Pambalajaran babasis proyek

Wikipedia Minangkabau - Lubuak aka tapian ilimu
Kagiatan nan dilakuan pado pambalajaran babasis proyek

Pambalajaran babasis proyek, (bahaso indonesia: Pembelajaran berbasis proyek), (Bahaso inggirih:Project Based-Learning/PBL), adolah metode pambalajaran nan manggunoan proyek/kagiatan sabagai media.[1] Paserta didik malakuan eksplorasi, panilaian, interpretasi, sintesis, jo informasi untuak manghasikan babagai bantuak hasia balajar.[2]

Pambalajaran babasis proyek marupon strategi tatantu dalam pambalajaran nan mangubah atau mambaliakan wajah kelas tradisional. Mukasuiknyo malalui pambalajaran iko, pambalajaran di kelas nan umumnyo manggunoan pambalajaran konvensional manjadi labiah inovatif.[3] Dalam pambalajaran babasis proyek, paserta didiak malakuan investigasi (panyalidikan) malalui partanyaan tabukak, manarapkan pangatahuan untuak manghasiaan produk. Salain itu, dalam pambalajaran iko “disetting” bia paserta didiak nan labih aktif dalam pambalajaran dapek bakarajo samo dala kalompoknyo.[4]

Pambalajaran babasis proyek marupoan salah satu model pambalajaran inovatif nan babasis pado paserta didik (student centered) dan dapek dipiliah sarato digunoan dek guru sabagai salah satu alternatif pambalajaran nan akan maagia “warna” baru dalam pambalajaran nan mano pado umumnyo condong ka konvensional.[4]

Fokus pambalajaran babasis proyek batujuan supayo paserta didiak dalam pambalajaran dapek mangambangkan pangatahuan sarato jo katarampilannyo malalui proses panyalidikan nan tastruktur dan manghasiakan produk nan tantunyo babeda jo pambalajaran tradisional nan umumnyo sakadar mandapek teori-teori nan dihafal sajo. Dengan pambalajaran babasis proyek, paserta didik dapek pangatahuan jo katarampilan nan bamakna sacaro jangko panjang.[5]

Konsep Dasa[suntiang | suntiang sumber]

Pambalajaran babasis proyek didukuang dek teori baraja konstruktivisme. Dalam pandangan konstruktivisme manuruik Piaget nan alah dijalehannyo bahwasanyo pangatahuan tumbuah sarato jo bakambang malalui pangalaman. Inti dari pambalajaran kontstruktivisme maningkekan pangatahuan dalam ranah akademik, sosial jo personal sacaro basamoan.[6]

Sacaro konsepsi, pambalajaran babasis proyek adolah model pambalajaran nan manggunoan proyek/kagiatan sabagai inti jo media pambalajaran. Paserta didik malakuan eksplorasi, panilaian, interpretasi, jo sintesis tahadok pamasalahan nan diajuan sarato manghasiakan informasi malalui aktifitas-aktifitas jo bantuak nyato sabagai bantuak hasia barajal.[7]

Pambalajaran babasis proyek awalnyo dikenalkan dek John Dewey, mamungkinkan psserta didik mslakuan babagai piliahan dalam proses pambalajaran. Paserta didik bakarajo samo dalam babagai tugas nan babeda nan bakaitan jo proyek. Karano pambalajaran babasis proyek bamakna, tapadu, jo aktif, mako guru manamuan labiah banyak kasampatan manantang paserta didik pado tingkek kamampuan mereka surang diri. Paserta didik manjadi bapangalaman dalam malakuan pakarajoan proyek, dan manantang diri mereka surang antaro satu jo nan lainnyo untuak mangajuan labiah banyak patanyaan, manamuan labiah banyak sumber pambalajaran, sarato mambuek proyek nan labiah informatif.[8]

Paserta didik baraja jo talibat dalam proyek-proyek dunia nyata dan satiok aspek parubahan pangalaman mereka. Pambalajaran model iko dapek pulo manyababkan pageseran peran guru indak lai sabagai ahli manyampaikan konten, atau hanyo mambagian informasi dalam potongan nan ketek. Panarapan model pambalajaran iko dapek manjadian suasana pambalajaran di kelas manjadi labiah “hidup” sarato manyanangkan sahinggo paserta didik labiah basamangaik dalam baraja dan labiah peka tahadok lingkungan dikaranoan mereka labiah aktif dalam baraja, manghadapi kondisi riil dalam kahidupan sarato manghasiakan produk/karya nan indak sabateh pado manghafa teori atau manarimo informasi sajo.[9]

Prinsip-prinsip[suntiang | suntiang sumber]

Pambalajaran babasis proyek mampunyoi babarapo prinsip. Manuruik Thomas, prinsip-prinsip tasabuik yaitunyo:[10][11]

  1. sentralistis (centrality)
  2. partanyaan pandorong/panuntun (driving question)
  3. investigasi konstruktif (constructive investigation),
  4. otonomi (autonomy),
  5. realistis (realism).

