Pamindahan ibu kota Indonesia (2019–kini)
Upayo pamindahan ibu kota Indonesia dimulai pado taun 2019 dalam maso kapresidenan Joko Widodo. Malalui rapek tabateh pamarintah pado tanggal 29 April 2019, Joko Widodo mamutuihan untuak mamindahan ibu kota nagara ka lua Pulau Jao.[1] Pamindahan ibu kota ko tatuang dalam Rencana Pembangunan Jangka Menengah Nasional 2020-2024.[2] Pado 26 Agustus 2019, Presiden Joko Widodo maumuman baso ibu kota baru ka dibangun di wilayah administratif Kabupaten Penajam Paser Utara jo Kabupaten Kutai Kartanegara, Kalimantan Timur.[3]
Lata balakang
[suntiang | suntiang sumber]Usulan pamindahan ibu kota Indonesia dari Jakarta ka lokasi lainnyo alah dirundiangan sajak maso kapresidenan Soekarno inggo Susilo Bambang Yudhoyono. Presiden Yudhoyono mandukuang ide untuak mambuek pusek politik jo administrasi Indonesia nan baru, dek masalah lingkungan jo overpopulasi Jakarta.[4][5]
Alasan lokasi baru
[suntiang | suntiang sumber]Manuruik Presiden Joko Widodo, alasan wilayah di Penajam Paser Utara jo Kutai Tertanegara dijadian lokasi ibu kota baru adolah kaciaknyo risiko bancano alam di wilayah itu, lokasi nan "ado di tangah-tangah Indonesia", lokasi di dakek kota Balikpapan jo Samarinda nan alah bakambang, "infrastruktur nan relatif langkok", jo adonyo 180 hektare tanah nan alah dikuasoi pamarintah.[6]
Rencana pamarintah
[suntiang | suntiang sumber]Dalam pangumuman 26 Agustus 2019, Joko Widodo manyabuikan pamarintah ka basagiro marancang undang-undang untuak pamindahan ibu kota untuak disatujui Dewan Perwakilan Rakyat. Pambangunan ka dimulai pado 2020, dan pamindahan ka dilakukan batahap dimulai dari 2024.[6]
Tanggapan
[suntiang | suntiang sumber]Sekjen Partai Persatuan Pembangunan Arsul Sani sarato dosen Universitas Trisakti Yayat Supriatna manyabuikan paralunyo disahkan undang-undang supayo kaputusan pamarintahan Joko Widodo manjadi maikek dan indak diubah dek presiden salanjuiknyo. Kini, posisi Jakarta sabagai ibu kota didasarkan pado UU 29/2007 tantang Pamarintah Provinsi Daerah Khusus Ibu kota Jakarta.[6]
Sultan Adji Muhammad Arifin, pucuak pimpinan Kasultanan Kutai Kartanegara ing Martadipura, maraso patuik basyukur dek asonyo pamindahan ibu kota nagara ka tampek nan daulunyo wilayah Karajaan Kutai, karajaan nan punyo bukti sijarah paliang tuo di Indonésia.[7]
Rujuakan
[suntiang | suntiang sumber]- ↑ https://nasional.kompas.com/read/2019/04/29/15384561/kepala-bappenas-presiden-setuju-ibu-kota-negara-dipindah-ke-luar-jawa
- ↑ https://money.kompas.com/read/2019/05/09/184859926/kepala-bappenas-pemindahan-ibu-kota-masuk-rpjmn-2020-2024
- ↑ Kusuma, Hendra (26 August 2019). "Resmi! Jokowi Putuskan Ibu Kota RI Pindah ke Kaltim". detikfinance (dalam bahasa Indonesia). Diakses tanggal 26 August 2019.
- ↑ Center, PT. Indonesia News. "Read Inilah.com - Telinga, Mata, dan Hati Rakyat - Berita Terkini". inilahcom. Diakses tanggal 16 Desember 2017.
- ↑ SBY: Mari Lanjutkan Ide Membangun Ibu kota Baru - news.okezone.com
- ↑ a b c Yulaika Ramadhani (26 Agustus 2019). "Alasan Jokowi Pilih Penajam-Kutai Jadi Ibu Kota Baru, Ganti Jakarta". Tirto.
- ↑ https://www.tribunnews.com/nasional/2019/08/30/wawancara-eksklusif-sultan-kutai-adji-muhammad-wajar-ibu-kota-pindah-ke-wilayah-kerajaan-tertua
 |
Iko nan bakaik jo Indonesia baru rancangan. Bantulah Wikipedia untuak mangambangannyo. |