Pakaian bundo kanduang

Pakaian bundo kanduang atau biaso disabuik jo pakaian Limpapeh Rumah nan Gadang marupakan baju gadang bagi kaum padusi di Minangkabau nan alah barumah tango dn marupoka symbol dari pantiang nyo paranan ibu di rumah tanggonyo.

Pado umumnyo, pakaim Bundo Kanduang atau pakaian Limpapeh Rumah Nan Gadang mampunyoi rancangan nan babedo bedo pado satiok  daerah atau sub sukunyo,namun babarapo kelengkapan khusus musti ado pado jenis pakaian tu.

Kalangkapan pakaian

Tikuluak Tanduak

Tikuluak adolah sabuah penutuik kapalo nan bantuaknyo sarupo jo tanduak kabau atau bangunan kappa. Duo gonjong di suo jo kida nan acok isamoan jo tanduak kabau ko sabana nyo labiah cocok di sarupoan jo bangunan kapa. Kareno, di dalam deskripsi pidato adaik dikatokan bahwa kaduo gonjong tu merupokan lambang kaharmonisan/ kaseimbangan antaro adaik jo syarak (ABS-SBK).  Yaitu,

“gonjong ateh balik batimpa, lambang naraco bayangan adaik, adaik nan basandi syarak, syarak nan basandi kitabullah”.  

Samo jo filosofi bantuak kapa nan babantuak demikian untuak tujuan kaseimbangan.

Tikuluak ko tabuek dari kain sarupo salendang panjang nan dililikan mambantuak bangun tikuluak. Ujuang salendang nan cieklai barakhir disabalah mungko nan ciek lai di sabalak balakang. Nilai filosofi nan takanduang di alamnyo di ungkapkan jo pidato adaik :

“walau kabek buliah dibukak, namun buhua ndak buliah tangga”.  .

Artinyo , bahwa adaik Minangkabau tabukak untuak sagalo macam pamikiran-pamikiran demi kabaiakan, tapi indak untuak hal-hal fundamental, sarupo kayakinan jo filosofi hiduik. Hal iko manjadi pedoman dalam manyalasaian sagalo persoalan nan ado di dalam masyarakaik Minangkabau.

Baju Batabue atau Baju Kuruang

Baju Bundo Kanduang ko dikenal jo namo Baju Kuruang.  Sasuai jo namonyo, mangko bangun baju ko indak mungkin ketat.   Karano, konsep kuruangan adolah maandokan apo nan ado di dalamnyo. Oleh karano itu, baju kuruang mestinyo lungga tapi ndak kedodoran.  Lihianyo ndak ado krah/ lipatan, badannyo dihiasi jo barbagai motif-motif nan dibuek jo banang perak, ameh, jo hiasan lainnyo.  Langanya, dililikan jo babarapo hiasan dari banang makau, di mano lilitan tasabuik marupokan perpaduan banang nan ketek jo nan gadang.  Bagian jahitan pangka langan ditutuik jo hiasan dari banang makau.

Salanjuiknyo, hiasan babantuak lilikan garih perpaduan banang ketek jo gadang pado langan manganduang makna bahwa;

1) bundo kanduang bakarajo jo aturan dan etika,

2) bundo kanduang indak mambedakan perlakuan antaro anak-kamanakannyo,

3) anak kamanakan tu selalu mangiringi untuak malindungi dan manjago bundo kanduang,

Hal iko tarsirat dalam pidato adat,

“Langan balilik suok kida, basisik makau kaamasan, gadang basalo jo nan ketek.  Tandonyo bundo bapangiriang, tagak baapuang jo aturan, baukua jangko jo jangkau, unjuak baagak bainggok-an”.

Kodek

Kodek, saruang khas Minangkabau, adolah perlengkapan nan dililikan di pinggang sabagai bawahan nan bantuaknyo barupo kain panjang.  Panjangnyo sampai ka tumik, dibaluikan ka pinggang jo arah dapek disusun di muko, sampiang, maupun balakang tagantuang adaik Nagari mano nan mamakainyo. Caro pamasangan nan khas ko barkaikan jo pidato adaik:

“Bajalan si ganjua lalai, pado pai suruik nan labiah, samuik tapijak indak mati, alu tataruang patah tigo, tibo di lasuang ramuak rampak”.