Dalam prinsip sentralistis manegaskan bahwasanyo karajo proyek adolah esensi dari kurikulum. Paserta didik baraja konsep utamo dari suatu pangatahuan malalui karajo proyek. Jadi karajo proyek indak artifisial atau tambahan jo aplikasi praktis malainkan marupoan sentral dari kagiatan pambalajaran di kelas.[10]

Prinsip patanyoan panuntun bararti bahwasanyo karajo proyek dimulai jo bafokus pado “patanyoan atau pamasalahan” nan mandorong paserta didik barusaho mamparoleh konsep atau prinsip-prinsip tatantu.[10]

Prinsip investigasi konstruktif marupoan proses nan mangarah kapado pancapaian tujuan, nan manganduang kagiatan inkuiri (panyalidikan), pambangunan konsep, pamacahan masalah, jo keputusan.[10]

Prinsip otonomi manganduang pangrtian, bahwasanyo tadapek kamandirian paserta didik dalam malaksanakan proses pambalajaran, bebas manantuan piliahannyo surang, bakarajo jo supervisi nan minimal, jo batangguang jawab.[10]

Prinsip realistis bararti bahwasnyo proyek nan dilakuan bahubuangan jo kahidupan nyato dan indak dibuek-buek. Paserta didik mambuek sabuah proyek nan nyato jo bafokus pado pamasalahan nan otentik, dan indak simulasi.[10]

Karakteristik[suntiang | suntiang sumber]

Pambalajaran babasis proyek mampunyoi karakteristik pambalajaran sabagai barikuik.[12]

  • Paserta didik mambuek kaputusan tantang karangko karajo;
  • Adaoyo pamasalahan atau tantangan nan diajuan kapado peaserta didik;
  • Paserta didik mandesain proses untuak manantuan solusi ateh pamasalahan atau tantangan nan diajuan;
  • Paserta didik sacaro kolaboratif batangguang jawab untuak mangakses jo mangalola informasi untuak mamacahkan pamasalahan;
  • Proses evaluasi dijalanan sacaro bakalanjutan;
  • Paserta didik sacaro bakala malakuan refleksi ateh aktivitas nan alah dijalankan;
  • Produk akhia paserta didik dalam mangarajaoan proyek dievaluasi sacaro kualitatif
  • Situasi pambalajaran sangaik toleran tahadok kasalahan jo parubahan.

Langkah-langkah[suntiang | suntiang sumber]

Langkah-langkah pambalajaran babasis proyek manuruik The George Lucas Educational Foundation adolah sabagai barikuik.[13][14]

a. Panantuan Patanyoan Mandasa (Start With the Essential Question).

Pambalajaran dimulai jo patanyoan esensial. Patanyoan nan dapek maagia panugasan kapado paserta didik dalam malakukan suatu aktivitas. Topik panugasan dikaikan jo dunia nyato nan relevan dan bamakno untuak paserta didik, dimulai jo sabuah investigasi mandalam.[14] Sabagai contoh, di sampiang sabuah SD di daerah, sadang dibangun gedung jo kantua sahinggo suaronyo mangganggu proses baraja-mangaja. Barangkek dari pamasalahan nan diangkek, dibuek patanyaan mandasa barupo, "Hal apo nan bisa kito lakuan untuak mangurangi bunyi bisiang di kelas kito?"[15]

b. Mandesain Parancanaan Proyek (Design a Plan for the Project)

Parancanaan dilakuan sacaro kolaboratif antaro guru jo paserta didik. Dengan demikian paserta didik diharokan akan maraso “mampunyoi” ateh proyek tasabuik. Parancanoan barisi tantang aturan main, pamiliahan aktivitas nan dapek mandukuang dalam manjawek patanyaan esensial, jo caro mangintegrasian babagai subjek nan mungkin, sarato mangatahui alaik jo bahan nan dapek diakses untuak mambantu panyalasaian proyek.[14]

c. Menyusun Jadwal (Create a Schedule)

Guru jo paserta didik sacaro kolaboratif manyusun jadwal aktivitas dalam manyalasaikan proyek. Aktivitas pado tahap iko antaro lain : (1) mambuek timeline (alokasi wakatu) untuak manyalasaikan proyek; (2) mambuek deadline (bateh wakatu akhia) panyalasaian proyek; (3) mambawo paserta didik guno marancanakan caro nan baru; (4) mambimbiang paserta didik katiko mereka mambuek caro nan indak bahubuangan jo proyek; (5) maminta paserta didik untuak mambuek panjalehan (alasan) tentang pamiliahan sabuah caro.[16]

d. Mamonitor paserta didik jo kamajuan proyek (Monitor the Students and the Progress of the Project)

Guru batangguangjawab untuak malakuan monitor tahadok aktivitas paserta didiak salamo manyalasaikan proyek. Monitoring dilakuan jo caro manfasilitasi paserta didik pado satiok proses. Dengan kato lain guru baparan manjadi mentor bagi aktivitas paserta didik. Guno mampamudah proses monitoring, dibuek sabuah rubrik nan dapek marekam kasaluruahan aktivitas nan paralu.[14]

e. Manguji Hasia (Assess the Outcome)

