrograman komputer. Contoh bahaso pamrogaman iyolah bahaso FORTRAN, COBOL, BASIC, JAVA, dan C++.