Artinyo, bundo kanduang tu bajalan berdaasarkan aturan jo etika.  Etika nan manunjukkan kelemah-lembutan jo kaagungan sifat kodrati saorang wanita nan bahkan sacaro kasek mato tampak sarupo ndak ka mampu menyakiti siapopun (dalam hal iko dianalogikan jo samuik).  Atur nan dapek maancuaan nan “kareh” sakalipun.  Singkek kato, padusi Minangkabau tu lembut pambawokannyo tapi kareh dalam manjalankan hal-hal nan sifatnyo prinsipil.

Salempang

Salempang marupokan kain hiasan nan  dilingkakan dari bahu sabalah kida ka pinggang sabalah suok.  Simpul kabeknyo indak mati tapi berupo simpul nan dapek gampang diirik untuak malapehkannyo.  Salempang ko adolah simbol dari tugeh pokok dari bundo kanduang, iyolah manganai pengelolaan sako jo pusako.  Pengelolaan sako ndak bararti manjago gala adaik, tatapi manjago jo mandidik atau mamparhatikan pandidikan generasi panaruih gala tu.  Sedangkan pengelololaan pusako bararti mengelola dan mamanfaikan harta sacaro baik untuak kesejahteraan kaumnyo.  Dalam hal pengelolaan pusako iko bundo kanduang dikenal jo sabuikan umbuak puro, alias juru kunci harato kaum/ nagari.  Hal iko tacamin dari ungkapan pidato adaik:

“Salempang suto bajumbaian,…….., kapalilik anak kamanakan, kapangabek sako jo pusako, nak kokoh lua jo dalam.  Kabek salilik babuhua sentak, rapek nagari nak maungkai, tibo nan punyo tangga sajo”.

Tarompa

Disiko Tarompa hanyo bafungsi sabagai palinduang / pangaman kaki supayo indak kanai benda tajam, disampiang tu palindungaan tarhadok diri sorang Bundo Kanduang.

Prinsip dasar nan takanduang di dalamnyo adolah ajaran untuak mamiliki dasar dalam batindak.  Dasar itu adolah pengetahuan/ ilmu tantang hal nan akan dihadoki, stategi, parsiapan diri lahia jo batin sabalum manyatokan sikap ataupun batindak.  Tujuannyo, supayao indak ragu-ragu dalam batindak, siap maadoki sagalo kamungkinan nan dapek sajo tajadi, melinduangi diri dari efek-efek negatif nan barangkali muncul.  Hal iko tacamin dari pidato adaik:

“Malangkah jan salelo kaki, maagak kuku jan tataruang, ingek sabalun kanai.  Kulimek sabalun habih, maminteh sabalun hanyuik, malantai sabalun lapuak.  Gantang tatagak jo lanjuangnyo, sumpik tatagak jo isinyo, adaik tatagak jo limbago. Adaik nan batalago buek, cupak nan tarang samato, taga dek sifaik nan badiri”.

Pariasan

Pado umumnyo pakaian adaik padusi dari daerah lain, panggunoan pakaian adaik Sumatera Barat untuak padusi dilengkapi jo baragam aksesoris. Aksesoris tu misalnyo subang, lukuah, galang, dan cincin.

Subang, lukuah, galang, cincin di ateh marupokan perhiasan untuak padusi dalam konteks bapakaian Minangkabau.  Subang adolah perhiasan untuak talingo, lukuah untuak lihia, galang untuak langan, jo cincin untuak jari.  Manganai materi jo bantuak perhiasan tu indaklah disabuikan.  Hanyo sajo dibatehi jo istilah “alua jo patuik ka ukuran”.   Artinyo, pakailah perhiasan pado tampeknyo, iyolah sasuai jo hakikatnyo iyolah untuak manghias, untuak manimbulkan kasan nan lebiah baiak.  Oleh karano tu, hal tapantiang dalam mamiliah jo manggunokan perhiasan adolah jo mamparhatikan persepsi masyarakaik sakitar tantang perhiasan nan ingin dipakai, sarato keadaan/ kondisi diri surang.  Hal iko tacamin dari ungkapan pidato adaik : “Takanak lukuah di lihia, bagalang salingkaran langan, bacincin salingkaran jari, alua jo patuik sinan bahimpun. Latakkan suatu pado tampeknyo, dimakan alua jo patuik, di dalam cupak jo gantang. Mahawai jan sapanjang tangan, unjuak bahagak bahinggoan, malabihi ancak-ancak, mangurangi sio-sio”. Samo jo filosofi bantuak kapal nan babantuak demikian untuak tujuan kasimbangan.