Panilaian dilakuan untuak mambantu guru dalam mangukua katarcapaian standar, baparan dalam mangevaluasi kamajuan masiang- masiang paserta didik, maagia umpan balik tantang tingkek pamahaman nan alah dicapai paserta didik, mambantu guru dalam manyusun strategi pambalajaran barikuiknyo.[14]

f. Mangevaluasi Pangalaman (Evaluate the Experience)

Pado akhia pambalajaran, guru jo paserta didik malakuan refleksi tahadok aktivitas jo hasia proyek nan alah dijalankan. Proses refleksi dilakuan baiak sacaro individu maupun bakalompok.[14]

Rujuakan[suntiang | suntiang sumber]

  1. ↑ Widyastuti, Ana (2022). Implementasi Project Based Learning pada Kurikulum 2022 Prototipe Merdeka belajar. Jakarta: PT Elex Media Komputindo. pp. 3. ISBN 978-623-00-3441-1. 
  2. ↑ Badan Pengembangan Sumber Daya Manusia Pendidikan dan Kebudayaan dan Penjaminan Mutu Pendidikan (2014). Materi Pelatihan Guru Implementasi Kurikulum 2013 Tahun pelajaran 2014/2015. Jakarta: Kemendikbud. pp. 41. 
  3. ↑ Widyastuti, Ana (2022). Implementasi Project Based Learning pada Kurikulum 2022 Prototipe Merdeka Belajar. Jakarta: PT Elex Media Komputindo. pp. 10. ISBN 978-623-00-3441-1. 
  4. ↑ a b Boss, Suzie., & Krauss, Jane. (2007). Reinventing Project Based Learning: Your Field Guide To Real World Projects In The Digital Age.. International Society for Technology In Education.. pp. 12. 
  5. ↑ Markham, Thom. "Handbook Project Based Learning : Second Edition. A guide to Standards Focused Project Based Learning : For Middle and High School Teacher". Buck Institute Education. (dalam bahasa Inggris). Diakses tanggal 2020-04-05. 
  6. ↑ Joyce, Bruce., Weil,M.& Calhoun,E. (2009). Model-model Pengajaran (edisi kedelapan).. Yogyakarta: Pustaka Pelajar.. 
  7. ↑ Oktavian, Catur Nurrochman (2015). Model-model pembelajaran IPS yang inovatif : tinjauan teoritis dan praktis untuk guru dan calon guru. Bandung: Rizqi Press. pp. 66. ISBN 978-602-9098-89-1. 
  8. ↑ Farris, J. Pamela. (2012). Elementary and Middle School Social Studies: An Interdisciplinary, Multicultural Approach. Sixth Edition.. Illinois: Waveland Press.Inc.. pp. 197. 
  9. ↑ ACHMAD OBY PERMADI, 105060037 (2016-06-28). "PENERAPAN MODEL PROJECT BASED LEARNING UNTUK MENUMBUHKAN SIKAP KEPEDULIAN TERHADAP LINGKUNGAN DALAM MEMANFAATKAN BENDA YANG TIDAK TERPAKAI UNTUK MEMBUAT KERAJINAN" (dalam bahasa Inggris). FKIP UNPAS. 
  10. ↑ a b c d e f M., Wena (2009). Strategi Pembelajaran Inovatif Kontemporer (Suatu Tinjauan Konseptual Operasional). Jakarta: Bumi Aksara. pp. 145. 
  11. ↑ Oktavian, Catur Nurrochman (2015). "PENERAPAN MODEL PEMBELAJARAN BERBASIS PROYEK UNTUK MENGEMBANGKAN KEPEDULIAN PESERTA DIDIK TERHADAP LINGKUNGAN". Jurnal Geografi Gea (dalam bahasa Indonesia). 15 (2). doi:10.17509/gea.v15i2.3544. ISSN 2549-7529. 
  12. ↑ Badan Pengembangan Sumber Daya Manusia Pendidikan dan Kebudayaan dan Penjaminan Mutu Pendidikan (2014). Materi Pelatihan Guru Implementasi Kurikulum 2013 Tahun pelajaran 2014/2015. Jakarta: BPSDM dan PMP Kemendikbud. 
  13. ↑ Sutirman (2013). Media dan Model-Model Pembelajaran Inovatif. Yogyakarta: Graha Ilmu. pp. 46. 
  14. ↑ a b c d e f Oktavian, Catur Nurrochman (2015). Model-model pembelajaran IPS yang inovatif : tinjauan teoritis dan praktis untuk guru dan calon guru. Bandung: Rizqi Press. pp. 67. ISBN 978-602-9098-89-1. 
  15. ↑ Bahirah, Nurul (2023). "Apa itu project-based learning? | Nurul Bahirah". www.nurulbahirah.com (dalam bahasa Inggris). Diakses tanggal 2023-02-22. 
  16. ↑ "Model Pembelajaran Project Based Learning (PjBL): Keunggulan, Kekurangan, dan Langkah-langkah" (dalam bahasa Indonesia). 2023-09-15. Diakses tanggal 2023-11-17. 
Diambiak dari "https://min.wikipedia.org/w/index.php?title=Pambalajaran_babasis_proyek&oldid=3151053"