Pamasaran
Pamasaran (bahaso Inggirih: marketing) adolah sabuah kagiatan nan baproses untuak menciptaan, mangkomunikasian, manyampaian, sarato mampatukaan tawaran nan banilai dek palanggan, klien, mitra, jo masyarakaik umum.[1] Pamasaran atau marketing iko marupoan juo sabagai proses mangidentifikasi suatu kaadaan untuak nantinyo dapek mamanuahi kabutuahan sosial manusia. Dalam pamasaran iko nantinyo tadapek tujuan dari pihak pamasaran atau pihak marketing yaitunyo guno untuak mandapekan labo jo untuang nan didapek dari sabuah panawaran yang dianggap dek konsumen mampunyoi sabuah nilai.[2]
Sijarah pamasaran
[suntiang | suntiang sumber]Pamasaran pado praktiknyo alah ado samanjak zaman paradaban kuno. Bangso Yunani Kuno jo Romawi alah mampraktikan ilimu dagang nan sacaro aktif bakomunikasi pasuasif kapado konsumennyo. Namun, konsep pamasaran modern nan tanamo di maso kiniko baru muncua jo bakambang pado maso revolusi Industri nan tajadi pado abaik ka-18 jo ka-19. Pariode iko ditandoi jo muncuanyo parubahan-parubahan sosial nan didorong dek pakambangan teknologi jo inovasi ilimu pangatahuan. Samanjak awa abaik ka-20 hinggo babarapo tahun pasca Parang Dunia II, kompetisi bisnis samakin maningkek sarato fokus ilimu pamasaran mulai pindah dari fokus produksi ka fokus panjualan. Ilimu komunikasi, pariklanan, jo merek mulai manjadi paguno katiko parusahaan barusaho manjua sabanyak-banyaknyo barang di pasa nan alah samakin rami.[3]
Strategi pamasaran
[suntiang | suntiang sumber]Strategi pamasaran marupoan hal nan sangaik paralu dek parusahaan di mano strategi pamasaran marupoan suatu caro mancapai tujuan dari sabuah parusahaan, karano bapotensi untuak manjua proposisi tabateh pado jumlah urang nan mangatahui hal tasabuik. Hal iko pulo didukuang dek pandapek Swastha nan mangatoan strategi adolah sarangkaian rancangan gadang nan manggambarkan bagaimano sabuah parusahaan harus baoperasi untuak mancapai tujuannyo,sahinggo dalam manjalankan usaho ketek khususnyo diparaluan adonyo pangambangan malalui strategi pamasarannyo.[4] Karano pado maso kondisi kritis justru usaho keteklah nan talok maagia patumbuahan tahadok pandapatan masyarakaik. Pamasaran manurut W. Y. Stanton iolah sasuatu nan mancakuik saluruah sistem nan basangkutan jo destinasi untuak marancanaan jo manilai harago hinggo jo caro mampromosian sarato manyaluaan barang jo jaso nan dapek mamuaskan kaparluan pambali aktual maupun potensial.[4] Barikuik iko tadapek tigo buah strategi pamasaran:
Sistem komunikasi pamasaran
[suntiang | suntiang sumber]Komunikasi pamasaran marupoan patukaran informasi yang tajadi antaro kaduo balah pihak atau lemago-lembago nan takik jo pamasaran. Aratinyo, komunikasi pamasaran sangaik diparaluan untuak manjalin komunikasi nan elok antaro si panjua jo si pambali. Kagiatan komunikasiko tantunyo dapek mambantu kaduo balah pihak dalam mangambiak sabuah kaputusan. Pado akhianyo kuputusan nan diambiak marupoak kaputusan nan paliang rancak nan indak marugian kaduo balah pihak. Proses nan tajadi pado komunikasi pamasaran jo iolah babicaro, mandanga, bareaksi, sarato banegosiasi.[5]
Promosi
[suntiang | suntiang sumber]Promosi disabuik juo sabagai jalannyo arus informasi. Promosi biasonyo takaik juo jo tindakan nan persuasif atau labiah tapeknyo batujuan untuak mambujuak. Proses promosi nan dilakuan jo caro persuasif dibuek guno mangarahkan sasaurang atau organisasi untuak talibaik dalam panawaran hinggo nantinyo tajadi proses tuka-manuka informasi dalam pamasaran sabuah produk. Kagiatan nan dinamoan promosi ko indak sajo dilakuan dek panjua sajo, namun pambali dapek juo malakuan proses promosi. Sabagai contoh, saurang pambali nio mancari sabuah barang mako inyo dapek maumumkan bahawasanyo inyo butuh barang tasabuik atau dapek juo diumumkan mamaluik iklan.[4]
Promotional mix
[suntiang | suntiang sumber]Promotional mix dianggap sabagai strategi pamasaran nan paliang baiak. Strategi ko dapek mangkombinasian variabel-variabel iklan, personal selling, jo alaik-aliak promosi lainnyo guno mancapai program panjualan nan alah ditetapkan sabalumnyo.[5]
Tujuan pamasaran
[suntiang | suntiang sumber]Tujuan pamasran nan partamo iolah potensi konsumen untuak mangetahui produk sacaro detail, parusahaan dapek pulo manyadioan pamintaan konsumen tahadok produk nan inyo suko. Kaduo, parusahaan dapek manjalehan sacaro detail kasado kagiatan nan bahubuangan jo pamasaran. Kagiatan pamasaran iko maliputi deskripsi produk, desain produk, promosi produk, iklan produk, komunikasi kapado konsumen, sampai pangiriman produk untuak mancapai tangan konsumen sacaro capek. Katigo, pamasaran ko dapek mangenal jo mamahami pelanggang tentang apo produk nan cocok untuk pelanggang tasabuik. Tujuan salanjuiknyo tantunyo untuak manarik paratian sarato mambuek urang atau palanggan tatariak atau suko tahadok produk apo nan sadang ditawaran.[6]
Rujuakan
[suntiang | suntiang sumber]- ↑ American Marketing Association, "About AMA: Definition of Marketing," <https://www.ama.org/AboutAMA/Pages/Definition-of-Marketing.aspx> (dikutip pada 29 Januari 2016).
- ↑ Rosalina, Sherly, Hartono Subagio (2016). "ANALISA PENGARUH PRODUCT IMAGE TERHADAP PURCHASE INTENTION DENGAN TRUST SEBAGAI VARIABEL INTEVENING PADA BLESSCON PT. SUPERIOR PRIMA SUKSES". Page 1 JURNAL MANAJEMEN PEMASARAN PETRA. Vol. 1, No. 1, (2016) 1-11: 3.
- ↑ "Marketing". media3.bournemouth.ac.uk. Diakses tanggal 2021-04-12.
- ↑ a b c William J. Stanton, Prinsip Pemasaran, Alih Bahasa Wilhelmus W. Bokowatun, Erlangga, Jakarta, 1991, hlm. 5.
- ↑ a b Winarto, Hari (Agustus 2011). "Strategi Pemasaran" (PDF). MAJALAH ILMIAH EKONOMIKA. VOLUME 14 NOMOR 3: 125.
- ↑ Liputan6.com (2021-03-22). "Tujuan Pemasaran, Fungsi, Konsep, dan Strategi yang Wajib Diketahui dalam Memulai Bisnis". liputan6.com (dalam bahasa Indonesia). Diakses tanggal 2021-04-12.