Tikuluak iko surang dibuek jo kain menyerupai selendang panjang nan dililitkan sedemikian rupo sampai mambantuak struktur bangun tikuluak.  Ujung selendang nan satu barakhia di sabalah depan nan satu di sabalah belakang. Nilai filosofi nan terkandung di dalam iko diungkapkan jo pidato adat

“walau kabek buliah dibukak, namun buhua ndak buliah tangga”.

Artinya, bahwa adaik Minangkabau tabukak untuak sagalo macam pemikiran-pemikiran demi kebaikan, tapi indak untuak hal-hal fundamental, saroman keyakinan dan filosofi hidup.  Hal iko manjadi pedoman dalam manyalasaikan sagalo persoalan nan ado di dalam masyarakaik Minangkabau.

Lilitan kain nan mambantuak tikuluak iko indak terlalu kuek dan indak pulo terlalu lemah.  Akan tetapi melilit rapaik tampa takanan kuek dari kaduo ujuang kain.  Hal iko dideskripsikan dalam pidato adaik dengan:

“tagangnyo bajelo-jelo, kanduanyo badantiang-dantiang, hati lapang paham saleso, pasiah lidah pandai barundiang”.

Artinya, pendekatan caro berfikir dalam adaik Minangkabau itu indak kaku.  Hati dan pendirian harus istiqomah, akan tetapi, dalam penyampaian, dek menyangkut manusia lain, manusia banyak, mako harus mempertimbangkan sagalo sesuatunya.  Karena, keharmonisan dan ketentraman adolah hal nan utama. Pendekatan iko digunoan tarutamo untuak masalah-masalah nan mamiliki potensi untuak melebar ka mana-mana.  Artinya, paralu suasana nan tenang untuak mangaluakan dan melaksanakan keputusan.

Selajutnya, besarnya lingkaran tingkuluak nan melekat ka kapalo disesuaikan jo besarnya lingkaran kepala.  dek dek itu, indak ado ukuran detail untuak panjang sarato lebar kain pembentuk tingkuluak ini.  Hal iko menganalogikan duo hal;

1) bahwa indak ado batasan untuak kakuatan pikiran/ isi kepala,

2) tanggung jawek keibuan/ kewanitaan nan indak ado batasnya.

Ini dideskripsikan jo pidato adat:

“salilik lingkaran kaniang, ikek santuang di kapalo, lebanyo pandindiang kampuang, panjang pandukuang anak-kamanakan.  Nan sapayuang sapatagak, di bawah payuang di lingkuang cupak”.

Nan sapayuang sapatagak mengacu pado anak kamanakan nan ado di dalam kaum, di bawah payuang di lingkuang cupak mengacu pado anak kemenakan non-kaum, tapi dek budayo malakok alah dianggap sabagai bagian dari kaum sendiri.

Terakhir, pamakaian tingikuluak itu surang tidaklah kuek manakan kepala.  Karena landasan nan memlingkari kapalo itu surang didisain menyerupai bantuak lingkaran kepala.  Pengkondisian disain inilah nan membuatnya kokoh walaupun indak dipasang jo kuat, tanpa bantuan alat untuak manahan bia melekat kuek ka kepala.  Hal iko di dalam pidato adaik dikatakan dengan:

“guyahnyo bapantang tangga, kokohnyo murah diungkai”.

Nilai filosofi nan terkandung di dalamnya mirip dengan:

“tagangnyo bajelo-jelo, kanduanyo badantiang-dantiang”,

yaitu indak kaku dalam hal berfikir dan bersikap.  Pikiran harus tabukak , indak terbelenggu dek hal-hal nan basifaik teoritis.  Karena adaik adolah masalah kemanusiaan nan taruih berjalan.

1. Baju Batabue atau Baju Kuruang

Baju Bundo Kanduang iko dikenal jo namo Baju Kuruang. Sesuai jo namanya, maka, bangun baju iko indak mungkin ketat.   Karena, konsep kurungan adolah menyembunyikan apa nan di dalamnya. Oleh dek itu, baju kuruang mestinya longgar tapi indak kedodoran.  Lehernya indak mamiliki krah/ lipatan, badannya dihiasi jo babagai motif-motif nan dibuek jo benang perak, emas, dan hiasan lainnya.  Lenganya, dililiti jo babarapo hiasan dari benang makau, di mano lilitan tasabuik marupoan perpaduan benang nan ketek dan nan besar.  Bagian jahitan pangka lengan juo ditutupi jo hiasan dari benang makau.

