Pambarasiahan moral 1938–1939

Wikipedia Minangkabau - Lubuak aka tapian ilimu

Pambarasiahan moral 1938–1939 (bahasa Balando: zedenschoonmaak) adolah operasi gadang-gadangan dek kapolisian kolonial nan batujuan untuak manangkok urang-urang homoseksual pado Desember 1938 hinggo Mei 1939 di wilayah Hindia Balando (kini Indonesia). Operasi iko disalanggaroan di sajumlah kota, di antaranyo Batavia, Surabaya, Semarang, Bandung, Cirebon, Cianjur, Salatiga, Magelang, Yogyakarta, Malang, Pamekasan, Medan, Padang, jo Makasar. Sabanyak labiah dari duo ratuih pria ditangkok, tamasuak di dalamnyo pejabat tinggi, ateh tuduhan bahubungan seksual sasamo jinih jo anak di bawah umur. Dari 223 pria nan ditahan, 171 di antaranyo dinyatoan basalah dan dipenjaro salamo duo bulan hinggo duo tahun. Kabanyakan dari mereka adolah urang Eropa.[1][2]

Meskipun baitu, homoseksualitas bukanlah tindakan kriminal baik di Hindia Balando maupun Balando. Hukum nan malandasi operasi pambarantasan homoseksual iko dianggap kurang tapek. Polisi manangkok para homoseks ateh tuduhan pedofilia nan diatur dalam Pasal 292 Wetboek van Strafrecht (Kitab Undang-Undang Pidana Hindia Balando) nan managah hubungan seksual jo anak di bawah umur 21 tahun. Dek berbekal paraturan nan tu, polisi dikerahkan untuak manarget para lelaki homoseks nan sabalunnyo indak parnah diparmasalahan di Hindia Balando. Parsoalan moral sabalun 1938 labiah manakanan pado pamberantasan praktik prostitusi jo pardagangan padusi jo anak.[1]

Hindia Balando mamungkinkan tasalenggaronyo kampanye moral puritan iko dek para elite politiknya punyo kawenangan nan labiah leluasa tanpa adonya kritik baarti, dibandiangan jo negeri Balando surang nan mungkin akan taalang jo hak asasi kalompok borjuis nan sadang tumbuh.[1]

Polisi susila di daerah-daerah dibantuak pulo untuak mambantu tugas kepolisian kolonial.[1] Pejabat manangah jo tinggi kapolisian adoah nan mamprakarsai hal iko jo alasan bahasonyo kasusilaan umum adolah ciri masyarakat modern.[3]

Catatan kaki[suntiang | suntiang sumber]

  1. a b c d "Razia Homoseksual Zaman Kolonial". Historia - Majalah Sejarah Populer Pertama di Indonesia (dalam bahasa Inggris). Diakses tanggal 2019-08-31. 
  2. "Memberangus Seksualitas". Historia - Majalah Sejarah Populer Pertama di Indonesia (dalam bahasa Inggris). Diakses tanggal 2019-08-31. 
  3. "Jala Polisi Susila". Historia - Majalah Sejarah Populer Pertama di Indonesia (dalam bahasa Inggris). Diakses tanggal 2019-08-31.