Hiasan pado badan dan penutup jahitan pangka lengan mengandung makna wewenang panuah untuak menutupi hal-hal nan dapek mambuek resah masyarakat, walaupun manuruik adaik kebenaran hal tasabuik barangkali salah. Misalnya, berbohong untuak kebaikan, berpura-pura untuak kebaikan, dan lain sebagainya.  Barangkali inilah strategi pencitraan (make-up) ala Minangkabau. Hal iko terlihat dari pidato adat:

“Batabua perak baukia, baturap jo banang ameh, basuji jo banang makau.  Panutuik jahik pangka langan, tando mambuhua ndak mambuku, mauleh ndak mangasan”.

Selanjutnya, hiasan babantuak lilitan garih perpaduan benang ketek dan gadang pado lengan mengandung makna bahwa;

1) bundo kanduang bakarajo jo aturan dan etika,

2) bundo kanduang indak membedakan perlakuan antaro anak-kemenakannya,

3) anak kemenakan tasabuik selalu mengiringi untuak malinduangi dan menjaga bundo kanduang tersebut.

Hal iko tersirat dalam pidato adat,

“Langan balilik suok kida, basisik makau kaamasan, gadang basalo jo nan ketek.  Tandonyo bundo bapangiriang, tagak baapuang jo aturan, baukua jangko jo jangkau, unjuak baagak bainggok-an”.

2. Kodek atau sarung khas Minangkabau

Kodek iko adolah perlengkapan nan dililitkan di pinggang sabagai bawahan nan bentuknya barupo kain panjang.  Panjangnya sampai ka tumit, dibalutkan ka pinggang jo arah dapek disusun di depan, samping, maupun belakang tergantung adaik Nagari mano nan memakainya. Cara pemasangan nan khas iko berkaitan jo pidato adat:

“Bajalan si ganjua lalai, pado pai suruik nan labiah, samuik tapijak indak mati, alu tataruang patah tigo, tibo di lasuang ramuak rampak”.

Artinya, bundo kanduang itu berjalan berdaasarkan aturan dan jo etika. Etika nan menunjukkan kelemah-lembutan dan keagungan sifat kodrati saurang wanita nan bahkan sacaro kasat mato terlihat saroman indak akan mampu menyakiti siapapun (dalam hal iko dianalogikan jo semut).  Aturan nan dapek menghancurkan nan “keras” sekalipun.  Pendek kata, wanita Minangkabau itu lembut pembawaannya tapi kareh dalam manjalankan hal-hal nan sifatnya prinsipil.

3. Salempang khas Minangkabau

Salempang marupoan kain hiasan nan  dilingkarkan dari bahu sabalah kiri ka pinggang sabalah kanan.  Simpul ikatannya indak mati tapi barupo simpul nan dapek ditarik jo mudah untuak melepaskannya.  Salempang iko adolah simbol dari tugeh pokok dari bundo kanduang, iyolah manganai pengelolaan sako dan pusako.  Pengelolaan sako bukan bararti menjaga gelar adat, tetapi menjaga dan mendidik atau memperhatikan pandidikan generasi penerus gelar tersebut.  Sedangkan pengelololaan pusako bararti mengelola dan mamanfaikan harta sacaro baik untuak kesejahteraan kaumnya.  Dalam hal pengelolaan pusako iko bundo kanduang dikenal juo jo sebutan umbuak puro, alias juru kunci harta kaum/ nagari.  Hal iko tercermin dari ungkapan pidato adat:

“Salempang suto bajumbaian,…….., kapalilik anak kamanakan, kapangabek sako jo pusako, nak kokoh lua jo dalam.  Kabek salilik babuhua sentak, rapek nagari nak maungkai, tibo nan punyo tangga sajo”.

4. Tarompa atau sandal

Disini Tarompa hanyo berfungsi sabagai pelindung / pengaman kaki bia indak kanai benda tajam, disamping itu juo perlindungan tahadok diri saurang Bundo Kanduang.

Prinsip dasar nan terkandung di dalamnya adolah ajaran untuak mamiliki dasar dalam bertindak.  Dasar itu adolah pengetahuan/ ilmu tantang hal nan akan dihadapi, stategi, persiapan diri lahia dan batin sabalun manyatoan sikap ataupun bertindak. Tujuannya, supaya indak ragu-ragu dalam

“Malangkah jan salelo kaki, maagak kuku jan tataruang, ingek sabalun kanai.  Kulimek sabalun habih, maminteh sabalun hanyuik, malantai sabalun lapuak.  Gantang tatagak jo lanjuangnyo, sumpik tatagak jo isinyo, adaik tatagak jo limbago. Adaik nan batalago buek, cupak nan tarang samato, taga dek sifaik nan badiri”.